רוי:האמבורג
| ||||||||||||||||
האמבורג (דייטש: Hamburg, נידערדייטש׃ Hamborg), מיט א באפעלקערונג פון 1,763,950, איז די צווייטע גרעסטע שטאט אין דייטשלאנד און אויך דער צווייטער גרעסטער פארט אין אייראפע (ניינטער גרעסטער פארט אין דער וועלט). זי איז די מערסטע באפעלקערטע שטאט אין אייראפע וואס איז נישט קיין הויפטשטאט פון א לאנד.
האמבורג איז א וויכטיגער טראנספארט קנופ אין צפון דייטשלאנד.
היסטאריע
די ערשטע געביידע אויפן ארט איז געווען א שלאס וואס דער קייסער קארל דער גרויסער האט געבויט אין יאר 808. דער שלאס איז געשטאנען אויף שטיינערדיגער ערד אין א זומפ צווישן דעם אלסטער טייך אונעם עלבע טייך אלס פארטיידיגונג קעגן די סלאוון. דער שלאס האט געהייסן האַמאַבורג, (בורג איז טייטש שלאס.[1] גענוי וואו דער שלאס איז געווען ווייסט מען נישט.[2]
אין 834, איז האמבורג דעזיגנירט א צענטער פון דער קאטוילישער קירכע. אין 1529, איז די שטאט אריבער צו לוטעראניזם, און האמבורג האט אריינגענומען פראטעסטאנטע פליטים פון דעם נידערלאנד און פראנקרייך. אינעם 17טן יארהונדערט האבן ספרדישע אידן, פליטים פון פארטוגאל, זיך באזעצט אין האמבורג.
עטליכע מאל איז האמבורג געווארן פארניכטעט און אקופירט.
עקאנאמיע
דער ברוטא אינלענדישער פראדוקט אין האמבורג איז אינגאנצן €88.9 ביליאן.[3] די שטאט האט דעם גרעסטן ברוטא אינלענדישן פראדוקט אין דייטשלאנד - €50,000 א קאפ - און פארהעלטנמעסיג א הויכע באארבעטנקייט, מיט 88 פראצענט פון דער ארבעטס-עלטער באפעלקערונג. אין 2007, איז די דורכשניט הכנסה פון איינגעשטעלטע געווען €30,937.[3]
די וויכטיגסטע עקאנאמישע איינצהייט אין האמבורג איז דער פארט פון האמבורג, וואס ראנגט 2טער נאר צוראטערדאם אין אייראפע און9טער איבער דער וועלט אין 2007.
טראנספארט
בארימטע מענטשן פון האמבורג
- אנגעלא מערקל, קאנצלערין פון דייטשלאנד
רבנים
- רבי יעקב עטלינגער (אלטונא)
- רפאל הכהן
- רבי יעקב עמדין (אלטונא)
- איציקל האמבורגער
- רבי יחזקאל קאצנעלנבויגן, בעל כנסת יחזקאל (אלטונא)
- רבי יהונתן אייבשיץ
רעפערענצן
- ↑ Verg, Erich; Verg, Martin (2007). Das Abenteuer das Hamburg heißt (4th ed.). Hamburg: Ellert&Richter. p. 8. ISBN 9783831901371. מוסטער:De icon
- ↑ "Hammaburg – der große Irrtum", Hamburger Abendblatt (2007-12-12). דערגרייכט דעם 2008-09-30. מוסטער:De icon
- ↑ 3.0 3.1 Volkswirtschaftliche Basisdaten 2007, HWF Hamburgische Gesellschaft für Wirtschaftsförderung, retrieved 2008-08-06 מוסטער:De icon
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!