רבי חיים לייב כ"ץ
רבי חיים יהודה לייב הכהן כ"ץ (גערופן "רבי חיים לייב"; געבוירן כ"א אדר[אויסקלארונג פארלאנגט] ה'ת"ש) איז דער סערדאהעלער רב און אדמו"ר, פון די אנגעזעענע רבנים און פוסקי הלכה אין בארא פארק, און מחבר פון עטליכע ספרי הלכה.
 | |
| רבי חיים לייב ביים מצות באקן | |
| געבורט |
כ"א אדר ה'ת"ש מאקאווא |
|---|---|
| וואוין אָרט | בארא פארק |
| תחומי עיסוק | רב, מנהיג עדה, פוסק הלכה, מוהל |
| ספרים |
נחלי בינה וזרעם לפניך יכון |
| ווייב | העניא |
| טאטע | רבי יהושע כ"ץ |
| חותנים | רבי אברהם ראזנבערג |
ביאגראפיע
רבי חיים לייב איז געבוירן אין מאקאווא[1] אלס בכור[2] צו זיין פאטער רבי יהושע, וואס האט דעמאלט געדינט אלס דיין אין שטאט אויפ'ן ארט פון זיין שווער רבי חיים יהודה דייטש (נפטר י"ח תשרי תרח"צ) און איז שפעטער אויפגענומען געווארן אלס רב פון סאמבאטהעלי. נאכ'ן אנקומען קיין אמעריקע, האט רבי חיים לייב געלערנט אין "ישיבת ערוגת הבושם" אין וויליאמסבורג, וואס ווי ער איז מעיד אויף זיך האט ער דארט איינגעקויפט דעם חשק התורה דורך די שיעורים פון רבי יצחק יהודה שטערן, דער ביליצער רב[3]. ער איז געווארן באקאנט אלס אן "עילוי", און באקומען היתר הוראה ביי די אכצן יאר[4].
ער האט חתונה געהאט מיט העניא, א טאכטער פון רבי אברהם ראזנבערג פון די עלטערע און חשוב'ע סקווירער חסידים[5]. ער האט צוגעהאלפן זיין פאטער מיט'ן פירן "ישיבת בית אשר ד'סערדאהעלי"[6]. א קורצע צייט דערויף איז ער געווען פון די ערשטע יונגעלייט אין דער סאטמארער כולל אין וויליאמסבורג וואס איז געגרינדט געווארן אין יאר תשכ"ב, (אין שטוב פון ישראל זופניק[7]), נאך וואס ער האט א שטיקל צייט געלערנט פאר זיך[8]. אין יאר תשכ"ט איז ער אויפגענומען געווארן, מיט די ברכה פון סאטמארער רבי'ן, אלס ראש הכולל, איבערנעמענדיג דאס ארט פון רבי צבי הירש מייזליש[9]. רבי חיים לייב האט געהאט א שטארקע שייכות צו די פילע פרישע יונגעלייט אין כולל, וואס איז זיך דאן שטארק צואוואקסן; ער האט זיי אלע צוגעהאלפן, מסדר געווען די שיעורים, משפיע געווען בתורה און בספרי חסידות, שאפנדיג זייער א נאנטער קשר מיט אסאך פון זיי[9].
אין יאר תשל"ד איז רבי חיים לייב אויפגענומען געווארן דורך רבי ישכר דוב רוקח אלס רב און מורה הוראה אינעם בעלזער בית מדרש אין וויליאמסבורג[10]. רבי חיים לייב האט געדינט אויף דעם שטעלע ארום צוואנציג יאר[2], אריינגערעכנט אלס רב פון די בעלזער קהילה אין אמעריקע בכלל, ווען דער צענטער דערפון איז אריבער קיין בארא פארק[11]. רבי חיים לייב זעלבסט האט זיך געצויגן קיין בארא פארק אין יאר תשמ"ה[12].
ער איז געווען שטארק דבוק אין צדיקים פונעם לעצטן דור, די סאטמארער, קלויזנבורגער, בעלזער[מקור פארלאנגט] און ליובאוויטשער[13] אדמורי"ם.
יארן שפעטער האט ער געעפנט זיין בית מדרש און קהילה "סערדאהעלי", אויף די 44'סטע גאס אין בארא פארק. היינט פארמאגט די קהילה אויך מוסדות החינוך, צווישן זיי א ישיבה קטנה און א ישיבה גדולה[14], און א זומער קעמפ אין מאנטיסעלא[15].
צוזאמען מיט זיין ברודער רבי שלמה זלמן כ"ץ, רב פון תולדות אהרן אין וויליאמסבורג, האט ער ארויסגעגעבן א סעריע ספרים 'נחלי בינה', געקליבענע שטיקלעך פון ספרי חסידות ומוסר אויף די ימים טובים[16]. אויך האט ער ארויסגעגעבן דעם ספר 'ויגד משה' אויף סדר נאכט פון זיין פעטער רבי משה יהודה כ"ץ, צולייגנדיג דערצו פון זיך[17]. אין תשכ"ה האט ער איבערגעדרוקט דעם ספר 'חידושי תורה ותולדות קול אריה' פון זיין זיידן רבי אברהם יהודה הכהן שווארץ, מיט אייגענע הוספות[18].
השפעה
רבי חיים לייב איז באוואוסט אלס א גאון בתורה און א בקי אין הוראה[19], און איז אויך א לאנגיעריגער מוהל מומחה[20].
רבי חיים לייב איז א שארפער מתנגד פון אומפרוכטבארקייט באהאנדלונגען, און האט אויך ארויסגעטראטן קעגן ארגאניזאציעס וואס טוען דערין[21]. אין יאר תשע"ו האט ער דערוועגן ארויסגעגעבן א ספר "וזרעם לפניך יכון", "א שיעור בירור הלכה אין מצות פריה ורביה צו אויסקלארן די הארבע איסורים און גרויסע מכשולות אין די נייע מעטאדן וואס דאקטוירים האבן אויסגעפונען צו געבן געבורט".
רבי חיים לייב דינט אלס בעל מכשיר פונעם עירוב אין בארא פארק[22][23], וואס איז אויפגעשטעלט געווארן אין יאר תש"ס מיט די שטיצע פון פילע מורי הוראה אין שטאט אבער קעגנערשאפט פון אנדערע. טראץ דעם מיינונג פון אסאך פוסקים וואס זענען חושש אז די גרויסע גאסן אין ניו יארק ווערן פאררעכנט אלס רשות הרבים דאורייתא, אויף וואס עס העלפט נישט דאס מאכן אן עירוב[24], זענען זיך פילע סומך דערויף, צווישן זיי די חסידים פון בעלזא און קלויזנבורג[מקור פארלאנגט]. רבי חיים לייב איז באקאנט אלס א מומחה לעניני עירוב, און מען באניצט זיך מיט זיין חוות דעת אויך פאר אנדערע עירובין איבער דער וועלט[25].
פאמיליע
צווישן זיינע קינדער ציילן זיך:
- זון רבי אשר אנשיל, רב אין די קהילה
- איידעם רבי שמואל יהודה זילבער, רב פון אמונת ישראל אין בארא פארק, זון פון רבי מאטל זילבער
- איידעם רבי אהרן יקותיאל הלוי יונגרייז, א זון פון רבי יצחק דוב גארליצער רבי אין בארא פארק[26]
- איידעם רבי חיים אלעזר מאנדלאוויטש, זון פון ר' שלמה דוד שו"ב אין ציריך[27]
זיינע ברידער זענען רבי אשר אנשיל, וויענער רב און ראש ישיבה אין וויליאמסבורג[28], און רבי שלמה זלמן, רב פון תולדות אהרן אין וויליאמסבורג.
דרויסנדיגע לינקס
- "סערדאהעלי", אויף JDN
- "בילדער גאלעריע - סערדאהעלי", אויף א בליק לייוו
- "סערדאהעלי" אויף בחצרות
- "סערדאהעלי", אויף רעבע קליפס
- זוך אויף כץ, חיים יהודה בן יהושע אינעם מדינת ישראל נאציאנאלע ביבליאטעק
רעפערענצן
- ↑ שלמה ניימאן, "אשרי ילדותינו: די קינדער יארן פון אונזערע רבי'ס", קינדער שריפט 235, סוכות תשפ"ד, עמ' 59
- ↑ 2.0 2.1 קונטרס הזכרון קהילת סערדאהעלי (ניו יארק תשנ"ד), עמ' ו'
- ↑ "בשער הספר", שדה יצחק ב, בני ברק, תשע"ג, עמ' 13; "בחביבותא תליא מילתא", המבשר, ז' תשרי תש"ע.
- ↑ ויגד משה פסח, הקדמה
- ↑ "למשפחותם לבית אבותם", המבשר קהילות, י"ג סיון תשע"ג
- ↑ מאיר אמסעל (רעדאקטאר), "משתה בר מצוה מפואר אצל הרב כ"ץ אב"ד סאמבאטהעל", המאור שנה יב קונטרס ז (קיג), עמ' 35
- ↑ רבי דוד הכהן ראזנבערג, מנחת דוד ו, סימן קכב (באגרעניצט צו באַצאָלטע אַבאָנענטן)
- ↑ יצחק מיטלמאן; שמואל שלמה טעלער, ספר היובל מבצר הכוללים (פארלאנגט אומזיסטע רעגיסטראַציע)
- ↑ 9.0 9.1 יצחק מיטלמאן; שמואל שלמה טעלער, ספר היובל מבצר הכוללים, קרית יואל, תשע"ד, עמ' עו (פארלאנגט אומזיסטע רעגיסטראַציע)
- ↑ "א קורצער איבערבליק אויף קהילות בעלזא אין אמעריקא", דער אידישער וועג (המחנה החרדי), פרשת תצוה תשמ"א
- ↑ "עצרות התעוררות במלאת השלושים לפטירת הגאון הצדיק רבי משה מנחם יוסף שובקס זצ"ל", המחנה החרדי, פרשת בהר תשד"מ
- ↑ "נקדמה פניו בתודה", המחנה החרדי, פרשת אמור תשמ"ה
- ↑ ביים נעמען א דאלער פון ליובאוויטשער רבי: פנינים מחלוקת דולרים - ו' #1, זעט 27 מינוט אריין. רבי חיים לייב פירט א לחיים טיש יעדן יאר ג' תמוז, וואו ער רעדט איבער די גרויסקייט פון ליובאוויטשער רבי[מקור פארלאנגט]
- ↑ האדמו"ר מסערדאהעלי ביים דרשת פתיחת הזמן אין ישיבת סערדאהעלי, אויף JDN
- ↑ "מאנטיסעלא • מעמד קביעת מזוזה פארן נייעם חדר אוכל אין מחנה סערדאהעלי בראשות האד' מסערדאהעלי" אויף בחצרות הקודש
- ↑ ספרי נחלי בינה (זיבן בענדער) אויף אוצר החכמה
- ↑ רבי משה יהודה כ"ץ, ויגד משה, אויף אוצר החכמה
- ↑ "ספר חידושי תורה ותולדות קול אריה" אין נאציאנאלער ביבליאטעק פון מדינת ישראל
- ↑ רבי אברהם יצחק קאהן, אגרות דברי אמונה (פארלאנגט אומזיסטע רעגיסטראַציע); "דער אמשינאווער רבי זצוק"ל", דאס אידישע ווארט 310, ניו יארק, ניסן תשנ"ג.
- ↑ אברכי כוללי חסידי סקאליע, "אדם שלא מל לעולם מהו למול ביום טוב", קובץ אור הכולל כה (באגרעניצט צו באַצאָלטע אַבאָנענטן)
- ↑
סערדאהעלי רבי שליט"א שרייט ארויס קעגן אינפערטעליטי באהאנדלונגען, חלק #4 אויף יוטיוב
- ↑ "עמוד ההוראה", המבשר תורני 666, ערב ראש השנה תשפ"ב
- ↑ Boro Park Eruv, אויף eruv.org
- ↑ זע רבי אברהם ראפאפארט, וכיצד אין מערבין - חלק א', און חלק ב'
- ↑ "וינה: לראשונה מאז יסוד העיר הוסדר עירוב למהדרין", המבשר, כ"ו אלול תשע"ב
- ↑ "למשפחותם לבית אבותם", המבשר קהילות, כ' שבט תשע"א
- ↑ "כוס מלא ברכות", המחנה החרדי, פרשת תצוה תשמ"א
- ↑ "אימפאזאנטע הכתרה פון נייעם רב אב"ד ור"מ דקהלות עדת יראים - ווינא", דאס אידישע ווארט 306, ניו יארק, תשרי תשנ"ג (פארלאנגט אומזיסטע רעגיסטראַציע)