רוי:רבי אלישע האלבערשטאם

רבי אלישע האלבערשטאם זצ"ל (ה'תר"כ - ט"ו ניסן ה'תש"א) איז געווען רב אין גארליץ.

אפשטאם

רבי אלישע איז געבוירן אין יאר כת"ר, צו זיין פאטער הרב רבי ברוך האלבערשטאם, דער גארליצער רב, א זון פון הרב רבי חיים האלבערשטאם, דער דברי חיים. און צו זיין מוטער מרת פעסיל א טאכטער פון סיגוטער רב, הרב יקותיאל יהודה טייטלבוים, דער ייטב לב.

זיינע רבי'ס

רבי אלישע האט געלערנט ביי זיין שווער רבי מרדכי דוב, דער הארנסטייפלער רב, פופצן יאר, ער האט באקומעו סמיכה ב' קדושים אין יאר ה'תרנ"ה פון הרב חיים איסר הורוויץ רב אין וויטקאוו, י"ט חשון ה'תרנ"ו פון הרב נפתלי צבי גאלדבערג ראב"ד אין טארנא, ב' חוקת אין יאר ה'תרנ"ט פון הרב נתן גאלדבערג רב אין לימאנאוו, און י"ד חשון ה'תרס"ד פון הרב רבי שמואל ענגיל רב אין ראדאמישל.

רבנות

איו יאר ה'תרס"א איז רבי אלישע געווען רב אין קראס-קראסנא; אין יאר ה'תרס"ה איז ער געווארן ראב"ד איו גארליץ, נאך זיין ברודער'ס פטירה אין יאר ה'תרע"ח איז ער געווארן רב.

ווען די צווייטער וועלט מלחמה איז אויסגעבראכן איז ער אנטלאפן קיין סאמבאר. פון דארטן האט מען אים אריבערגעפירט אין סיביר.

הסתלקות

רבי אלישע איז נפטר געווארן אין סיביר רוסלאנד פסח ביים סדר אנווייזנדיג אין דער הגדה אויף "ויהי בחצי הלילה", ט"ו ניסן ה'תש"א.

זיין רביצין מרת יוכבד רבקה איז אויך נפטר געווארן דארט י"ט תשרי ה'תש"א.

פאמיליע

רבי אלישע האט געהייראט מרת יוכבד רבקה א טאכטער פון זיין פעטער רבי מרדכי דוב טווערסקי, דער הארניסטייפלער רב. זייערע קינדער:

• הרב צבי מנחם מענדל האלבערשטאם, נפטר געווארן אין יאר ה'תשכ"ז, גארליץ - ראפשיצער רבי אין ניו יארק, ער האט געהייראט מרת חנה מינדל א טאכטער פון הרב מנשה מאריליעס, רב אין דובעצק.
• הרב נפתלי חיים האלבערשטאם, פון גארליץ. גבאי פון כולל חיבת ירושלים גאליציע.
• הרב דוד משה האלבערשטאם (תר"ן - תשל"א), דינאווער רבי אין אמעריקא, ער האט געהייראט מרת ביילא א טאכטער פון הרב יוסף שפירא רב אין דינאוו, א זון פון הרב צבי אלימלך שפירא, רב אין בערטש. רבי דוד משה איז נפטר געווארן אין ניו יארק אין יאר ה'תשל"א אן קינדער. ער האט איבערגעדריקט דעם ספר הנותן אמרי שפר.
• הרב אהרן האלבערשטאם (געב' תרנ"ה), גארליץ - וויעליטשקא רבי אין אמעריקא. אן איידעם רבי שמואל שמעלקע פרענקיל-תאומים, קלאסני-וויעליטשקער רב.
• הרב יחזקאל שרגא האלבערשטאם, גארליצער רבי אין אמעריקא, אן איידעם פון הרב שמואל שפירא רב פון רעדים. זיין טאכטער:
  • מרת אלטא צפורה הי"ד.
• הרב מרדכי דוב האלבערשטאם, פון ירושלים. ער איז נפטר געווארן אין ניו יארק כ' תשרי ה'תשל"ט, אין ליגט אין הר הזיתים. זיינע קינדער:
  • מרת יוכבד רבקה די פרוי פון רבי יחיאל מיכל דוב האלבערשטאם.
• הרב ברוך האלבערשטאם (נפ' ט"ו אב תשמ"ב), גארליצער רבי פון בני ברק. אן איידעם פון רבי ישכר שלמה טייכטאל, פישטיאנער רב.
• מרת רחל פייגא, די פרוי פון הרב יצחק שפירא-קטן פון אמעריקא, א זון פון הרב צבי אלימלך שפירא, רב אין לאנצהוט.
• מרת ברכה, די פרוי פון הרב ברוך משה פרנס פון אמעריקא
• מרת מרים לאה, הי"ד, די פרוי פון הרב זלמן האלבערשטאם פון אמעריקא
• מרת נחמה

רעפערענצן

• י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• דברי ברוך - ברוך שאמר, הרב ליפא זילברמאן, ה'תשנ"ט
• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!