רוי:רבי אליעזר הורוויץ

רבי אליעזר הורוויץ (ה'תק"נ - ג' חשון ה'תרכ"א), רב אין דזשיקאוו.

אפשטאם

רבי אליעזר'ל איז געבוירן אין יאר ה'תק"נ (אומגעפער), צו זיין פאטער הרב רבי נפתלי צבי הורוויץ דער ראפשיצער רב, א זון פון רבי מנחם מענדל רובין, רב אין לינסק, באקאנט אלס רבי מענדעלע לינסקער. און צו זיין מוטער מרת רבקה די טאכטער פון הנגיד הרב צבי הירש גאלדהאמער פון דוקלא.

רבנות

רבי אליעזר'ל האט געגעסן קעסט ביי זיין שווער אין ראווא-רוסקא. ווען זיין שווער איז געווארן א יורד רח"ל האט ער זיך ערשט באשעפטיגט מיט האנדלען פון וויין, נאכהער איז ער געפארן קיין ראפשיץ וואוינען נעבן פאטער. נישט וועלנדיג אננעמען קיין רבנישע שטעלע, האט ער - האבנדיג א זייער א שיינע און זיסע שטימע - זיך געפרואווט צו ערנערען פון חזנות, אבער נישט קענענדיג ביישטיין די פינאנציעלע ענגשאפט, איז ער געווארן רב אין דזשיקאוו.

הסתלקות

רבי אליעזר'ל איז נפטר ג' חשון ה'תרכ"א, אין ליגט אין דזשיקאוו.

פאמיליע

רבי אליעזר'ל האט געהייראט מרת חיה, די טאכטער פון הנגיד הרב יחיאל איכל ראזענפעלד פון ראווא-רוסקא, (א פעטער פון הרב רבי שלום ראזענפעלד פון קאמינקא (דער ערשטער)). זייערע קינדער:

• הרב ישראל הורוויץ (ה'תקע"ד - ר"ח ניסן ה'תר"ל), רב אין בארניוו.

• הרב רבי מאיר הורוויץ (ה'תקע"ט - ח' תמוז ה'תרל"ז), ממלא מקום פון פאטער, רב אין דזשיקאוו.

• הרב ראובן הורוויץ (ה'תק"פ (אומגעפער) - ה'תרמ"ה (אומגעפער) ), רב אין דעמביץ.

• הרב רבי משה הורוויץ (ה'תקפ"ד (אומגעפער) - י' סיון ה'תרנ"ד), רב אין ראזוואדאוו.

• מרת ביילא, די ווייב פון הרב מאיר נתן האלבערשטאם (ה'תקפ"ה – ט"ו מנחם אב ה'תרט"ו), א זון פון דברי חיים.

• די ווייב פון הרב רבי חנינא הורוויץ (ה'תקפ"ב (אומגעפער) - ב' חשון ה'תרמ"ב), רב אין אולינוב, א זון פון איר פעטער הרב יעקב הורוויץ, רב אין מעליץ

רעפערענצן

• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!