רוי:מאכניווקא (חסידות)

הרה"צ אברהם יהושע העשיל טווערסקי, דער צווייטער מאכניווקער רבי

הרה"צ יהושע רוקח, דער היינטיגער מאכניווקער רבי

מאכניווקא חסידות געהערט צו דער טשערנאבילער גזע. הרה"צ יוסף מאיר טווערסקי האט געגרינדעט דעם הויף אין מאכניווקא, א שטעטל אין אוקראינע. דער היינטיגער רבי פירט זיין רעביסטעווע אין בני ברק, ישראל; ער איז אויך א בעלזער אייניקל און מען רופט דאס חסידות היינט מאכניווקא־בעלזא. מאכניווקא איז אן אפצווייג פון סקווער.

וויבאלד דער היינטיגער מאכניווקער רבי איז א בעלזער אייניקל, זענען צוגעקומען צו זיין חסידות בעלזער חסידים וואס האבן נישט מקבל געווען די רעביסטעווע פונעם היינטיגן בעלזער רבין. אחוץ דעם בית המדרש אין בני ברק, האבן זיי צוויי שטיבלעך און א ישיבה קטנה אין סטעמפארד היל, לאנדאן. אויך האבן זיי שטיבלעך אין ירושלים, בית שמש ביתר און אלעד, און אויך אין סאלפארד (מאנטשעסטער), אנטווערפן, בארא פארק און וויליאמסבורג.

ייחוס

די טשערנאבילער גזע האט געגרינדעט דער טשערנאבילער מגיד, הר"ר מנחם נחום טווערסקי, א תלמיד פון הייליגן בעל שם טוב, דער גרינדער פון חסידות.

• הרה"צ מנחם נחום טווערסקי פון טשערנאביל - מחבר פון "מאור עינים", תלמיד פון בעל שם טוב
  • רבי מרדכי טווערסקי, טשערנאבילער מגיד, זון פון מאור עינים - האט געהאט אכט זין וואס יעדער איינער האט געגרינדעט א גזע
    • רבי יצחק טווערסקי פון סקווירא, זון פונעם טשערנאבילער מגיד
      • הרה"צ אברהם יהושע העשיל טווערסקי (1826-1886) פון סקווער, זון פון ר' יצחק
        • הרה"צ יוסף מאיר טווערסקי (ה'תר"כ- כ"ט אב ה'תרע"ז) פון מאכניווקא, זון פון ר' אברהם יהושע העשיל פון סקווער
          • הרה"צ מנחם נחום טווערסקי פון סקווער-מאכניווקא (1880-1945) איידעם פון ר' יוסף מאיר פון מאכניווקא
          • הרה"צ אברהם יהושע העשיל טווערסקי (כ"ד אדר ה'תרנ"ה - י' תשרי ה'תשמ"ח) פון מאכניווקא-בני ברק, זון פון ר' יוסף מאיר פון מאכניווקא
            • • הרה"צ יהושע רוקח (געב' כ"א טבת ה'תש"ט), היינטיגער בעלזא מאכניווקער רבי פון בני ברק, אייניקל פון רבי יהושע רוקח פון יעראסלאוו, איידעם ביי ר' יוסף מאיר פון מאכניווקא

ר' אברהם יהושע העשיל איז געווען מאכניווקער רבי 70 יאר, פון תרע"ז ביז תשמ"ח. במשך א לענגערער צייט אין ראטן פארבאנד האט ער מרביץ תורה געווען און פארשפרייט חסידות אקעגן דעם רצון פון די קאמוניסטישע אויטאריטעטן. נאכן צווייטן וועלט קריג האט די סאוויעטישע רעגירונג אים געבעטן צו דינען אלס הויפט רב פון דער סאוועטן פארבאנד. ער האט אבער אפגעזאגט דעם אמט, ווייל ער האט נישט געוואלט זיך פירן לויט זייערע דעות. פאר דעם האט מען אים פארטריבן אין סיביר.

אין תשכ"ה האט מען אים ערלויבט צו פארלאזן דעם סאוועטן פארבאנד און ער האט געוואנדערט קיין בני ברק.

דרויסנדיגע לינקס

• ביאגראפיעס

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!