דרעפט:אריוך
אַרְיוֹךְ, איז א קעניג פון אֶלָּסָר דעמאנט אין בראשית יד אלס אליאירט מיט דריי אנדערע קעניגן, אונטעררדריקנדיג אן אויפשטאנד פון פינף קעניגן פון כיכר הירדן וואס האבן געמאכט א בונד צו ווידערשפעניגן אין די קעניגן פון מעסאפאטאמיע, אין די צייטן פון אברהם אבינו.
זיין נאמען און אפשטאם
די מקור פון נאמען אריוך איז א חורישער, און ער ענדלט צו די נעמען וואס ערשיינען אין די פאפירן פון מארי. דאס נאמען איז נישט טרעפליך אין ערשיינט אפאר מאל אין כתב יתדות[1]. די נאמען אריוך ערשיינט אויך אין דניאל און זיין שטעלע איז דער הויפט קעכער פון נבוכדנאצר. פארהאן פארשער וואס אידענטיפיצירן אריוך מיט וארד-סין, ברודער פון רים-סין דער ערשטער, וואס איז אויך באקאנט אלס ארי-אקו (Eri-aku)[2].
לויט רן צדוק איז די מקור פונעם נאמען אן איראנישער[3].
מאנכע אידענטיפיצירן אֶלָּסָר מיט לרסה, א קעניגרייך וואס האט עקזיסטירט אין די שטאט אנפאנג די 2'טע יארטויזנט בעפ"צ און געפינט זיך אין די דרום טייל פון מעסאפאטאמיא, אנדערע אידענטיפיצירן אלסר מיט אל-נצורה וואס איז נאנט צו חרן[4].
דער רמב"ן אין זיין פירוש אויף בראשית י"ד ערקלערט אז ”אריוך מלך אלסר, זו מדי”, ווידעראום יוסף בן מתתיהו שרייבט אין זיין ספר "קדמוניות היהודים", אז אריוך איז געווען אן אשור'ישער קריגס-מיניסטער וועלכער איז געשיקט געווארן מיט דריי אנדערע קריגס-מיניסטארן פאר א שטראף קאמפיין אין כנען; צוזאמען האבן זיי בארויבט סיריע און אונטערטעניגט די קעניגן פון סדום און אומגעגנט וועלכע האבן ווידערשפעניגט אין אשור[5].
זעט אויך
צו ליינען מער
- צבי אדר, ספר בראשית: מבוא לעולם המקראי, תל אביב, ב. צ'יריקובר-מוציא לאור, 1971, עמ' 47 - 44.
רעפערענצן
- ↑ פנחס ארצי, עולם התנ"ך: בראשית, תל אביב, דוידזון עתי, 1993, עמ' 103.
- ↑ Myths of Babylonia and Assyria - The Golden Age of Babylonia.
- ↑ רן צדוק, עולם התנ"ך: דניאל, תל אביב, דוידזון עתי, 1997, עמ' 33.
- ↑ פנחס ארצי, עולם התנ"ך: בראשית, תל אביב, דוידזון עתי, 1993, עמ' 104.
- ↑ יוסף בן מתתיהו, קדמוניות היהודים, ספר א, פרק ט