רוי:לעמפערט

אַן אַפריקאַנישער לעמפּערט

דער לעמפּערט (Panthera pardus; נקבה: לעמפּערטיכע) איז אַ גרויסע קאַץ פונעם מין פּאַנטער וואָס וואוינט אין אַפריקע און אַזיע.

להיפוך פון דעם לייב, לעבט דער לעמפּערט נישט גרופּענווײַז. די דערוואַקסענע זכרים לעבן אַליין, און די נקבות לעבן נאָר מיט זייערע קעצלעך. לעמפּערטן וואוינען אין אומגעגנטן מיט עטלעכע ביימער. זיי זענען גוטע קלעטערערס און קלעטערן אויף ביימער אָפט. זיי קענען טראָגן זייער שפּײַז אויף די ביימער צו באַשיצן עס פון היענעס און לייבן. ביימער זענען אויך זייערע הויפּט שיצונג פון לייבן אָדער הינט אָנפאַלן.

די ענלעכסטע קאַץ צו דער לעמפּערט אין לעבנסשטייגער איז דער יאַגואַר, וואָס וואוינט אין צענטראַל און דרום־אַמעריקע.

וועבלינקען

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!