רוי:רבי אריה לייבוש האלבערשטאם (צאנז)
רבי אריה לייבוש האלבערשטאם זצ"ל (ה'תרי"ב - כ"א אדר א' ה'תרצ"ג), רב אין גריבאוו און צאנז.
אפשטאם
רבי לייבוש איז געבוירן אין יאר ה'תרי"ב צו זיין פאטער הרב רבי אהרן האלבערשטאם, דער קרייזער רב, א זון פון הרב רבי חיים האלבערשטאם, דער דברי חיים, און צו זיין מוטער מרת חנה עלקא א טאכטער פון הנגיד הרב יעקב וויינבערגער פון דוקלא.
זיינע רבי'ס
רבי לייבוש האט געלערנט ביים זיין זיידן דער דברי חיים, ער האט געזאגט אויף רבי לייביש אז ער האט א מח ווי דער ישועות יעקב.
רבנות
אין יאר ה'תרמ"ו (אדער ה'תרמ"א) האט מען אויפגענומען רבי לייביש אלס רב אין גריבאוו. נאך זיין פאטער'ס פטירה אין יאר ה'תרס"ד, איז ער געווארן רב אין צאנז.
הסתלקות
רבי לייבוש איז נפטר געווארן כ"א אדר א' ה'תרצ"ה, אין ליגט אין צאנז אין דעם צאנזער אוהל.
פאמיליע
בזיווג ראשון האט רבי לייבוש געהייראט מרת מלכה א טאכטער פון הרב רבי משה הורוויץ רב אין ראזוואדאוו. בזיווג שני האט רבי לייבוש געהייראט א טאכטער פון הרב יצחק קאנער. זיינע קינדער:
- הרב מרדכי זאב האלבערשטאם (אומגעקומען כ"ו סיון תש"ב), ממלא מקום פון פאטער, רב אין גריבאוו און צאנז
- הרב משה האלבערשטאם, ער האט געהייראט מרת נחמה א טאכטער פון הרב שמואל הורוויץ רב אין דעמביץ, זיי זענען אומגעקומען צוזאמען מיט זייערע פינף קינדער אויף קידוש השם, הי"ד.
- הרב אפרים האלבערשטאם ער האט געהייראט מרת חיה א טאכטער פון הרב משה האלבערשטאם רב אין בארדיאוו
- הרב צבי הירש האלבערשטאם ער האט געהייראט א טאכטער פון הרב דוד צבי זעהמאן רב אין דוקלא
- הרב פנחס שמעיה האלבערשטאם ער האט געהייראט מרת צפורה א טאכטער הרב נפתלי הורוויץ רב אין מעליץ
- די ווייב פון הרב אברהם חיים טייטלבוים פון קרעניץ
- די ווייב פון הרב אביגדור צבי האלבערשטאם (ה'תרמ"ד - ה'תש"ב), פון אלט צאנז און בארדיאוו
- מרת חיה (חייטשע), די ווייב פון הרב ישראל אונגאר, א זון פון הרב רבי שלום דוד אונגאר רב אין זשאבנא
רעפערענצן
- י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
- אנציקלופדיה לחכמי גליציה, מאיר וונדר
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!