אונטערשייד צווישן ווערסיעס פון "רוי:רבי אברהם יצחק קאהן"

{{רב}}

רבי אברהם יצחק איז געבוירן געווארן אין יאר ה'תרע"ד אין שטאט [[צפת]] צו זיין פאטער רבי אהרן דוד, און צו זיין מוטער מרת שיינדל ברכה. זיין מוטער איז געווען אן אייניקל פון רבי אברהם יצחק העלער (נאך וועמען ער האט געהייסן), א זון פון רבי [[שמואל העלער]] וועלכער איז געווען דער רב פון צפת איבער פערציג יאר. אין תרע"ח האט ער זיך אריבערגעצויגן צוזאמען מיט זיינע עלטערן קיין [[הוניאד]] - [[טראנסילוואניע]]. דארט האט ער געלערנט צוזאמען מיט רבי ישראל פריינד פון הוניאד וועלכער איז געווען א זון פון [[רבי אברהם יהושע פריינד]], שפעטער איז ער אריבער לערנען א שטיקל צייט ביי [[רבי יהודה סג"ל ראזנער]] פון [[סעקלהיד]]. דערנאך איז ער געגאנגען לערנען אין ישיבה פון [[רבי יואל טייטלבוים|סאטמארער רב]] קודם אין [[קראלי]] און דערנאך אין [[סאטמאר, רומעניע|סאטמאר]], ער איז שטענדיג געבליבן א תלמיד פון סאטמארער רב און איז געווען א גרויסער [[קנאות|קנאי]] און [[פרומער]].

אין שטאט סאטמאר איז ער געווארן נאנט צו [[אהרן ראטה|רבי אהרן ראטה]], און ער פלעגט קומען דארט צום דאווענען און טישן, [[י"א אלול]] [[ה'תרצ"ט|תרצ"ט]] האט ער געהייראט זיין רבי'נס טאכטער יענטא (נפטר געווארן [[כ"ט תשרי]] [[ה'תשס"ב|תשס"ב]]), גלייך נאך די חתונה זענען זיי געפארן קיין ארץ ישראל, חודש תשרי האבן זיי געוויילט אויפן [[שיף]], און זיי זענען אנגעקומען [[כ"ה תשרי]] [[ה'ת"ש|ת"ש]] און זיך באזעצט אין [[ירושלים]].

אין יאר [[ה'תש"ז]], נאך דער פטירה פון זיין שווער רבי אהרן ראטה, האט די גרויסע מערהייט פון די חסידים אים אנגענומען אלס דער ממשיך פון זיין שווער, און נאר א קליינע צאל האבן אויסגעוועלט אין זיין שוואגער רבי [[אברהם חיים ראטה]] איבערצונעמען דער פירערשאפט. אין זיינע טעג האט דער תולדות אהרן הויף זיך אנגעהויבן צו בליען און ער האט פארברייטערט דאס חסידות פון א קליינעם קיבוץ צו א גרויסן חסידות. אין זיינע לעצטע יארן צוליב די ענגשאפט אין ירושלים און צוליב די הויכע פרייזן פון דירות אין ירושלים האט ער געלאזט זיינע חסידים גיין וואוינען אין [[בית שמש]], וואו היינט צו טאגס וואוינען הונדערטער משפחות פון תולדות אהרן און [[תולדות אברהם יצחק]].  

ער איז נפטר געווארן [[כ"ז כסלו]] [[ה'תשנ"ז]] און באערדיגט געווארן אין [[הר הזיתים]]. נאך איידער ער איז אוועק, דער הויף האט זיך צוטיילט צו צוויי הויפן. די מערהייט חסידים האבן געשטיצט און באקרוינט רבי דעם צווייטן זון רבי [[דוד קאהן|דוד]], און דער צווייטער טייל פון די חסידים זענען געבליבן פארגלייבט און געטריי צום עלטערן זון רבי [[שמואל יעקב קאהן]], וועלכער האט געגרינדעט און אויפגעשטעלט אן אייגענעם הויף אונטערן נאמען "תולדות אברהם יצחק".

*הרב [[שמואל יעקב קאהן]] - דער היינטיגער [[תולדות אברהם יצחק]] רבי.

*הרב [[דוד קאהן]] - דער היינטיגער [[תולדות אהרן]] רבי.

*הרב אהרן קאהן - רב פון דברי אמונה אין [[מאנסי]], איידעם פון רבי שמואל חיים ראובן וואגשאהל, דער געוועזענער לאנצוטער רבי פון [[מאנסי]]. נפטר געווארן [[כ"ד סיון]] [[ה'תש"פ]].

*הרב [[משה קאהן]] - ראש ישיבה פון תולדות אהרן אין [[ירושלים]]. ער האט געהייראט מרת חיה, טאכטער פון רבי יחיאל לייפער פון [[טעמעשוואר]] ירושלים.

*הרב [[ישראל חיים קאהן]] - רב פון תולדות אהרן און אדמו"ר פונעם נחלת אהרן חסידות. ער האט געהייראט מרת שרה, טאכטער פון [[רבי אברהם צבי בעק|רבי אברהם צבי הלוי בעק]], רב פון קהל "עדת ישראל" אין [[מעלבארן]], [[אויסטראליע]]

*הרב [[יוסף יואל קאהן]] - אדמו"ר פון [[חסידות מבקשי אמונה]], אן איידעם פון הרב [[מנחם מאנדערער]] פון [[קאסאוו]] ירושלים.

*מרת דינה, די ווייב פון [[רבי דוד צבי שלמה נפתלי בידערמאן]], [[לעלאוו (הויף)|לעלאווער]] רבי פון [[בארא פארק]].

[[קאַטעגאָריע:אדמורי"ם אין ארץ ישראל]]