רבי עקיבא ראבינאוויטש
 | |
| געבורט | י' טבת תרצ"ט |
|---|---|
| וואוין אָרט | ירושלים |
| תחומי עיסוק | אדמו"ר |
| תפקידים נוספים | ראש ישיבה און ראש הכולל לימוד הקבלה |
| ספרים | דרכי צדק, האדרת והאמונה, היחוד והיראה, און נאך |
| ווייב | אסתר |
| דינאסטיע | פאריסוב |
| טאטע | רבי בנימין ראבינאוויטש |
| מאמע | רוחמה ליבא |
רבי חנניה יוסף עקיבא ראבינאוויטש איז דער פאריסובער רבי, א מקובל, וועלכער שטייט אין שפיץ פון ישיבת המקובלים "דרכי צדק" און זיין בית מדרש אין ירושלים, און א מחבר פון א רייע ספרים אין חסידות און קבלה.
ביאגראפיע
רבי עקיבא איז געבוירן געווארן אין ירושלים י' טבת תרצ"ט, א צווייטער זון פאר רבי בנימין, א דיין אין דער עדה החרדית און מייסד פון קהל "משכנות הרועים", און מרת רוחמה ליבא. ער איז גערופן געווארן "חנניה יוסף עקיבא" נאך צוויי זיידעס, רבי עקיבא יוסף שלעזינגער און רבי חנניה יוסף האלפרין.
ער האט חתונה געהאט מיט מרת אסתר, א טאכטער פון רבי שלמה צבי אטיק, א קארלינער חסיד, פאטער פון רבי מענדל און רבי אברהם.
אין זיינע יונגע יארן האט ער זיך מסתופף געווען ביים ביאלער רבי'ן רבי יחיאל יהושע ראבינאוויטש, וואו ער איז געווען א ראש חבורה פאר יונגעלייט, און א מדריך פאר חתנים אינעם חסידות[1]. נאך דעם ביאלער רבי'נס פטירה איז ער געווען א תלמיד פון רבי אשר פריינד.
נאך בחיי אביו האט ער אויפגעשטעלט זיין בית מדרש "דרכי צדק" פאריסוב[2], אין די בתי ווארשע געגנט אין ירושלים. דער בית המדרש האט אויך געדינט אלס א ישיבה פאר תורת הנסתר, וואו דער רבי פלעגט אלץ איבערגעבן שיעורים אין קבלה. אויך זענען געגרינדעט געווארן א הכנסת אורחים און א קאסע פאר נויטבאדערפטיגע אין די קהילה. ער האט אויך א בית מדרש אין לאנדאן, בארא פארק[3], און מאנסי[מקור פארלאנגט].
ער איז באקאנט מיט זיינע שיעורים אין קבלה און חסידות[4], און בפרט אינעם ספר פרי הארץ, זיך זעענדיג צוגעבונדן צום מחבר, רבי מנחם מענדל פון וויטעבסק[מקור פארלאנגט].
ער איז א קעגנער קעגן די מדינה הציונית[אויסקלארונג פארלאנגט], און ער שטיצט פרויען וואס גייען אנגעטון א שאל[5].
זיינע תלמידים
- רבי דוד אייכנשטיין, בורשטינער רבי אין בארא פארק.
- רבי אברהם יחזקאל פריעדמאנן, מקובל און קאמאדער רב אין מאנסי.
זיין משפחה
- זיין זון הרב אברהם, איידעם פון רבי יוסף לייפער.
- זיין זון הרב הלל, ראש הכוללים פון פאריסוב אין ניו יארק, איידעם פון רבי יהושע לייפער נשיא פון מכון עוז והדר.
- זיין זון רבי יהושע אשר (ז' ניסן ה'תש"ל - אייר ה'תשע"ד), נפטר געווארן פון קענסער. אויף זיין נאמען איז נתייסד געווארן 'קרן ישועות יהושע אשר'.
- זיין איידעם רבי דוד משה ראזענבוים, קרעטשניפער רבי פון קרית גת.
- זיין איידעם הרב מנחם יהודה כהנא, ספינקער רבי אין בני ברק, זון פון רבי משה אליקים בריעה כהנא פון ספינקא.
- זיין איידעם הרב צבי אלימלך לייפער פון טעמעשוואר, זון פון רבי יחיאל לייפער פון טעמעשוואר ירושלים.
זיינע ספרים
- דרכי צדק - א ביאור אויף ספר שער הכוונות.
- פרי הארץ - שיעורים.
- דרכי אמונה.
- הרב חנניה יוסף עקיבא ראבינאוויטש, האדרת והאמונה, ירושלים, תשע"ח, עניני אמונה.
- הרב חנניה יוסף עקיבא ראבינאוויטש, הדעה והדיבור, ירושלים, תשע"ה, עניני תורה ותפילה.
- הרב חנניה יוסף עקיבא ראבינאוויטש, ההוד וההדר, ירושלים, תשע"ה, עניני ל"ג בעומר.
- הרב חנניה יוסף עקיבא ראבינאוויטש, החיל והחוסן, ירושלים, תשע"ה, עניני חנוכה ופורים.
- הרב חנניה יוסף עקיבא ראבינאוויטש, הלקח והליבוב, ירושלים, תשע"ו, עניני חג הסוכות.
- הרב חנניה יוסף עקיבא ראבינאוויטש, המלוכה והממשלה, ירושלים, תשע"ד, עניני חודש אלול ועשרת ימי תשובה.
- הרב חנניה יוסף עקיבא ראבינאוויטש, הנוי והנצח, ירושלים, תשע"ד, עניני תיקון המידות.
- הרב חנניה יוסף עקיבא ראבינאוויטש, הפדות והפאר, ירושלים, תשע"ו, עניני חג הפסח.
- הרב חנניה יוסף עקיבא ראבינאוויטש, השיר והשבח, ירושלים, תשע"ד, עניני שבת קודש.
- הרב חנניה יוסף עקיבא ראבינאוויטש, זמירות שבת, ירושלים, תשע"ד, נוסח פוריסוב וליקוט מדברי תורתו.
רעפערענצן
- ↑ הרב דוד ירחמיאל צבי ראבינאוויטש, עיוני הלכות, ח"ב, עמ' קב, בני ברק, תשע"ו
- ↑ רבי עקיבא שטאמט בן אחר בן פון רבי אריה מרדכי ראבינאוויטש, אדמו"ר פון פאריסובער הויף-ירושלים.
- ↑ א באשרייבונג אין העדה, עמ' ג
- ↑ זיינע שיעורים אויף קול הלשון
- ↑
כ"ק אדמו"ר מפוריסוב בדברי חיזוק בערוץ SiataDishmaya אויף יוטיוב (לענג: 05:09)