רוי:רבי יהושע מאמאן
| געבורט | י"א טבת תרע"ח |
|---|---|
| טויט | כ"ו טבת תשע"ח |
| טעטיקייט ארט | מאראקא, ישראל |
| באלאנג | מאראקאנישע אידן |
| באשעפטיגונג | דיינות, הלכה |
| חיבורים | עמק יהושע, שתי ידות |
הרב יהושע מאמאן (י"א טבת תרע"ח, 26סטן דעצעמבער 1917 - כ"ו טבת תשע"ח, 13טן יאנואר 2018) איז געווען א דיין און א פוסק, א מיטגליד פונעם בית הדין הגדול לערעורים. ער האט געדינט ווי שטאט'ס רב אין נהריה און אב בית דין אין באר שבע. ער איז געווען גערעכנט דער רב פון די מאראקאנישע אידן. גערופן מיט נאמען ימ"ן.[1]
ביאגראפיע
ער איז געבוירן געווארן אין צעפרו, מאראקא צו רב רפאל עמרם מאמאן, זון פון הרב רחמים יוסף (מחבר פונעם ספר חירג"א דיומא), פון א משפחה פון רבנים אייניקלעך פונעם רמב"ם. אין זיין יוגנט האט ער געלערנט ביי רב דוד עטר.
אין יאר 1946 האט ער באקומען סמיכה פאר דיינות פון דעם הויפט בית דין אין ראבאט, און ער האט אנגעהויבן דינען ווי רב און דיין אין דער שטאט סאפי ווען ער געווען אלט 28. אויך איז ער געווען א דיין און סגן אב בית דין פון ראבאט ביז 1963, ווען ער האט אנגעהויבן דינען ווי אב בית דין און שטאט'ס רב פון דער שטאט מאראקעש ביז ער איז ארויף קיין ישראל אין 1967.
אין יאר 1968 איז ער געווארן רב פון נהריה, און אין יאר 1978 איז אריבער קיין באר שבע צו ווערן א דיין און שפעטער אב בית דין ביז 1988. אויך האט ער געדינט אויפן בית דין עליון לערעורים.
אום 19טן מערץ 2012 איז דערמארדעט געווארן זיין אייניקל מרים מאנסונגא אין אן אנטיסעמיטישער אטאקע אין דער אידישער שולע אין טולוז, פראנקרייך.
טבת תשע"ח איז געווארן שוואך און מען האט אים באהאנדלט אין שפיטאל. כ"ו טבת תשע"ח איז ער נפטר געווארן אין זיין הויז אין מקור ברוך, ירושלים.
רעפערענצן
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!