אונטערשייד צווישן ווערסיעס פון "רבי אברהם צבי בעק"
ק (אינערליכע לינקס) |
(פארראכטן פּאראמעטער) |
||
| שורה 1: | שורה 1: | ||
{{אדמו"ר | {{אדמו"ר | ||
| נאמען = רבי אברהם צבי בעק | | נאמען = רבי אברהם צבי בעק | ||
| געבורט ארט = [[נירבוגאט]], [[אונגארן]] | | געבורט ארט = [[נירבוגאט]], [[אונגארן]] | ||
| פטירה ארט = [[בית שמש]] | | פטירה ארט = [[בית שמש]] | ||
| מקום קבורה = [[הר הזיתים]] [[ירושלים]] | | מקום קבורה = [[הר הזיתים]] [[ירושלים]] | ||
| תאריך לידה עברי = [[אלול]] [[תרצ"ב]] | |||
| תאריך פטירה עברי = [[ה' תמוז]] [[תשע"ח]] | |||
| השתייכות = [[וויזשניץ (חסידות)]] | | השתייכות = [[וויזשניץ (חסידות)]] | ||
| רביס = [[רבי חיים מאיר האגער]] | | רביס = [[רבי חיים מאיר האגער]] | ||
רעוויזיע פון 08:13, 20 אויגוסט 2023
| געבורט |
אלול תרצ"ב נירבוגאט, אונגארן |
|---|---|
| פטירה |
ה' תמוז תשע"ח (אלט: 85) בית שמש |
| מקום קבורה | הר הזיתים ירושלים |
| השתייכות | וויזשניץ (חסידות) |
| רבי'ס | רבי חיים מאיר האגער |
| תלמידים | הרב ישראל האגער |
| ספרים | ויצב אברהם על התורה מועדים ותהלים |
רבי אברהם צבי הלוי בעק (אלול תרצ"ב - ה' תמוז תשע"ח) איז געווען דער רב און אב"ד פון מאנטעווידעא, און 'עדת ישראל' אין מעלבארן.
ביאגראפיע
ער איז געבוירן אין שטעטל נירבוגאט (ניר-באגאד) אונגארן, חודש אלול תרצ"ב צו ר' ישעיה יוסף און שרה בעק, ביי די צווייטע וועלט מלחמה איז ער אנטלאפן מיט זיין ברודער הרב משה בער בעק און א שוועסטער קיין בודאפעסט און אזוי זענען זיי געראטעוועט געווארן, זיין מאמע און צוויי ברידער זענען אומגעקומען אין אושוויץ ד' סיון תש"ד. נאך די מלחמה האט ער געלערנט אין ישיבת מאור הגולה אין רוים, דארט איז ער נתקרב געווארן צו חסידות וויזשניץ, אין יאר תש"ח איז ער ארויף קיין ארץ ישראל און האט געלערנט אין וויזשניצער ישיבה אין בני ברק, און האט גענאסן פון א געוואלדיגע התקרבות פון זיין רבי רבי חיים מאיר האגער.
דער גבאי צדקה רבי דוד לייב שווארץ האט אים חתונה געמאכט מיט זיין ניכטע מרת ביילא א טאכטער פון זיין שוואגער הרב משה צבי האפמאן דער שו"ב פון כפר אתא, נאך זיין חתונה איז ער געווען א מגיד שיעור אין וויזשניצער ישיבה.
אין יאר תשכ"ד איז ער געווארן אויפגענומען אלס רב פון מאנטעווידעא, אורוגוויי, דארט האט ער משמש געווען ברבנות 24 יאר.
ו' תמוז תשמ"ח איז ער געווארן אויפגענומען אלס רב פון די צענטראלע קהילה "עדת ישראל" מעלבארן, אויסטראליע, ער איז געשטאנען אין שפיץ פון די בתי חינוך, כשרות און כולל בית יוסף[1] פון שטאט במשך 30 יאר אויפן טאג.
ט' סיון תשע"ח האט רבי אברהם צבי געשריבן א בריוו פאר די בני הקהילה אז ער פלאנט צו מופן קיין ארץ ישראל וועגן זיין געזונט צושטאנד[2]. פארן ארויספארן איז אפגעראכטן געווארן א מעמד פרידה[3][4], אויפן פליגער האט זיך זיין געזונט צושטאנד זייער פארערגערט און מען האט געמוזט לאַנדן, און מ'האט אים אריינגעפירט אין שפיטאל אין האנג קאנג, ווען דער מצב האט זיך אביסל פארבעסערט האט מען ממשיך געווען מיט די נסיעה, און כ"ה סיון איז ער אנגעקומען קיין ארץ ישראל. ער איז איינגעשטאנען אין בית שמש ביי זיין איידעם רבי ישראל חיים קאהן, אבער נאך בלויז 10 טעג, ה' תמוז איז ער נפטר געווארן, און איז באערדיגט געווארן אין הר הזיתים.
ער האט איינגעפירט אין זיין קהלה צו מקדים זיין קבלת שבת און נישט רעדן ביים דאווענען און קריאת התורה, און אז דער חזן זאל זאגן דעם מי שברך פון תוספות יום טוב פאר די וואס רעדן נישט ביים דאווענען.
אין די לעצטע 10 טעג וואס ער איז געווען אין ארץ ישראל האט ער אנגעטון דעם ירושלימ'ער לבוש.
דער רב איז געווען א הייסער וויזשניצער חסיד, אנגעהויבן פון 'אמרי חיים' און דערנאך ביי זיינע קינדער דער ישועות משה און רבי מאטעלע פון מאנסי, און שפעטער האט ער זיך מכניע געווען פאר זיין תלמיד רבי ישראל האגער פון בני ברק, יעדעס יאר פלעגט ער קומען צופארן קיין ארץ ישראל צו וויילן א שבת אין וויזשניצער הויף אין בני ברק. א טייל פון די יארן וואס ער האט געוואוינט אין אורוגוויי איז ער געפארן אויף יום טוב שבועות צום סאטמאר'ן רב. ער פלעגט אויך זייער מכבד זיין אלע וויזשניצער אייניקלעך, און ווען א טייל פון זיי זענען געקומען קיין מעלבארן נאך געלט איז דער רב אליין ארומגעגאנגען צוזאמנעמען געלט פאר זיי ביים ציבור און ער האט נישט געקוקט אויף זיין כבוד.
ער האט מחבר געווען א ספר 'ויצב אברהם' אויף ספר תהלים[5] און נאך זיין פטירה האט מען געדרוקט די אנדערע חלקים על התורה ומועדים[6], זיין בית מדרש אין בית שמש הייסט "ויצב אברהם".
פאמיליע
- זיין ברודער רבי משה בער בעק.
- הרב חיים יהודה בעק טשערקאס'ער רבי אין מאנסי.
- הרב מנחם דוב בעק רב פון "לבושי מרדכי מאדא" אין מאנסי.
- הרב ברוך בעק פון וויליאמסבורג.
- זיין איידעם רבי ישראל חיים קאהן דער תולדות אהרן רב אין בבית שמש.
- זיין איידעם הרב יהודה כ"ץ דיין אין מעלבארן אויסטראליע.
- זיין איידעם הרב יוסף לייפער טעמעשוואר'ער רבי אין ירושלים.
- זיין איידעם הרב שלמה אלימלך כ"ץ א אייניקל פון רבי משולם פייש לאווי, טאהש'ער רבי.
דרויסנדע לינקס
- הגה״צ רבי אברהם צבי בעק אבד״ק מעלבארן אשכול אויף אייוועלט.
- נייעס פון מעלבוירן אוסטראליע אויף אייוועלט.
- המשב"ק מספר על החודש האחרון במחיצת רבו אויפ'ן דרשו זייטל.
- תגית רבי אברהם צבי הלוי בעק אויף JDN.
- אלפים בהלוויית גאב"ד מלבורן זצוק"ל • תיעוד אויף JDN.
- ביקור בקהילה יהודית באוסטרליה אויף הידברות
רעפערענצן
- ↑ עדת ישראל - מעלבארן אויפ'ן עולם התורה וועבזייטל
- ↑ הגאב"ד הישיש נפרד מבני קהילתו אויף JDN
- ↑ בני הקהילה נפרדו מהגאב"ד אויף JDN (העברעאיש)
- ↑ Hamodia Staff, yisrael/ Melbourne’s Rav Beck Announces Move to Eretz Yisrael, May 23, 2018, Hamodia website. (ענגליש)
- ↑ תהלים ישועות יוסף עם ספר ויצב אברהם - עוז והדר.
- ↑ זיינע ספרים אויפן מדינת ישראל נאציאנאלע ביבליאטעק זייטל.