רוי:באיאן (חסידות)

דער איצטיגער באיאנער רבי

באיאן איז א חסידות געגרינדעט אין דער שטאט באיאן, אוקראינע, וואס שטאמט פון דעם הייליגן רוזשינער רבי'ן.

דער ערשטער באיאנער רבי איז געווען רבי יצחק פרידמאן (תר"י - תרע"ה) פון באיאן, בוקאווינע, דער „פחד יצחק" פון באיאן. זיין פאטער איז געווען רבי אברהם יעקב פרידמאן פון סאדיגורא, א זון פון רבי ישראל פון רוזשין, וואס האט געגרינדעט דאס שושלת רוזשין.

נאך דער פטירה פונעם פחד יצחק האבן זיינע פיר זין אנגעהויבן צו פירן רעביסטעוועס.

דער עלצטער זון, הר"ר מנחם נחום, איז געווארן רבי אין טשערנאוויץ.
דער צווייטער זון, הר"ר ישראל (תרל"ח - תשנ"א), איז געווארן רבי אין לייפציג, דייטשלאנד. אין תרצ"ט איז ער אריבער קיין תל אביב.
דער דריטער זון, הר"ר אברהם יעקב (תרמ"ד - תש"ב), איז געווארן רבי אין לעמבערג. די נאציס האבן אים געהרגעט.
דער יינגסטער זון, הרה"צ מרדכי שלמה פרידמאן, האט זיך געצויגן קיין אמעריקא וווּ ער האט ממשיך געווען די דינאסטיע. נאך זיין פטירה אין תשל"א איז זיין אייניקל (זיין טאכטער'ס א זון) הרה"צ נחום דוב ברייער געווארן באיאנער רבי.

דער באיאנער הויף געפינט זיך היינט צוטאגס אין ירושלים ארץ ישראל מיט מוסדות איבער דער וועלט.