אונטערשייד צווישן ווערסיעס פון "רוי:רבי ישראל פון רוזשין"

אין יאר [[ה'תקע"ג]] אין עלטער פון זעכצען יאר, נאך דער [[פטירה]] פון זיין ברודער, האט מען אויפגענומען '''רבי ישראל''' אלס ממלא מקום. ער האט אנגעהויבן פראווען זיין רביסטעווע אין [[פראהבישט]], נאכהער אין [[סקווירא]] שפעטער האט ער זיך אריבערגעצויגן קיין [[רוזשין]]. דארט האט ער אנגעהויבן צופירן זיין רבישן הויף, מיט א וועג פון פראכט און שיינקייט, מיט קעניגלעכע און אדעלע אויפפירונגען, פון דרויסן באפוצט פון גאלד און זילבער, גאלדענע בעקישע קנעפ פארפאסט מיט דיאמאנט, רײַטוועגנס געשפאנט מיט פיר ווייסע אויסשטאפירטע פערד, און פון אינווייניג א צעבראכן הארץ מיט אן אויסגעפײַניגטן קערפער, וועלכער האט נישט [[הנאה]] געהאט פון דער וועלט מיטאמאל ווי א דינער פאדים.

אין יאר [[ה'תקצ"ח]] איז '''רבי ישראל''' אנטקלאגן גיװארן װי א אױפריהרער קעגן דעם [[צאר]], און איז ארעסטיטרט גיװארן אין [[קיעװ]] און שפעטער אין [[קאמעניץ, אוקראינע|קאַמענעץ־פּאָדאָלסקי]] ער איז געפייניגט געווארן אין געפענגעניש קערפערליך און גייסטיש נאנט צו צוויי יאר, ביז זיין באפרייאונג [[ט"ו אדר א']] [[ה'ת"ר]].

אין יאר [[ה'ת"ר]] נאך זיין באפרייאונג איז אים געלונגען צו אנטלױפן פון רוסלאנד קיין [[עסטרייך]]. פריער האט ער זיך באזעצט אין [[קישינעוו]], דערנאך אין [[יאס]] און צום סוף האט ער זיך אַריבערגיצױגן קיין [[סאדיגורא]].

[[קאטעגאריע:רוסישע אדמורי"ם]]

[[קאטעגאריע:רוזשין]]

[[קאטעגאריע:אומבאקוקט]]

[[קאטעגאריע:אויף יידיש]]