רוי:מנחם דאווידאוויטש
הרב מנחם דאַווידאויטש (ד' אדר ה'תרפ"ח, 25סטן פעברואר 1928 - כ"ג סיון ה'תשע"ז, 17טן יוני 2017) איז געווען א סופר סת"ם א מומחה וואס האט אויסגעלערט דורות פון סופרים. מען האט אים גערופן 'דער רבי פון די סופרים'.[1]. אין דער עדה החרדית איז ער גערעכנט געווארן דער אויטאריטעט אינעם געביט פון ספרות. דעם "תיקון קוראים" וואס ער האט ארויסגעגעבן איז געווארן דער פראטאטיפ פון רוב היינטיגע ספרי תורה.
ביאגראפיע
ער איז געבוירן געווארן אין מינכן, דייטשלאנד צו זיינע עלטערן דוד און הענדל. ווען ער איז געווען אלט צען יאר איז ער ארויף מיט זיינע עלטערן אין ארץ ישראל, און זיי האבן זיך באזעצט אין פרדס חנה. דערנאך זענען זיי אריבער קיין ירושלים, וואו ער האט געלערנט ביי זיין רבי'ן הרב יוסף צבי דושינסקיא. אין זיין יוגנט איז ער אויך געווארן נאענט צו הרב רבי אהרן ראטה, דער שומרי אמונים רבי, וואס האט אים מקרב געווען און איז געווארן זיין רבי מובהק. נאך זיין פטירה איז ער געווארן א חסיד פון זיין איידעם רבי רבי אברהם יצחק קאהן, מחבר פון 'דברי אמונה' און גרינדער פונעם תולדות אהרן חסידות. נאך זיין פטירה איז ער אריבער צום תולדות אברהם יצחק רבי פון זיין בכור, רבי שמואל יעקב קאהן.
נאך זיין חתונה האט ער געוואוינט אין ירושלים, און ער האט אנגעהויבן עוסק זיין אין ספרות. ער איז גערעכנט געווארן דער גרעסטער מומחה אין ספרות. דורכאויס פופציג יאר האט ער געדינט ווי דער סופר פונעם עדה החרדית בית דין. הרב רבי יצחק יעקב ווייס, גאב"ד פון דער עדה החרדית, האט פארלאזט אויף אים אין ענינים פון ספרות. ער האט געשריבן 26 ספרי תורה, כולל די ספר תורה פון זיין רבי'ן, דער תולדות אהרן רבי. אויך איז ער געווען דעם רבי'נס בעל קורא.
ער איז נפטר געווארן, אלט 89, שבת שלח לך, כ"ג סיון ה'תשע"ז. זיין לויה איז פארגעקומען מוצאי שבת, און מען האט אים באערדיגט אין הר הזיתים.[2]
דרויסנדיגע לינקס
רעפערענצן
- ↑ ראה לדוגמא בכתבה זו
- ↑ משה ויסברג, רבם של הסופרים: רבי מנחם דוידוביץ זצ"ל, אויף בחדרי חרדים, כ"ג סיון תשע"ז 22:17 17/06/2017
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!