רוי:דף היומי

פאנטשער ביים שאפן דאס קליינבילד:

הרב מאיר שפירא מלובלין הוגה הדף היומי

דף היומי דער דף יומי איז א געדאנק וואס איז געברענגט געווארן דורך רבי מאיר שפירא פון לובלין, און איז געמאלדן ט' אלול ה'תרפ"ג (21סטן אויגוסט, 1923), אין דער ערשטער כנסייה הגדולה פון דער אגודת ישראל באוועגונג אין פוילן. די אינטערנעמונג איז באזירט אויף דער צאל בלעטער פון דעם תלמוד בבלי דפוס ווילנא – 2,711 – און פארבינדט דאס לערנען פון א בלאט פאר יעדן טאג אין רונדעס פון בערך 7 און א האלב יאר. אין די ערשטע זיבן רונדעס זענען געווען נאר 2,702 בלעטער, וויבאלד אין יענער צייט האט מען גענוצט די צעטיילונג פון די דפים פון מסכת שקלים -ירושלמי, אין וועלכער עס זענען דא 12 בלעטער אין דעם מסכת. אנפאנגענדיג מיטן אכטן רונדע, איז מען אריבערגעגאנגען צו א צעטיילונג פון 21 בלעטער[1]. די סדר פון די מסכתות אין דעם דף יומי איז אביסל אנדערש פון דער געווענליכער סדר אין דרוק, אזוי אז מסכתות יומא און סוכה דערשיינען פאר ראש השנה, בשעת פאר אונז איז די סדר פארקערט.

היסטאריע

די געדאַנק אַז איִדן אין אַלע טיילן פֿון דער וועלט זאָלן לערנען דעם זעלבן דף יעדן טאָג, מיטן ציל צו פֿאַרענדיקן דעם גאַנצן גמרא, איז ערשט פֿאָרגעשטעלט געוואָרן דורך רבי משה מנחם שפּיוואַק אין "דגלינו", אַ זשורנאַל פֿאַר צעירי אמוני ישראל אַרויסגעגעבן דורך דער וועלטלעכער אגודת ישראל אין אב תרפ"א [2][3], און איז פֿאָרגעשטעלט געוואָרן אין דער ערשטער כנסייה הגדולה פֿון אגודת ישראל, וואָס איז פארגעקומען אין וויען פֿון י' אלול תרפ"א פאר צען טעג.

די געדאַנק פֿון דעם דף היומי איז אויסגערופן געוואָרן דורך רבי יהודה מאיר שפּירא פֿון לובלין, נאָך זיך באַראָטן מיטן חפץ חיים, און דעם גור'ער רבי'ן (דער אמרי אמת).

דאס אויסרוף איז געמאַכט געוואָרן ט' אלול ה'תרפ"ג (21סטן אויגוסט, 1923), ביים כנסייה הגדולה אַ צענטראַלע פֿאַרזאַמלונג פֿון רבנים פֿון דער אגודת ישראל באַוועגונג. מען האט באַשלאָסן אָנצוהייבן לערנען מסכת ראש השנה, אויף ראש השנה, תרפ"ד (11טן סעפּטעמבער, 1923). לויט ווי עס ווערט פארציילט אין ספר תולדותיו של רבי מאיר שפירא, איז געווען אַ זאָרג וועגן אָנהייבן דורכפֿירן די "דף יומי" פּראָגראַם ביז אַ באַדייטנדיקער שטופּ פֿאַר דער אינטערנעמונג איז געקומען פֿון דעם רבי פֿון גור, רבי אברהם מרדכי אַלטער, איינער פֿון די פּראָמינענטע פֿירער פֿון אָרטאָדאָקסישן איִדנטום אין יענער צײט, וועלכער האָט אָנגעזאָגט ראש השנה נאַכט, "איך גיי לערנען דף יומי"[4].

זײַט דאס גרינדונג פון דף היומי זענען שוין געפֿײַערט געוואָרן 13 סיומים פֿון ש"ס.

דער סיום פונעם דרייצנטן רונדע איז געווען ז' טבת תש"פ. דאס אנהייב פונעם 14טן רונדע, האט זיך אנגעהויבן דעם נעקסטן טאג, ח' טבת תש"פ.

די גרויסע פארשפרייטונג פונעם דף יומי שפיגלט זיך אויך אפ אין פארשידענע ספרים וואס ווערן ארויסגעגעבן אלס הילפס-מאטעריאלן פארן לערנען דעם דף יומי[5], צווישן זיי: די קונטרסים "בקיצור", "ש"ס ארסקרול", ש"ס מתיבתא (דורך מכון עוז והדר), ש"ס "חברותא", און נאך.

די אינטערנעמונג איז פארשפרייט געווארן צווישן צענדליגער טויזנטער אידן, און טויזנטער טעגליכע שיעורים קומען פאר אויפן דף יומי. איבער די יארן זענען ארגאניזאציעס געגרינדעט געווארן מיטן ציל צו פארשפרייטן דאס לערנען פון דעם דף יומי, אריינגערעכנט דעם מאורות דף יומי, וואס אפערירט דף יומי מגידי שיעור, און דעם קול הדף, וואס פארשפרייט רעקארדירטע שיעורים. עס איז אויך דא די פורטל דף יומי וועבזייטל, וואס גיט הילפס מאטעריאלן פאר לערנער. נאך דער אינטערנעמונג, זענען געגרינדעט געווארן ענלעכע אינטערנעמונגען אויף לערנען שיעורי תורה, ווי צום ביישפיל די משנה יומית און הלכה יומית, אבער זייער פאפולאריטעט איז ווייניגער.

היינטיגער דף

היינט לערנט מען מסכת מנחות, דף מ"ד.

מחזורים פון דף היומי דורכאויס די יארן

היינט לערנט מען דעם 14טן מחזור פון דף היומי.

מחזור	אנהייב דאטע	סיום דאטע
1טער מחזור	א' תשרי תרפ"ד	ט"ו שבט תרצ"א
2טער מחזור	י"ז שבט תרצ"א	כ"ח סיון תרח"ץ
3טער מחזור	כ"ט סיון תרח"ץ	י"ד כסלו תש"ו
4טער מחזור	ט"ו כסלו תש"ו	כ"ה ניסן תשי"ג
5טער מחזור	כ"ו ניסן תשי"ג	י"ג אלול תש"כ
6טער מחזור	י"ד אלול תש"כ	כ"ח טבת תשכ"ח
7טער מחזור	כ"ט טבת תשכ"ח	י"ד תמוז תשל"ה
8טער מחזור	ט"ו תמוז תשל"ה	ח' כסלו תשמ"ג
9טער מחזור	ט' כסלו תשמ"ג	ב' אייר תש"נ
10טער מחזור	ג' אייר תש"נ	כ"ו אלול ה'תשנ"ז
11טער מחזור	כ"ז אלול ה'תשנ"ז	כ' אדר א' ה'תשס"ה
12טער מחזור	כ"א אדר א' ה'תשס"ה	י"ד אב ה'תשע"ב
13טער מחזור	ט"ו אב ה'תשע"ב	ז' טבת ה'תש"פ
14טער מחזור (היינטיגער מחזור)	ח' טבת ה'תש"פ	ב' סיון ה'תשפ"ז
15טער מחזור	ג' סיון ה'תשפ"ז	כ"ו חשון ה'תשצ"ה

דרויסנדיגע לינקס

• מאורות דף היומי אין יידיש
• דף היומי שיעור פון הרב אברהם קארפ

דער ארטיקל בנוגע אידישקייט איז א שטומף. איר זענט געלאדנט עס צו פארברייטערן.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!