אפריל
| |||
אפריל איז דער פערטער מאנאט פון יאר אין די גרעגאריאנישע און יוליאנישע קאלענדארן. עס איז דער ערשטער פון פיר מאנאטן וועלכע פארמאגן דרייסיג טעג.
אפריל איז אסאציאירט מיט דער סעזאן פון פרילינג אין דער צפון האלבקיילעך, און מיט הערבסט אין דער דרום האלבקיילעך, וואו עס איז גלייך צו אקטאבער אין דער צפון האלבקיילעך. עס הייבט זיך אלעמאל אן אין זעלבן טאג פון וואך ווי דער זיבעטער מאנאט, יולי.
היסטאריע
די רוימער האבן גערופן דעם מאנאט Aprilis אויף לאטייניש[1], אבער די עטימאלאגיע דערפון איז נישט קלאר. עס איז טראדיציאנאל אנגענומען אז עס שטאמט פונעם ווערב aperire, "צו עפענען", זייענדיג אין אנהייב פון דער סעזאן ווען די ביימער און בלומען צועפענען זיך און בליען אויף. אנדערע שפעקולירן אז דער נאמען באציט זיך צו א גריכישע אפגאט מיטן נאמען אפראדייט, וואס דער מאנאט איז געווען "פארהייליגט" פאר איר.
אפריל איז געווען דער צווייטער מאנאט אין די עלטסטע רוימישע קאלענדאר[2], בעפאר יאנואריוס און פעברואריוס זענען צוגעלייגט געווארן צום יאר דורך דער קעניג נומא פאפיליוס. צום ערשט האט עס פארמאגט 30 טעג; נומא פומפיליוס האט באשטימט 29 פאר דעם פערטן מאנאט; יוליוס קייסער האט עס צוריקגעשטעלט צו דרייסיג טעג, ווי עס איז שוין געבליבן אין דעם נאכפאלגנדן יוליאנישן קאלענדאר.
רעפערענצן
| ציווילע מאנאטן | |
|---|---|
|