רוי:רדב"ז

רבי דוד בן שלמה אבן זמרא (רדב"ז; ה'רל"ט, 1479 – כ"א חשון ה'של"ד, 1573) איז געווען א פוסק, ראש ישיבה, אב בית דין און מנהיג פון אידן אין מצרים, און דערנאך א רב אין צפת. ער איז געווען פון די גרעסטע רבנים אין 16'טער יארהונדערט, און א וויכטיגער אויטאריטעט אין דער לומדישער וועלט.

ביאגראפיע

רבי דוד אבי זמרא אדער "בן זמרא" איז געבוירן געווארן אין שפאניע אין יאר 1479. פונקט אין יאר ווען ער איז געווארן בר מצוה איז פארגעקומען דער גרויסער גירוש פון שפאניע. רבי דוד צוזאמען מיט זיינע עלטערן האט פארלאזט שפאניע און האט זיך באזעצט אין צפת, דערנאך איז ער אוועק קיין פעס אין אפריקע און אין יאר 1512 האט ער זיך באזעצט אין עגיפטן. אין עגיפטן איז ער געווען רב א לאנגע צייט, ביז צום יאר 1569 ווען ער איז אלט געווארן ניינציג יאר. ער איז דעמאלט אוועק קיין ירושלים און דערנאך קיין צפת, וואו ער איז נפטר געווארן אין יאר 1589 (אין עלטער פון 110 יאר).

ספרים און תלמידים

די באדייטונג פון רדב"ז באשטייט קודם כל אין די פיל וויכטיגע ספרים וואס ער האט מחבר געווען, ווי "שאלות ותשובות רדב"ז", ווי אויך א פירוש אויף א סך טיילן פון רמב"ם מיטן נאמען "יקר תפארת". חוץ פון דעם האט ער געשריבן אנדערע הלכה-ספרים און אויך עטליכע ספרים אויף קבלה.

דער רדב"ז האט אויך אויפגעשטעלט גרויסע תלמידים וואס זענען דערנאך געווארן די פירער פון אידישן פאלק, ווי דעם גרינדער פון דער קבלה-שיטה אין צפת רבי יצחק לוריא (אר"י); רבי בצלאל אשכנזי דער פארפאסער פון שיטה מקובצת; אויך דער מחבר פון שולחן ערוך, רבי יוסף קארו, האט אים אפגעגעבן גרויס כבוד.

שטעלונגען

ביז די צייטן פון רדב"ז האבן די אידן אין מצרים געציילט זייער צייט-רעכנונג לויט דעם אלטן "מנין השטרות" פון גריכישן קעניג סעלעאוקוס אין סיריע. דער רדב"ז האט דאס אפגעשאפן און דארט איינגעפירט די ציילונג "לבריאת העולם", ווי עס איז חיינט אנגענומען די אידישע ציילונג.

דער ארטיקל נעמט אריין טעקסט פון דער ייִדישער פאָלקס־ענציקלאָפּעדיע (פּיעטרושקא), וואָס איז היינט אינעם רשות־הרבים. רעכטן פאר טוישונגען בלייבן רעזערווירט.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!