אונטערשייד צווישן ווערסיעס פון "רוי:רבי נפתלי צבי הורוויץ"

'''רבי נפתלי''' האט געלערנט{{הערה|''א.ל.ג. שרייבט אז ער האט געלערנט ביי זיין זיידן רבי איציקל, אבער דאס שטימט נישט, רבי איציקל איז אוועק ה'תקכ"ז ווען '''רבי נפתלי''' איז קוים געווען זיבן יאר''}} ביי זיין פעטער רבי [[משולם איגרא]] אין [[בראד]], צוזאמען מיט רבי [[מרדכי בנעט]] רב אין [[ניקאלשבורג]], און הרב [[יעקב לארבערבוים]], רב אין [[ליסא]], דער "חוות דעת". רבי משולם האט זיך אמאל אויסגעדרוקט, "יענקעלע {{קליין|(דער חוות דעת)}} פארשטייט מיך און איך פארשטיי אים, '''נפתָלטשי''', פארשטיי איך אים נישט, אבער דאכט זיך אז ער פארשטייט מיך יא".

צו דער בר מצוה האט '''רבי נפתלי'ס''' פאטער אים געפירט צו רבי [[אלימלך פון ליזשענסק]] באקאנט אלס "דער נועם אלימלך". (אנדערע זאגעאז דאס איז געווען ביים [[יחיאל מיכל פון זלאטשאוו|זלאטשאווער מגיד]]). פון די פופצן יאר האט ער זיך געווייקט ביים רבי ר' אלימלך, איין גאנץ יאר איז ער געווען ביי הרב [[מרדכי פון נעשכיז]], אזוי אויך איז ער געווען ביים אפטער רב הרב [[אברהם יהושע העשיל (אפטא)|אברהם יהושע העשיל]] און ביים הייליגן [[ישראל פון רוזשין|רוזינער]]. אין אלעם איז ער געווען ביי צוויי הונדערט רבי'ס ווי דער צאל פון "עשה לך רב". געלערנט האט ער ביים [[ישראל האפשטיין|קאזשניצער מגיד]] און ביי רבי [[מנחם מענדיל פון רימאנאוו]], אבער זיין הויפט רבי איז געווען [[יעקב יצחק פון לובלין|חוזה פון לובלין]].

'''בזיווג ראשון''' האט '''רבי נפתלי''' געהייראט מרת '''שיינדיל''' א טאכטער פון הרב '''וועלוועל סטאקער''' פון די [[בראד]]ער עשירים, אבער איר געפירעכץ איז אים נישט געפאלן; אויף דער באראטונג פון רבי [[יחיאל מיכל פון זלאטשאוו]] האט ער זי גע'גט. נאכהער איז '''רבי נפתלי''' געזעצען אין [[זלאטשאוו]], זיין רבי דער זלאטשאווער מגיד האט אים אנגעטראגן א שידוך  מרת '''רבקה''' די טאכטער פון הנגיד הרב '''צבי הירש גאלדהאמער''' א וויין הענדלער פון [[דוקלא]], נאך וואס ער האט איר געהייראט '''בזיווג שני''' איז ער געפארן קיין [[דוקלא]], דארט האט ער זיך באשעפטיגט מיט [[בדחנות]] און [[שדכנות]]. זייערע קינדער:

* רבי [[צבי אלימלך שפירא]] פון [[דינאוו]], דער "בני יששכר".

* רבי [[צבי הירש פון רימאנאוו]]

* רבי [[יעקב צבי יאלעס]] פון [[דינאוו]], מחבר פון "קהלת יעקב" און "מלא הרועים".