אונטערשייד צווישן ווערסיעס פון "רוי:רבי שמעון סופר"

רבי '''שמעון סופר''' ([[י"ג טבת]] [[ה'תקפ"א]] - [[י"ז אדר ב']] [[ה'תרמ"ג]]), רב אין [[מאטערסדארף]] און [[קראקא]]. מחבר פון '''מכתב סופר'''. רבי שמעון איז געווען א זון פונעם [[חתם סופר]] און איינער פון די גרעסטע רבנים אין דער [[עסטרייך|עסטרייכער אימפעריע]] אין דעם צווייטן העלפט פונעם [[19טער י"ה|19טן יארהונדערט]].

==ביאגראפיע==

רבי שמעון איז געבוירן אין [[פרעשבורג]] [[י"ג טבת]] [[ה'תקפ"א]], צו זיין פאטער הרב '''[[רבי משה סופר]]''' דער חתם סופר און צו זיין מוטער מרת '''שרל''' א טאכטער פון הרב '''[[רבי עקיבא אייגער]]''', רב אין פוזנא.

ביי די זיבעצן יאר האט ער געהייראט מרת מרים, א טאכטער פונעם גביר ר' דוב בער שטערנבערג פון [[קראלי]].{{הערה|שם="חהמ"|{{היברובוקסבלאט||חוט המשולש|29069||136}}}} נאך דער חתונה האט ער געוואוינט נאענט צו זיין פאטער אין פרעשבורג. אין תר"א, נאך זיין פאטערס פטירה, האט ער זיך געצויגן קיין קראלי, וואו ער האט געוואוינט צוויי יאר.

אין תר"ב איז ער געווארן רב אין [[מאטערסדארף]], און אין תר"כ האט מען אים גערופן צו ווערן רב און [[אב בית דין]] אין [[קראקע]],{{הערה|שם="חהמ"}} און ער האט געדינט אין דעם אמט 22 יאר ביז זיין פטירה.

ער איז געווען גוט באקאנט אין דער הלכה וועלט. ער איז געווען גוט באהאוונט אין וועלטליכע ענינים. אין תרל"ט איז ער ערוועלט געווארן אלס מיטגליד אין דעם [[פארלאמענט|פּאַרלאַמענט]] אין [[וויען]], עסטרייך. ער איז געווען זייער אקטיוו און טיכטיג אין קהל'שע אַנגעלעגנהייטן. און ער האָט פיל בייגעטראגן צום פארשטארקן רעליגיעז אידישקייט און אידנטום. אין דעם יאר תר"מ האט ער געגרינדעט א וואכן [[צייטונג]] מיטן נאמען "מחזיקי הדת", א פּלאטפארמע פאר דעם רעליגיעזן אידנטום אין [[גאליציע]]. אין 1912 איז די צייטונג נאך ערשינען אין [[לעמבערג]].

אנדערש, אבער, דארף זיין דער פּאסטוך פון דער אידישער קהילה. ער מוז אין זינען האבן בלויז דעם וואוילזיין פון זיין געמיינדע, און קיין שום אייגן־נוצן. און אט דאס מיינט דער פּסוק "ולא תהיה עדת ה' כצאן אשר אין להם רועה"{{הערה|במדבר כז, יז.}}. די קהילה זאל נישט זיין געגליכן צו שאף וואס דער פּאסטוך איז "אין להם" נישט פאר זייער וועגן, נאר ער איז פאר זיך. ער האט נישט אין זינען דעם וואוילזיין און דאס גליק פון דער געמיינדע, נאר ער איז אויסן בלויז זיין אייגענע פּרנסה און זיין אייגענעם כבוד.

 

 

רבי שמעון איז נפטר געווארן אין [[קראקא]], [[י"ז אדר]] ב' [[ה'תרמ"ג]].{{הערה|1=[http://www.daat.ac.il/encyclopedia/value.asp?id1=1530 "שמעון סופר" באנציקלופדיה דעת]}}