רוי:רבי משה הורוויץ

רבי משה הורוויץ זצ"ל (ה'תקפ"ד - י' סיון ה'תרנ"ד), רב אין ראזוואדאוו.

יוגנט

רבי משה'לי איז געבוירן בערך אין יאר תקפ"ד–תקפ"ה, צו זיין פאטער רבי אליעזר הורוויץ, רב אין דזשיקאוו, באקאנט אלס רבי אליעזר'ל דזשיקאווער, א זון פון הרב רבי נפתלי צבי הורוויץ, דער ראפשיצער רב, וועמען ער האט נאך עספיעט צו זען פאר זיין פטירה אין תקפ"ז. און צו זיין מוטער א טאכטער פון הנגיד הרב יחיאל איכל רויזנפעלד פון ראווא-רוסקא.

ער איז געווען אן איידעם ביים ’ייטב לב‘, און ער איז געווען א תלמיד מובהק פונעם צאנזער רב (ער האט נאך אויך עספיעט צו זיין ביי זיין עלטער-שווער דער ישמח משה, בערך צוויי חדשים).

רבנות

רבי משה'לי איז געווען רב אין ראזוואדאוו.

הסתלקות

רבי משה'לי האט יארן שטארק געליטען אום לעצטען יאר איז ער געלעגען שבועות אין בעט, שבת האט ער זיך בעסער געפילט, זונטאג איז ער נפטר געווארן י' סיון ה'תרנ"ד), אין ראזוואדאוו. די ירושה איז צוטיילט געווארן מיט א גורל דורך דעם דיין הרב אלעזר רוזן.

פאמיליע

רבי משה'לי האט געהייראט די טאכטער פון סיגוטער רב - הרב יקותיאל יהודה טייטלבוים - דער ייטב לב. זייערע קינדער:

הרב צבי הירש הורוויץ (ה'תר"ט (אומגעפער) - חשון ה'תרע"ט), ממלא מקום פון פאטער, רב אין ראזוואדאוו. ער האט באקומען א חאלאטעל וואס איז געווען בירושה פון קאזשניצער מגיד.