אונטערשייד צווישן ווערסיעס פון "רוי:פרה אדומה"

א '''פרה אדומה''' איז א רויטע [[קו]], איז אן ענין אין [[אידישקייט]]. מען ניצט די אש פון דער קו געמישט מיט קוואל וואסער מטהר צו זײַן מענטשן  און כלים וואס זענען געווארן [[טמא]] פון א [[טמא מת|מת]].

ווען א מענטש אדער א מעטאלע כלי רירט אן, אדער געפינט זיך אינעם זעלבן אוהל (שטוב) מיט א קערפער פון א א טויטן מענטש, ווערט דער מענטש אדער די כלי [[טמא מת]]. אזא מענטש טאר נישט עסן [[תרומות ומעשרות|תרומה]] (אויב ער איז א כהן) אדער [[מעשר שני]] אדער קדשים, אזוי אויך טאר ער נישט ארײַנגיין אין דער עזרה פונעם [[בית המקדש]]. דער מענטש אדער דער כלי קען נאר ווערן טהור אז מען שפריצט אויף אים, דעם דריטן און דעם זיבעטן טאג, פונעם אש פון דער פרה אדומה. אזוי ווי עס שטייט אין פסוק אין פרשת [[חוקת]]: ("וְיִקְחוּ אֵלֶיךָ פָרָה אֲדֻמָּה תְּמִימָה אֲשֶׁר אֵין-בָּהּ מוּם, אֲשֶׁר לֹא-עָלָה עָלֶיהָ, עֹל" -ויקרא י"ט, ב'); ("הַנֹּגֵעַ בְּמֵת, לְכָל-נֶפֶשׁ אָדָם וְטָמֵא ... הוּא יִתְחַטָּא-בוֹ" - במדבר י"ט, י"א). דערנאך מוז מען זיך טובל'ן אין א [[מקוה]].

* לא עלה עליה עול. ד.ה. אויב ס'איז  אמאל ארויפגעגאנגען אויף איר א יאך, קען מען זי נישט ניצן פאר א פרה אדומה. אויף דעם איז דא געוויסע סימנים (הארן אויפן רוקן פון דער בהמה, וואס ווערן אײַנגעבויגן נאכדעם וואס זי האט געטראגן א יאך).

די קו דארף מען שעכטן און פארברענען אויף [[הר הזיתים]] אין אן ארט וואו מ'קען ארײַנקוקן אין בית המקדש.

[[קאטעגאריע:אומבאקוקט]]

[[קאטעגאריע:אויף יידיש]]