אונטערשייד צווישן ווערסיעס פון "רוי:זלמן אשכנזי"

ר' זלמן איז געבוירן ד' אדר שנת תש"ז אין ירושלים צו זיין טאטע ר' [[אלימלך אשכנזי]] גאב"ד [[מעלבארן]],  וואס איז געווען א זון פון ר' אלכסנדר חיים אשכנזי פון [[ירושלים]] בן  ר' יצחק אדמו"ר פון [[אלעסק (הויף)|אלעסק]] סטאניסלאוו. מען האט אים א נאמען געגעבן נאך זיין זיידע דער פאטער פון זיין מאמע, ר' יקותיאל זלמן יו"ט ליפא וועבער, און אויך האט מען צו געלייגט דעם נאמען יואל נאך זיין פעטער ר' יואל אשכנזי הי"ד, [[טערעסיף|טרעסיפער]] רב, בעל מחבר ספר שו"ת שאירת יואל.

דערנאך איז ער געפארן לערנען קיין [[אמעריקא]] צו זיין קרוב דער סאטמארער רבי בעל דברי יואל אין ישיבה "תורה ויראה" מסאטמאר ווי פון דעמאלס אהן איז ער געווארן מקושר בלב ונפש צו דעם הייליגן רבין כל ימי חייו. עס איז ממש נישט געווען א טאג וואס ער זאל נישט רעדן פון זיין הייליגן רבין ווי ער האט מקבל געווען אסאך מידות טובות פון רבין, ווי זיין אהבת ישראל וואס איז געווען אויף אן אופן שלא יאמן כי יספור און זיין קנאות וואס די צוויי מידות זענען געווען מחובר איינס צום צווייטען אויף אן אופן אז עס איז בכלל נישט געוען קיין סתירה אין דעם. און כמים פנים אל פנים האט אים דער רבי געוויזען א זעלטענע אהבה ווי אויך פלעגט ער עסן ביים רבין די שבת באטאג סעודה יענע יאהרן ווי ר' [[יוסף אשכנזי]] פלעגט אריין רופן מזומן צום בענטשן ביים רבין אין שטוב.