אונטערשייד צווישן ווערסיעס פון "רבי מרדכי דוד אונגער (דאמבראווא)"

'''רבי מרדכי דוד אונגער''' (ארום [[ה'תק"ל]] – [[ז' שבט]] [[ה'תר"ג]]) איז געווען א תלמיד פונעם [[רבי יעקב יצחק פון לובלין|"חוזה" פון לובלין]], רב אין [[דאמבראווא]] און גרינדער פון דער [[דאמבראווא (הויף)|דאמבראווער]] דינאסטיע.

רבי מרדכי דוד איז געבוירן בערך אין תק"ל אין דאָמבראָווא {{אנ|Dąbrowa Tarnowska}}, [[גאליציע]], צו רבי צבי הירש{{הערה|אין זיין הסכמה אויפן ספר "[[עבודת ישראל]]" על התורה, ערשינען דורך זיין זון רבי אברהם אלחנן, שרייבט ער זיך אונטער: "הק' מרדכי דוד בהרב הצדיק מו' צבי הירש נבג"מ זצוק"ל מדאמבראווא". {{אוצר החכמה|די הסכמה|עבודת ישראל|153669|||עמוד=8}}.}}{{הערה|געווען אן אייניקל פונעם [[רבי נפתלי כ"ץ| "סמיכת חכמים"]], [[מהר"ל פון פּראָג]], [[רש"י]], [[רא"ש]] און [[רב האי גאון]], וועלכער האט געצויגן זיין יחוס ביז צו [[דוד המלך]]}} און מושקיט. רבי צבי הירש פלעגט פארן צו [[צדיק]]ים, ספעציעל צום [[רבי אברהם יהושע העשיל (אפטא)|אפטער רב]], און איז נאך אויך געפארן צו [[רבי אלימלך פון ליזענסק]], און שפעטער צום "חוזה" פון לובלין.

אין זיינע יונגע יארן, האט רבי מרדכי דוד געלערנט אין דער ישיבה פונעם [[רבי ישראל האפשטיין|קאָזשניצער מגיד]]{{הערה|אין [https://tablet.otzar.org/#/book/153669/p/8/t/0568907841234/fs/0/start/0/end/0/c זיין אויבנדערמאנטער הסכמה] אויפן ספר עבודת ישראל פונעם קאזשניצער מגיד, שילדערט ער די תקופה וואס ער האט געלערנט אין קאזשניץ, ווי מ'האט דארט געלערנט [[מסכת קידושין]], און דער קאזשניצער מגיד האט מפלפל געווען בעיון און אין דער זעלבער צייט מייחד געווען [[יחוד (קבלה)|יחודים]]. אויך שרייבט ער דארט אז אלע גדולי וחסידי הדור זענען תלמידים, אדער תלמידי תלמידים, פונעם קאזשניצער מגיד.}}. ער האט חתונה געהאט מיט חיה שרה, טאכטער פון א גביר אין טשמעלאוו {{אנ|Chmielów}}. נאך דער חתונה איז ער באקאנט געווארן אלס גאון בתורה{{הערה|ווי עס ווייזט אויס אין די בריוו-אויסטוישן מיט אים אין ספרי [[שאלות ותשובות]]. זע צב"ש עטליכע בריוו אין שו"ת שובע שמחות פון רבי מנחם מענדל לעזער פון [[סטריזוב]]. {{היברובוקס||שובע שמחות|41084|חלק ב'|עמוד=2}}.}}, און נאכן הסתלקות פונעם [[לעמבערג]]ער [[רב]], [[רבי יעקב אורנשטיין|דער "ישועות יעקב"]], האבן די [[פרנס|טובי העיר]] געוואלט אויפנעמען רבי מרדכי דוד אלס לעמבערגער רב, נאר למעשה איז עס נישט צושטאנד געקומען{{הערה|קונטרס '''מדרכ"י דוד''', זייט ד', אין נאמען פון רבי אהרן טייטלבוים פון טשענסקאָוויץ, אייניקל פון רבי מרדכי דוד.}}.

פילע חסידים פלעגן קומען צו אים קיין דאמבראווא, וואו ער האט אויך געגרינדעט אן אייגן חסידיש בית המדרש{{הערה|רבי מרדכי דוד האט אליין אנגעפירט מיטן בויען דאס בית המדרש.}}, וועלכע האט זיך געפירט לויט זיינע הוראות. צווישן אנדערן, האט ער דארט איינגעפירט צו דאוונען [[נוסח ספרד]], און צוליב דעם האט ער געהאט רדיפות, אזש מתנגדים האבן אריינגעווארפן גרויסע באלקענעס אין שטוב אים צו שטערן, אבער פונדעסטוועגן האט ער זיי נישט נאכגעגעבן.

רבי מרדכי דוד איז נפטר געווארן אום [[ז' שבט]] [[תר"ג]]. מ'האט אים באערדיגט אינעם ארטיגן [[בית החיים]], אויף א געוויסע ארט וואס זיינע מקורבים האבן געשפירט אז ער האט דארט געוואלט באערדיגט ווערן{{הערה|ער פלעגט זיך אלץ פירן ווען ער איז ארויס אויפן שטאטישן [[בית החיים]], אז ער האט זיך אפגעשטעלט אויף א ספעציפיש ארט און זיך דארט געזוימט, דערפון האבן זיינע מקורבים געשפירט אז ער וויל דארט באערדיגט ווערן.}}. אין זיין צוואה האט ער אנגעזאגט אז מ'זאל נישט שרייבן אויף זיין מציבה קיין סאך טיטלען, נאר "הרב החריף המכיר ערכו"; אזוי אויך, זאל מען קיינעם לייגן נעבן אים, נאר זיינע קינדער; און מ'זאל מיטלייגן זיינע כתבים.

ווען זיין זון רבי יוסף איז אוועק, האט מען אים באערדיגט נעבן אים. ביזן [[האלאקאוסט|קריג]] איז געשטאנען אן אוהל איבער די קברים, וועלכן די [[נאציזם|דייטשן]] האבן חרוב געמאכט אינאיינעם מיטן גאנצן בית החיים. אין יאר [[תשנ"א]] האט [[מענדל רייכבערג]], נאך לאנגע זוכענישן, געפונען דאס ארט און אויפגעבויט א נייעם אוהל מיט נייע מציבות.

רבי מרדכי דוד האט איבערגעלאזט עטליכע קינדער אדמורי"ם:

* [[רבי יוסף אונגער (דאמבראווא)|רבי יאסעלע דאָמבראָווער]] (בערך [[תק"ס]] - [[ב' חשון]] [[תרכ"ז]]), חתונה געהאט אין יאר [[תקע"ה]] מיט גיטל, טאכטער פון [[רבי משה אליקים בריעה האפשטיין]] פון [[קאזשניץ]], א זון פונעם קאזשניצער מגיד און איידעם (בזיווג שני) ביי [[רבי אלעזר פון ליזענסק]]. רבי יאסעלע איז געווען רב אין קאזשניץ העכער צוואנציג יאר, און אין [[תר"ג]], נאך זיין טאטנ'ס פטירה, האט ער איבערגענומען די רבי'סטווע אין דאמבראווא. פון אים האט זיך ווייטער געצויגן די דאמבראווער און דזשאבנער דינאסטיעס.

* רבי מנחם מענדיל פון [[סטאבניץ|סטאַבניץ]] (אוועק אין [[תרמ"ג]]), איידעם פון רבי ישראל ראטנבערג פון [[סטאשוב|סטאַשוב]], א זון פונעם [[רבי מאיר הלוי פון אפטא|"אור לשמים"]]. ער איז געווען א מחותן מיטן [[רבי שלום רוקח|"שר שלום"]] פון [[בעלזא]].

* רבי אברהם אלחנן (אוועק אום [[ד' טבת]] [[תרמ"ג]]), רב אין [[קוויף]] און [[אפאטשנא|אַפּאַטשנא]], און שפעטער רבי אין [[קאלושין|קאַלאָשין]]. ער איז געווען אן איידעם ביי רבי קלונימוס קלמן הורוויץ פון פּאַריצק, זון פון רבי יאסעלע פון [[טורטשין]], א זון פונעם "חוזה" פון לובלין; און בזיווג שני, ביי [[רבי חיים מאיר יחיאל שפירא (מאגלניצא)|רבי חיים מאיר יחיאל]] פון [[מאגלניצא|מאָגלניצא]], זון פון רבי אבי עזרי זעליג פון [[גרעניץ]], אן איידעם פונעם קאזשניצער מגיד. רבי אברהם אלחנן האט ארויסגעגעבן דעם ספר "עבודת ישראל" פון זיין עלטער-זיידן, דעם קאזשניצער מגיד. פון אים האט זיך געצויגן זיך די קאלושינער דינאסטיע.

* רבי משה'לע אונגער (בערך [[תק"פ]] - [[י"ח תשרי]] [[תרנ"ח]]). חתונה געהאט מיט מרים, עלטסטע טאכטער פונעם [[רבי חיים האלבערשטאם|צאנזער רב]], און נאך זיין חתונה איז ער געבליבן וואוינען ארום פערציג יאר אין [[צאנז]] און געגעסן דארט [[קעסט]]{{הערה|אויף זיין מציבה שטייט געשריבן, "חתן הרה"צ הגאון רבי חיים אבד"ק צאנז ז"ל והסתופף בצלו ערך ארבעים שנה".}}. אויף דער עלטער האט ער זיך אריבערגעצויגן קיין [[ארץ ישראל]] און ער ליגט אין [[צפת]].

* רבי יחיאל צבי הירש פון [[טארנא|טאָרנא]] (בערך [[תק"ע]] - [[כ"א תשרי]] [[תרמ"ד]]), איידעם ביי רבי שמשון פון [[זוואלין|זוואָלין]] און געדינט אלס רבי אין טאָרנא. זיין טאכטער, רעכיל דבורה, איז געווען די רביצין פונעם צאנזער רב אינעם דריטן זיווג{{הערה|אויף זיין מציבה שטייט געשריבן, "חותן הקדוש מסאנץ".}}.

* רבי נפתלי פון [[דזשאבנא]], איידעם פון [[רבי יעקב הורוויץ (מעליץ)|רבי יענקעלע]] [[מעליץ (הויף)|מעליצער]], זון פונעם [[רבי נפתלי צבי הורוויץ|ראפשיצער רב]]. ער האט נישט איבערגעלאזט קיינע קינדער.

* מלכה טייטלבוים, (געבוירן בערך [[תקע"ב]]-[[תקע"ג|ע"ג]]), חתונה געהאט צו רבי מנחם צבי (גערופן "רבי נחום הערש") טייטלבוים פון [[דראהביטש|דראָהביטש]], זון פון [[רבי אלעזר ניסן טייטלבוים|רבי אלעזר ניסן]], זון פונעם [[רבי משה טייטלבוים (אוהעל)|"ישמח משה"]].

 

[[קאטעגאריע:אדמורי"ם]]

[[קאטעגאריע:גאליציאנער רבנים]]

[[קאטעגאריע:פוילישע רבנים]]