רבי ישראל יצחק קאלמאנאוויץ

רבי ישראל יצחק קאלמענאוויץ (געבוירן תרצ"א, 1931) פון בני ברק, ער דינט אלס ראש כולל "ישיבת כנסת בית אברהם" און ער איז דער מחבר פון די רייע ספרים "אהלי ישועה" און "רשימות שיעורים" אויף ש"ס, פון די פירער פון די "פלג הירושלמי".

לעבנס געשיכטע

רבי ישראל יצחק איז געבוירן אין ווילנא צו רבי אברהם קאלמאנאוויטש, דער מירער ראש ישיבה אין אמעריקע, און לאה. ער האט געלערנט אין דער סלאבאדקער ישיבה אין בני ברק, און ער פלעגט ער זיך דרייען ביים בריסקער רב רבי יצחק זאב הלוי סאלאווייטשיק צו רעדן מיט אים אין לערנען.

ער האט געהייראט צפורה (נפטר געווארן י"ב תמוז ה'תשפ"ג^[1]), א טאכטער פון רבי יצחק מאיר קארעלענשטיין. נאך זיין חתונה האט ער געלערנט אין די סלאבאדקער כולל. ווען "ישיבת גאון יעקב" אין בני ברק האט זיך געעפנט צום ערשטן מאל, האט רבי ישראל יצחק געדינט אלס ראש ישיבה און רבי דן סגל אלס משגיח רוחני. די ישיבה האט זיך שפעטער פארמאכט, און שפעטער האט זיך דאס געעפנט פון דאס ניי אונטער דער הנהגה פון רבי זאב ברלין און רבי נתן זוכובסקי. היינט דינט רבי ישראל יצחק אלס ראש כולל פון "ישיבת כנסת בית אברהם", אויף זיין טאטנ'ס נאמען^[2]. ביים כולל (נאכמיטאג) לערנט מען מסכתות פון סדר קדשים, וואו ער גיבט איבער שיעורים אויף די לימודים פון כולל.

אלס יונגערמאן פלעגט ער זיך באטייליגן ביים "שיעור חומש" פון רבי יחיאל מיכל פיינשטיין. און ער פלעגט לענגערע יארן לערנען גמרא בעיון בחברותא מיט'ן סלאנימער רבי'ן רבי אברהם וויינבערג.

זיין מנין פלעגט זיין אין ישיבת גאון יעקב, און ווען ער האט זיך אנגעשלאסן אין די בני תורה פארטיי איז ער אריבער דאווענען אין "ישיבת בית מאיר" וואס שטייט אין שפיץ פון רבי צבי ראטנבערג. היינט דאוונט ער איז אין זיין בית מדרש "אהלי ישועה", וואס האט זיך געעפנט חודש ניסן תש"פ. דארט רעכט ער אפ זיין עבודת הקודש; תפילות, לימוד התורה, און קבלת קהל.

זיינע תפילות

ער דאוונט אלס שליח ציבור יעדע תפילה לענגערע שעות, און איז שטארק מאריך און מדקדק ביים ארויסזאגן די ווערטער, בפרט ביי די שמות הקודש. אין זיי בית מדרש איז פארהאן א פארמיטאג כולל פאר יונגעלייט וואס לערנען 'מה שליבם חפץ' בשעת ער דאוונט שחרית, ער זאל האבן א מנין ביים דאווענען.

השקפה

ער האלט מיט'ן סאטמאר רבי'נס השקפה בנוגע ציונות און ער גייט נישט צו די בחירות אין ארץ ישראל.

נאך רבי שמואל אויערבאך'ס פטירה האט ער זיך איינמאל באטייליגט ביי די זיצונג פון מועצת גדולי עולם התורה פון די בני תורה פארטיי^[3]. א טייל פון די בני תורה פאררעכענען אים אלס א מנהיג^[4]. ביי די עצרת וואס איז פארגעקומען מוצאי עשרה בטבת תשע"ה אין ירושלים אנטקעגן גזירת הגיוס, האט ער שארף פארדאמט די רבנים פון די דגל התורה פארטיי און ער האט זיי אנגערופן אז זיי טראגן "אויפגעבלאזענע טיטלען" ("בעלי תארים מנופחים")^[5].

ער שטייט אין שפיץ פון די קרן "מאיר עיני ישראל" וואס העלפט מוסדות על טהרת הקודש פון די בני תורה^[6].

ער האט זיך אנגענומען פאר די הנהלה פון "תלמוד תורה תפארת יעקב" וואס שטייט בנשיאות רבי צבי פריעדמאן, פון די מנהיגים פון בני תורה, און איז ארויס שארף קעגן אירע קעגנער^[7].

ביי דער תקופה פון דער קאראנא האט ער גע'טענה'ט אז די מדינת ישראל רעגירונג נוצט אויס די געלעגנהייט פריי צו מאכן דעם פרומען ציבור, מיט א שפיל פון זארגן אויף דער געזונט, און צוליב דעם איז פארשליסן ישיבות רציחה. ער האט געהייסן אז מען זאל נישט אויספאלגן די מאסנאמען פון דער רעגירונג ווען עס קומט צו תורה און מצוות, און אפהאקן דעם קשר מיט'ן רעגירונג^[8].

זיינע ספרים

אהלי ישועה, אויף מסכתות הש"ס.
רשימות שיעורים, שיעורים אויף ש"ס.

פאמיליע

זיין ברודער איז געווען רבי שרגא משה קאלמאנאוויטש ראש ישיבת מיר אין אמעריקע.

שוואגערס:

דער מגיד רבי ראובן קארעלינשטיין.
רבי אריה לייב אברהמס א תלמיד פונעם חזון איש און ראש כולל "תורת אברהם" אין בני ברק.
רבי שמואל בירנבוים ראש ישיבת מיר אין אמעריקע.
רבי אליהו שוויי ראש ישיבת פילאדעלפיע.

קינדער:

זיין איידעם רבי אשר אליהו קאלמאנאוויטש ראש ישיבת מיר אין אמעריקע.
רבי אברהם, איידעם פון רבי יחזקאל ברעטלער. דינט אלס מגיד שיעור אין "ישיבת זכרון מיכא"ל אין זכרון יעקב, ראש כולל "הלפרין" אין בני ברק, און א דיין אין בית דין "גני איילון" בראשות רבי חזקיהו אברהם ברוידא.
זיין איידעם רבי יעקב זאב ווינטערניץ, פלעגט דינען אלס ראש סדר בקיאות אין ישיבת קאמעניץ אין ירושלים. נפטר געווארן ט"ו סיון תשפ"ד^[9].
לאה, געהייראט צו רבי אשר בירנבוים , זון פון רבי שמואל בירנבוים ראש ישיבת מיר אמעריקע.
רבי אהרן לייב, ראש הכולל "אהלי ישועה" אין ירושלים.
רבי חיים שלמה, משב"ק פונעם טאטן, און גזבר פון קרן "מאיר עיני ישראל".

דרויסנדיגע לינקס

רבי ישראל יצחק קאלמאנאוויטש אויף JDN

רעפערענצן

[1] רעבעצן קאלמאנאוויטש איז נפטר געווארן, אויף כל רגע

[2] הגאון רבי ישראל יצחק קלמנוביץ - אידישע פוסט

[3] מועצת גדולי עולם התורה האט זיך נעכטן צוזאמגענומען אין ירושלים אויף אידישע פוסט

[4] קוקטס די אריינגאנג פון מרנן ורבנן שליט"א צו די משא התקופה פון גאון ישראל רבי ישראל יצחק קאלמאנאוויטש אויף יוטיוב; כינוס ‘טהרת הקודש’ אין סאטמאר אויף לדעת

[5] הגר"י קאלמאנאוויטש: בעלי התוארים המנופחים, אויף כיכר השבת

[6] אין שטוב פון מרן גאון ישראל הגרי"י קאלמאנאוויטש שליט"א האט זיך געעפנט דער מגבית "לנו ולבנינו"

[7] הרב קאלמאנאוויטש און הרב בורודיאנסקי ביים כנס מחאה אויפ'ן חרוב מאכן ת"ת תפארת יעקב אויף יוטיוב

[8] יעקב מלמד, ‏הגרי"י קאלמאנאוויטש תקף: "מטרת המדינה להעבירנו על הדת, צריך להתנתק מהם", אויף JDN‏ (העברעאיש)

[9] טרגדיה: הר"מ מקמניץ נפטר מהמחלה בגיל 56. באתר כל רגע

[1]

[2]

[3]

[4]

[5]

[6]

[7]

[8]

[9]