רבי פרנך

פון המכלול
ווערסיע פון 12:11, 12 נאוועמבער 2023 דורך צמא לדעת (שמועס | ביישטייערונגען) (החלפת טקסט – "({{היברובוקס|{{אוצר החכמה\|)(.*?)עמוד=(.*?)}}" ב־"$1$2page=$3}}")
קפיצה לניווט קפיצה לחיפוש

רבי פַּרְנָךְ איז געווען אן אמורא אינעם דריטן דור פון ארץ ישראל'דיגער אמוראים, א תלמיד פון רבי יוחנן.

פערזענליכקייט

עס זענען נישט באקאנט קיינע ביאגראפישע דעטאלן איבער רבי פרנך. ער ווערט בעיקר דערמאנט אין תלמוד בבלי, און אלץ זאגט ער דארט נאך מימרות אין נאמען פון זיין רבי[1], רבי יוחנן. אין תלמוד ירושלמי זאגט ער נאך א מימרא בשם רבי חנינא - פונעם לעצטן דור תנאים און ערשטן דור ארץ-ישראל'דיגער אמוראים; און אויך א מימרא בשם רב מתנה - פונעם צווייטן דור בבלי'שער אמוראים.

זיין זון, חזקיה בריה דרבי פרנך, איז אויך געווען אן אמורא, און די גמרא סוף מסכת ברכות ברענגט פון אים א מימרא בשם רבי יוחנן[2].

אין חז"ל[3] ווערט דערמאנט רבי יצחק בר פרנך, צו וועמען מען איז מייחס דעם מסכת חיבוט הקבר (אויך גערופן: "פרק מגיהנם לרבי יצחק בן פרנך")[4], און ער איז מעגליך נאך א זון פון רבי פרנך[1].

מימרות

רבי פרנך האט נאכגעזאגט פון רבי יוחנן עטליכע הלכות און אויך אגדתא מימרות. צוויי מאל אין ש"ס ווערט געברענגט זיין מימרא בשם רבי יוחנן ”האוחז ספר תורה ערום נקבר ערום”[5] - דער וואס כאפט אן א ספר תורה "נאקעט", אן די מענטעלע, ווערט באגראבן "נאקעט", דאס הייסט אן די מצוה וואס ער האט דאן געטון מיט דער ספר תורה. דערפון ווערט טאקע גע'פסק'נט אין הלכה אז מ'טאר נישט אנכאפן קיין ספר תורה אן קיין מענטעלע[6], וואס ווערט פאררופן אין די פוסקים אלס דער איסור פון רבי פרנך. אויך ווערט צוויי מאל געברענגט זיין הלכה בשם רבי יוחנן אז די שדרה פונעם לולב דארף זיין א טפח העכער פונעם הדס[7].

אין תלמוד ירושלמי ווערט געברענגט אן אנדער מימרא איבערן הייעך פונעם לולב, און אויך איבערן הייעך פונעם אזוב צו רייניגן א מצורע, אדער צו רייניגן א טמא מת - וואס רבי פרנך האט נאכגעזאגט פון רב מתנה, אין נאמען פון רבי יוסף בריה דרב מנשיא, אין נאמען פון רב[8].

נאך א מימרא זאגט ער נאך פון רבי יוחנן אז אין יאר פונעם "חנוכת המקדש" ביים ערשטן בית המקדש, האבן די אידן נישט געפאסט יום כיפור[9]. באקאנט איז דער מאמר וואס ער האט נאכגעזאגט פון רבי יוחנן:

כל שהוא תלמיד חכם ובנו תלמיד חכם ובן בנו תלמיד חכם, שוב אין תורה פוסקת מזרעו לעולם.

"יעדער וואס איז א תלמיד חכם, און זיין זון איז א תלמיד חכם, און זיין זונ'ס זון איז א תלמיד חכם - וועט די תורה זיך מער קיינמאל אפהאקן פון זיינע דורות."

אין מדרש ווערן עטליכע מאל געברענגט מאמרים וואס ער האט נאכגעזאגט פון רבי יוחנן[10]. אין ירושלמי זאגט ער נאך בשם רבי חנינא, אז "הלל הגדולה" איז קאפיטל קל"ו אין תהילים[11].

דרויסנדע לינקס

רעפערענצן

  1. ↑ 1.0 1.1 רבי אברהם ווילנער, "פרקי חבוט הקבר", רב פעלים, אות ח'
  2. ↑ ברכות סג, א
  3. ↑ מסכת כלה רבתי, פרק ג', הלכה א'
  4. ↑ [אויסקלארונג פארלאנגט]אוצר מדרשים - פרק מגיהנם לר׳ יצחק בן פרנך; אוצר מדרשים - מסכת חבוט הקבר
  5. ↑ שבת יד, א און מגילה לב, א
  6. ↑ שולחן ערוך, אורח חיים, סימן קמ"ז, סעיף א'
  7. ↑ סוכה לב, ב און נדה כו, א
  8. ↑ תלמוד ירושלמי, מסכת סוכה, פרק ג', הלכה א', לויט ווי ערקלערט אין פירוש אור לישרים (פארלאנגט אומזיסטע רעגיסטראַציע)
  9. ↑ מועד קטן ט, א
  10. ↑ בראשית רבה, פרשה נ"ג, פסקה י', מדרש תנחומא פרשת משפטים פיסקא י"ז, און מדרש תנחומא פרשת ראה פיסקא ח'
  11. ↑ תלמוד ירושלמי, מסכת פסחים, פרק ה', הלכה ז' און תלמוד ירושלמי, מסכת תענית, פרק ג', הלכה י"א


אמוראים
ארץ-ישראל'דיגער אמוראים
ערשטער דור (ביז ד'י') רבן גמליאל ברבי • רבי חייא • רבי ינאי • רבי אושעיא • רבי אפס • רבי יהושע בן לוי • חנינא בר חמא • לוי בר סיסי • בר קפרא • רבי ירמיה (הראשון)
צווייטער דור (ביז ד'מ') רבי יהודה נשיאה • רבי שמעון בר אבא • רבי יוחנן • ריש לקיש • רבי אלעזר • רבי יוסי בר חנינא • רב כהנא (השני) • רבי יעקב בר אידי • חזקיה • רב יהודה בריה דרבי חייא • רבי אבא דמן יפו • רבי מנא בר תנחום • איסי אבוה דרבי זירא
דריטער דור (ביז ד'ע') רבן גמליאל הרביעי • רבי אמי • רבי אסי • רבי אבהו • רבי אבין • רבי חייא בר אבא • עולא • רבי זירא • רב שמואל בר רב יצחק • רבה בר בר חנה • רבי אלעאי • רב עוירא • רבי חנינא בר פפי • רבי ירמיה (השני) • רב הושעיא • רב חנינא • רבי אבא בר ממל • תחליפא בר מערבא • רבי אבדימי דמן חיפה • רבי אבא • רבי פרידא • רבי אלכסנדרי • אבימי בר פפי • רבי יצחק עטושיא • רבי אבא דמן עכו • רבי חגי • רבי פרנך • וסטיני
פערטער דור (ביז ד'ק') חסא דאשתמוע • רבי יהודה נשיאה השני • רבי ירמיה • רבי אחא • רבי ברכיה • רבי יוסי בר זבידא • רבי יונה • רבי חלקיה • רבי זריקא • יצחק בן אלישיב • רבי הושעיא איש טריא • רבי יהודה בן פזי • רבי אבא בר זבינא • אבימי בריה דרבי אבהו • אבימי בר טובי • רבי יוסנא
פינפטער דור (ביז ד'ק"מ) הלל נשיאה • רבן גמליאל החמישי • רבי יוסי ברבי בון • רבי מנא • רבי חגי • רבי חנניה דציפורין
זעקסטער דור (ביז ד'ק"ע) רבי יהודה נשיאה השלישי • רבי תנחומא • רבי שמואל בן רבי יוסי ברבי בון
אמוראים וואס זייער דור איז אומבאקאנט ויתור מעונה
בבלי'שער אמוראים
ערשטער דור (ביז ד'י') רב כהנא • רב • שמואל • מר עוקבא • קרנא • רב שילא • רב אסי • אבוה בר איהי • רב אשי הקדמון
צווייטער דור (ביז ד'מ') רב הונא • רב יהודה • רב המנונא (השני) • רב המנונא סבא (אמורא) • רבה בר אבוה • רב ירמיה בר אבא • רב כהנא (השני) • רב ברונא • חייא בר יוסף • רב גידל • רב חייא בר אשי • רבה בר ירמיה • רב קטינא • אביי קשישא • מר זוטרא רבה • רבין סבא
דריטער דור (ביז ד'ע') רב נחמן • רב ששת • רב חסדא • רבה • רב יוסף • רבה בר רב הונא • רב יוסף בר חמא • רבה בר בר חנה • רמי בר אבא • רבי אבא • רב הונא (הכהן) • מר זוטרא חסידא • שמואל סבא חמוה דרב שמואל בר אמי • רב שמואל בר אמי • רב נחמיה ריש גלותא • עוקבן בר נחמיה ריש גלותא
פערטער דור (ביז ד'ק') אביי • רבא • רמי בר חמא • רב עוקבא בר חמא • רב אחא בר יעקב • רב ספרא • רב כהנא מפום נהרא • רב אידי בר אבין • רב דימי • רבין • רב חייא בר אבין • רב שיזבי • רב יצחק בריה דרב יהודה • רבא בר רב שילא • רפרם בר פפא • מר בריה דרבינא • רבי אושעיא איש טריא • רב הונא בריה דרב נחמן
פינפטער דור (ביז ד'ק"מ) רב נחמן בר יצחק • רב פפא • רב הונא בריה דרב יהושע • רב זביד • רב חמא • רב פפי • אמימר • מר זוטרא • רב משרשיא • רב אדא בר אבא • רב דימי מנהרדעא • רבה בר ליואי
זעקסטער דור (ביז ד'ק"צ) רבינא • רמי בר אבא (השני) • רב אשי • רב הונא בריה דרב נתן • רב כהנא (הרביעי) • רב אחא סבא • רב איתי
זיבעטער דור (ביז ד'רכ"ה) רב יימר • מר בר רב אשי • רפרם • רב אחא בריה דרבא • רב אחא מדפתי • יהודה בר מרימר
אכטער דור (ביז ד'ר"ס) רבה תוספאה • רבינא האחרון • רבה יוסי
אמוראים וואס זייער דור איז אומבאקאנט
גענומען פון "https://yi.hamichlol.org.il/w/index.php?title=רבי_פרנך&oldid=297933"