רוי:רבי יהושע פלק כ"ץ

דער גאון רבי יהושע וַלְק הכהן כ"ץ זצ"ל איז געווען דער ראש ישיבה אין לעמבערג (לבוב) יצ"ו. ער איז געווען א זון פון ר' אלכסנדרי הכהן פון קראקא. זיין מאמע, מרת קרענדל, איז געווען א שוועסטער פון דער רמ"א'ס טאטע, רבי איסרל. דער באקאנטער מנהג צו צודעקן די אויגן ביי לעכט בענטשן פרייטאג צונאכטס, שטאמט פון זיין רביצין הרבנית בילא.

מען רופט אים סְמַ"ע, ווייל ער האט געשריבן א ספר אויפ'ן טור און שלחן ערוך מיט'ן נאמען מאירת עינים. דער ראשי תיבות פון סמ"ע איז: ס'פר מ'אירת ע'ינים. ער איז געווען א תלמיד פון זיין שוועסטער קינד דער רמ"א, און פון דער מהרש"ל. ער איז נסתלק געווארן שבת חול המועד פסח, י"ט ניסן, שנת שע"ד לפ"ק.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!