אונטערשייד צווישן ווערסיעס פון "רוי:רבי אברהם מתתיהו פרידמאן"

'''רבי אברהם מתתיהו''' איז געבוירן אין סאדיגורא [[כ"ה כסלו]] [[ה'תר"ז]] <ref>''נר ישראל איז מסופק ה'תר"ז אדער ה'תר"ח''</ref>, צו זיין פאטער הרב '''[[מנחם נחום פרידמאן]]''' פון [[שטעפאנעשט]], א זון פון הרב [[ישראל פון רוזשין|ישראל פרידמאן]] פון [[רוזשין]], א זון פון הרב [[שלום שכנא פון פראהבישט|שלום שכנא]], פון [[פראהבישטש]], א זון פון הרב [[אברהם המלאך]], דער חסד לאברהם, א זון פון הרב דוב בער, דער [[דוב בער פון מעזריטש|מעזריטשער מגיד]]. דער רוזשינער האט באפוילן מען זאל אים א נאמען געבען '''אברהם''' נאך זיין זיידן רבי [[אברהם המלאך]] און '''מתתיהו''' [[מענינא דיומא]], וויבאלד ער איז געבוירן [[חנוכה]].

אין יאר [[ה'תרכ"ט]] נאך די [[פטירה]] פון זיין פאטער האט '''רבי אברהם מתתיהו''' איבערגענומען דעם פאטער'ס ארט אין [[שטעפאנעשט]]. זיין [[עבודה]] איז געווען מיט א געוואלדיגע באהעפטונג <small>(דביקות)</small> צום אייבערשטן, אינגאנצן אויסגעטוהן פון די וועלט. שטונדן לאנג האט געדוערט זיין דאווענען, נאכהער האט ער עטוואס בייביסן, אין אלעס אויסגעטיילט פאר [[שיריים]].

'''רבי אברהם מתתיהו''' איז [[נפטר]] געווארן [[פרייטיק-צונאכטס]] [[כ"א תמוז]] [[ה'תרצ"ג]], איבער פופציג טויזענט מענטשען האבן אים באגלייט ביי זיין [[לויה]]. [[ה' חשוון]] [[ה'תשכ"ט]] האט מען אריבער געברענגט זיין קערפער קיין [[ארץ ישראל]], אין [[חלקת נחלת יצחק]], און זיין קערפער איז נאך געווען גאנץ !!!

[[י"ח חשוון]] [[ה'תרכ"ב]] האט '''רבי אברהם מתתיהו''' געהייראט '''בזיווג ראשון''' א טאכטער פון הרב '''יצחק רייך''', אן איידעם פון הרב [[אשר ישעיה רובין]] פון [[ראפשיץ]]. נאך עלף יאר האט ער איר [[גט|גע'גט]] אן קינדער.

'''בזיווג שני''' האט ער געהייראט מרת '''שרה צפורה''' א טאכטער פון הרב '''[[יוסף מאנזאהן]]''', אן איידעם פון [[ישראל פון רוזשין|דער ריזשינער]], זי האט מיט געברענגט דריי קינדער פון איר ערשטער מאן.