הבל
הֶבֶל איז געווען א זון פון אדם הראשון און חוה.
| געבורט | א' תשרי שנת ב' |
|---|---|
| פטירה | עטליכע דיעות |
| גיל פטירה | עטליכע דיעות |
| בן זוג | צווילינג שוועסטער |
| בתנ"ך | בראשית ד |
ביאגראפיע
הבל איז געווען דער צווייטער קינד פון אדם הראשון און חוה, א צווילינג ברודער פון קין. און איז געבוירן געווארן צוזאמען מיט נאך צוויי שוועסטערס[1], פרייטאג, די זעקטסע טאג פונעם בריאה[2][א]. דער רמב"ן שרייבט אז חוה האט אים גערופן "הבל" צוליב דעם ווייל ”אדם להבל דמה”[3]. עס זענען דא וואס זענען מבאר אז ער האט געהייסן הבל ווייל ער האט געלעבט ווייניג, און אדם אדער חוה האבן אים געגעבן דעם נאמען מיט רוח הקודש[4]; אדער האט ער אים געגעבן דעם נאמען נאכן שטארבן[5]; און עס איז דא וואס זענען מבאר אז הבל איז א נאמען פון חשיבות וואס איז געקומען ווייל ער האט נישט געארבעט מיטן ערד[6].
וויבאלד די ערד איז באשאלטן געווארן ”בעצבון תאכלנה”[7] נאך וואס אדם האט געגעסן פונעם עץ הדעת, האט ער נישט געוואלט ארבעטן מיט די ערד, און האט געארבעט אלץ א פאסטעכער מיט שאף און רינדער[1], אן ארבעט וואס פאדערט מער חכמה פונעם ערד ארבעט[8].
די קרבן
ווען עס איז געווען ”מקץ ימים”[9] (ביים "ענדע פון די טעג")[ב] האט ער צוזאמען מיט זיין ברודער קין געברענגט א קרבן פארן באשעפער, קין האט געברענג פלאקס פון זיינע ערד פלאנצונגען, און הבל האט געברענגט די בעסטע פון זיינע שאף, און צו הבל'ס קרבן איז אראפ געקומען א פייער פון הימל, אבער צו קין'ס קרבן איז נישט אראפ א פייער.
קין איז געווארן זייער געטשעפעט, ער האט גערופן הבל אויף א שפאציר אין וואלד און דארט האבן זיי זיך געדינגען[10]. אינמיטן האט קין אויפגעשטאנען און אים פראבירט הרג'ענען, ער האט אים געשטאכן פון אלע זייטן ביז ער האט אים גע'הרג'עט, גא-ט האט דערפאר אנגעשריגן פאר קין ”קול דמי אחיך צועקים אלי מן האדמה”[11], און פארשאלטן אז ער זאל מער קיינמאל נישט זיין רואיג[12].
נאטיצן
- ↑ אויף אן אנדערן פלאץ (בראשית רבה, פרשה כ"ב, פסקה ד') איז משמע אז הבל איז געבוירן געווארן סוכות (לויט דעם מאן דאמר אז דער וועלט איז באשאפן געווארן תשרי) אדער פסח (לויט דעם מאן דאמר אז דער וועלט איז באשאפן געווארן ניסן). דער פירוש מהרז"ו פרעגט וויאזוי שטימט דאס מיט דעם אויבן-דערמאנטן מדרש וואס זאגט אז קין און הבל זענען געבוירן געווארן אינ'ם טאג וואס אדם און חוה זענען באשאפן געווארן.
- ↑ דער אבן עזרא, בראשית ד, ד און דער חזקוני זאגן אז דאס מיינט איין גאנצע יאר. רב סעדיה גאון טייטשט: נאך עטליכע טעג. לויט דעם מדרש (בראשית רבה, פרשה כ"ב, פסקה ד') איז דאס געווען נישט מער (לויט אן אנדערע גירסא: נישט ווייניגער [חידושי הרד"ל]) ווי פופציג טעג (לויט אן אנדערע גירסא: ניינציג טעג [סדר הדורות]). לויט אנדערע דיעות האט הבל געלעבט 16 אדער 17 שטונדע (זעהט
פאראמעטער פעלערן אין מוסטער:היברובוקס
פאראמעטער [ עמוד ] ערשיינען נישט אין מוסטער דעפיניציע מדרש תלפיות, ערך הריגת הבל), אדער פערציג יאר (מדרש תנחומא פרשת בראשית פיסקא ט'). אין פרקי דרבי אליעזר, פרק כ"א, שטייט אז דער מעשה האט פאסירט אין יום טוב פסח.
רעפערענצן