יארן ב'ת"ק - ב'תקצ"ט

יארן ב'ת"ק (2500) - ב'תקצ"ט (2599) האבן זיך אנגעהויבן, לויט די אנגענומענע כראנאלאגיע וואס איז באזירט אויף סדר עולם רבה, 3284 יאר צוריק און האבן זיך געענדיגט 3185 יאר צוריק.

די יארן ווערן דא גערעכנט לויטן ציילונג באניצט אין סדר הדורות און אין אנדערע ספרים אויף אידישע כראנאלאגיע, וועלכע הייבן אן פון טאג ווען אדם הראשון איז באשאפן געווארן, אין צווייטן יאר לבריאת העולם (דער ערשטער יאר לבריאת העולם, גערופן "שנת תוהו", האט אנטהאלטן בלויז פינף טעג). לויט די רעכענונג וואס איז היינט אנגענומען (אין וועלכע דער יעצטיגער יאר איז ה'תשפ"ד), וואס הייבט זיך אן פון ערשטן טאג צום בריאת העולם, דארף מען צולייגן איין יאר צום חשבון.

ביי טייל פון די יארן דארף מען מעגליך צולייגן נאך איין צום חשבון, געוואנדן אויב די יארן אין די תורה רעכענען זיך ווען זיי הייבן זיך אן אדער ווען זיי זענען געענדיגט.

געשעענישן

• ב'תק"ב – יהושע בן נון ענדיגט איינטיילן ארץ ישראל פאר די שבטים. דער חשבון פון שמיטות און יובלות הייבט זיך אן פון נאך דעם יאר.
• ב'תק"ג –דער משכן גייט אריבער פון גלגל צו שילה
• ב'תקט"ז, כ"ו ניסן – נפטר געווארן יהושע בן נון
• תקופת השופטים הייבט זיך אן, נאך די פטירה פון יהושע בן נון און די זקנים
• ב'תקט"ז-ב'תקכ"ד – אידן ווערן אונטערדרוקט דורך כושן רשעתים דער קעניג פון ארם נהרים. אין דער צייט זענען פארגעקומען די געשיכטעס פון פסל מיכה און פילגש בגבעה, לויט דער סדר עולם.
• ב'תקט"ז-ב'תקנ"ו – עתניאל בן קנז האט זיך געשטארקט איבער כושן רשעתים, און געפירט די אידן פערציג יאר
• ב'תקנ"ו-ב'תקע"ד – אידן ווערן אונטערדרוקט דורך עגלון מלך מואב. אין דער צייט איז פארגעקומען די געשיכטע פון מגילת רות, לויט דער סדר עולם
• ב'תקנ"ו – אהוד בן גרא הייבט אן פירן די אידן (ביז ב'תרל"ו), און ברענגט אום עגלון מלך מואב

נפטר געווארן

• ב'תקט"ז – יהושע בן נון
• ב'תקט"ז – אלעזר הכהן
• ב'תקנ"ו – עתניאל בן קנז
• אלימלך, מחלון וכליון

צו ליינען מער

• אברהם עקביא, סדרי זמנים לפי המסרת, תל אביב, תש"ג (פארלאנגט אומזיסטע רעגיסטראַציע)

רעפערענצן

►►

ב'ת"ק - ב'תקצ"ט

◄◄