רוי:בריסל

דער ארטיקל באהאנדלט די שטאט פון בריסל. אויב זוכט איר די ראיאן שטאט, זעט בריסל ראיאן.

בריסל שטאָט
Bruxelles-Ville
Brussel-Stad

מדינה / טעריטאָריע

בעלגיע

קאָאָרדינאַטן

‏50°51′N 4°21′E / 50.850°N 4.350°E

בירגערמייסטער

איוואן מאיער

שטח

32.61 קוואדראט ק"מ

‑ אין שטאָט

166,497‏ (שטייענדיג 2013)

צייט זאָנע

UTC+1

www.brussels.be

בריסל שטאָט (האלענדיש: Brussel-Stad; פראַנצויזיש: Bruxelles-Ville; דייטש: Brüssel) איז די הויפּטשטאָט פון בעלגיע, און פון פלאנדערן. די שטאט האט א שטח פון 32.61 קוואדראט ק"מ. די באפעלקערונג פון דער שטאט איז געווען 144,784 אום 1טן יאנואר 2006.

זייטן סוף פונעם צווייטן וועלט קריג, איז בריסל געווארן א וויכטיגער צענטער פאר אינטערנאציאנעלער פאליטיק. די הויפט אינסטיטוציעס פונעם אייראפעאישן פארבאנד געפינען זיך אין בריסל, ווי אויך די הויפטקווארטיר פון דער נארד אטלאנטיק אפמאך ארגאניזאציע (NATO). בריסל איז געווארן א פילשפראכיגע היים פון אסאך אינטערנאציאנעלע ארגאניזאציעס, פאליטיקער, דיפלאמאטן און ציוויל־דינער.^[1]

בריסל איז דער גאסטגעבער פון די הויפט פאליטישע אינסטיטוציעס פונעם אייראפעאישן פארבאנד.^[2] דער אייראפעאישער פארבאנד האט נישט קיין אפיציעלן הויפטשטאט, אבער דער אפמאך פון אמסטערדאם שענקט בריסל מיטן זיץ פון דער אייראפעאישע קאמיסיע.

טראנספארט

בריסל שטאָט האט דריי הויפט באן סטאנציעס: בריסל מידי (די גרעסטע באן סטאנציע אין בעלגיע), צענטראל און צפון. צווישן מידי און צפון סטאנציעס פארן מער ווי 1,000 באנען יעדן טאג. בריסל מידי האט גיכע פארבינדונגען קיין לאנדאן דורכן קאנאל טונעל מיט אייראסטאר (1 שעה 51 מינוט); קיין אמסטערדאם מיטן Fyra; קיין אמסטערדאם, פאריז (1 שעה 25 מינוט) און קעלן מיטן Thalys; און קיין קעלן מיטן דייטשן צווישנשטעט עקספרעס.