שמועס:מתתיהו הכהן

דאטומען

אין די יארן ארטיקלען האב איך געשטעלט אלס עיקר (בעקבות עקביא) אז נס חנוכה איז פארגעקומען אין יאר ג'תרכ"ב, און געשטעלט אין הערה די אנדערע שיטה (וואס ווערט דא אנגענומען בסתמא). לכאורה וואלט כדאי געווען צו אויסגלייכן צווישן די ארטיקלען, וואס זאגט איר? — צמא לדעת • שמועס • ט' כסלו ה'תשפ"ד 16:15, 22 נאוועמבער 2023 (UTC)

ניין זאג איך, נאר טון פארקערט שטעלן די דאטומען פון מקבים א עיקר, בפרט אין דער ארטיקל וואס איז געבויט בעיקר דערויף.
לגבי אין אלגעמיין האלט איך אז מען דארף נישט אננעמען תרכ"ב (וואס וועט מאכן שרעקליך א באלאגאן בעתיד), נאר די דאטומען לויט מקבים אין יוספוס. אנדערש ווי ביי פרס און בית ראשון, דא פארענטפערט מען גאר גרינג די קשיות. שווערמער (שמועס) 19:49, 22 נאוועמבער 2023 (UTC)

כל זה אכניס. מיין פראגע איז נישט געווען אז מ'זאל אננעמען תרכ"ב דייקא אלס עיקר, נאר אז מ'זאל אננעמען איין פון די מעגליכע דאטומען - לדבריך תקצ"ז - אלס עיקר און אזוי שרייבן איבעראל וואו נוגע. (און איבעראל שטעלן די אנדערע שיטה - תרכ"ב לדבריך - אין הערה).

אמת אז דאס אז ס'שטימט בעסער מיט די אלגעמיינע כראנאלאגיע איז א שטארקער משקל. מ'וועט אבער קענען נוצן אייער הילף אויסצושטעלן דעם סדר לפי"ז, אביסל פריער און שפעטער... — צמא לדעת • שמועס • ט' כסלו ה'תשפ"ד 19:55, 22 נאוועמבער 2023 (UTC)

תרכ"ב זאלזיכער זיין א"נקודת ציון" פאר "תחילת מלכות בית חשמונאי" - על פי הברייתא (עבו"ז ט.), און אז "לויט טייל איז דאן אויך פארגעקומען נס חנוכה".
עס איז מער ווי די אלגעמיינע כראנאלוגיע - מען רעדט דאך פון ספר מקבים אליין... יותר מזה, די צוקונפטיגע ארטיקלען איבער די יהודה המכבי, שמעון יונתן, און מכלי חשמונאים א.א.וו, וועט זיין מיאוס צעקאליטשיקעט. מען רעדט פון 25 יאר וואס מען מוז פארווישן ערגעצוואו, און 25 יאר (סיי אנהייב די קעניגרייך און סיי צום סוף) פון העפטיגע געשעענישן.
לדעתי, זאל די דאטומען לויט ספרי מקבים און אלגעמיינע היסטאריע גיין אלץ עיקר, און די אנדערע שיטות (וואס בהמשך ווערן צעשטיקלט אויף מער אין מער שיטות ווען עס קומט צו די פרטים) אין ביאורים און נאטיצן. לגבי מתתיהו, אויב טרעפסט מען בפירוש'ע מקור וואס דערמאנט אים אין תרכ"ב, וועל איך עס צוצייכענען אין א ביאור וכדו' (אדער, אויב שייך, אלץ טייל פון די "לויט מגילת אנטיוכוס" קאפיטל, ווען עס זעט אויס אז יענע שיטות גייען לויטן מגילה). שווערמער (שמועס) 01:39, 23 נאוועמבער 2023 (UTC)