רוי:רבי אליעזר זאב ראזנבוים

נאדווארנער רבי
אליעזר זאב ראזנבוים

געבורט	בני ברק

רבי אליעזר זאב ראזנבוים (געב' ה' אב ה'תשי"ז), איז דער נאדווארנער רבי און בני ברק, פון תשע"ב.

לעבנסגעשיכטע

רבי אליעזר זאב איז געבוירן געווארן אין דער שטאט בני ברק צו רבי יעקב ישכר בער ראזנבוים, דער פריערדיגער נאדווארנער רבי, און צו רבקה, טאכטער פון רבי משה הערש. ער איז דאס עלטסטע קינד פון א משפחה פון 11 קינדער. אלס קינד איז ער אויפגעצויגן געווארן און באקומען זיין אויסבילדונג אין די מוסדות פונעם נאדווארנער חסידות. אין יאר ה'תשל"ט, האט ער געהייראט מרת שרה רבקה, טאכטער פון רבי אהרן צבי ווייצנער, דער רבי פון פשעמישל אין אמעריקע. פאר א קורצער צייט נאך זיין חתונה איז ער געבליבן וואוינען אין אמעריקע נאענט צו זיין שווער. אנשליסנד איז ער צוריקגעקומען קיין ארץ ישראל. נאכטרעגליך האט אים זיין פאטער דער רבי באשטימט אלס רב פון נאדווארנער חסידים אין ארץ ישראל און אויסלאנד, און מיט דער צייט האבן מענטשן אנגעהויבן אנצוקומען צו אים פאר בעראטונג. זיין פאטער דער רבי האט פארבאטן פאר זיינע חסידים זיך ווענדן צו אים אין זיינעם מיטן פריוואטן נאמען, און האט געבעטן אז מ'זאל אים עהרען און אים רופן 'דער רב'.

אום ז' אדר ה'תשע"ב, איז זיין פאטער נפטר געווארן און ווערענד דער לוויה האט מען אים באקרוינט ממלא מקום פון זיין פאטער, און לויט דער צוואה די אנדערע דריי ברידער פון ירושלים, ביתר עילית און אלעד זענען אויך באקרוינט געווארן רביס אין זייערע וואוינערטער.

דאס חסידות אונטער זיין פירערשאפט ציילט אפ אומגעפער א פאר הונדערט משפחות, א טייל פון זיי וואוינען אין 'קרית נאדווארנא' געגנט אין בני ברק, וועלכע ווערט באטראכט אלס די הויפטקווארטיר פונעם נאדווארנער חסידות. צוזעצליכע פיליאלען זענען פאראן אין די פאלגנדע פלעצער: ירושלים, ביתר עילית, אלעד, בית שמש, חיפה, קרית גת, מודיעין עילית און קוממיות. די אנשטאלטן פונעם חסידות רעכענען אריין אין זיך: נעץ פון כוללים פאר יונגעלייט איבער, ישיבה גדולה 'מאמר מרדכי', ישיבה קטנה 'תכלת מרדכי' און התאחדות הבחורים וואס ציילן אפ איבער 300 בחורים. צוזעצליך עס זענען פאראן א תלמוד תורה 'תפארת מרדכי' מיט 200 קינדער, א נעץ פון קינדערגארטנס, שטיבלעך און א מקווה. דאס נאדווארנער חסידות פארמאגט אויך חסד ארגאניזאציעס אזוי ווי צום ביישפיל: 'שקל הקודש' וואס טיילט אויס געלט פאר נויטבאדערפטיגע, א פאבריק וואס טייטלט ארום נארונג פאר נויטבאדערפטיגע, גמ"ח 'עזר נישואין' וואס העלפט ארויס משפחות פון די חסידות מיט אויסבארגן געלט כדי אויסצודעקן די גרויסע הוצאות פון חתונה מאכן זייערע קינדער, באקליידונג-פאבריק מיטן נאמען 'לבוש מרדכי' וועלכע טיילט ארויס מלבושים פאר חתנים און נאך. הרב שלמה קאסטליץ איז דער פארטרעטער פונעם נאדווארנער חסידות אין דעם שטאט-ראט פון בני ברק.

רבי אליעזר זאב פירט זיך צו מאכן א תענית דיבור יעדער מאנטאג און דאנערשטאג, ווי אויך פון ראש חודש אלול ביז נאך יום כיפור. ער באשעפטיגט זיך אויכעט מיט קירוב רחוקים, אזוי ווי זיין פאטער פלעגט, און צווישן זיינע אנהענגערס קען מען טרעפן אזעלכע וואס גייען מיט געשטריקטע קאפעלעך, ספרדים, און נאך וואס קומען זיך שואל עצה זיין מיט איהם. קבלת קהל ביים נאדווארנער רבי'ן ענדיגט זיך אין די פרי מארגן שטונדן. צו זיינע תפילות און טישן קומען אוך מענטשן פון פארשידענע שיכטן און קרייזן וואס זענען נישט חסידיש, הויפטזעכליך ליטווישע אידן וואס קומען צו הערן דעם וועכנטליכן שפאנענדן דבר תורה וואס דויערט ארום פערציג מינוט יעדער שבת.

קינדער

• מרת יוכבד ברכה, ווייב פון רבי ברוך, זון פון רבי נפתלי ראובן קארנרייך, דער קאסאוו-וויזשניצער רבי, און איידעם פון רבי אליעזר האגער, דער פריערדיגער סערעטער רבי.
• מרת פרומט רויזא, ווייב פון רבי אברהם, זון פון רבי שלמה רוקח, דער יארעסלאווער רבי פון מודיעין עילית.
• מרת מלכה, ווייב פון רבי יעקב יוסף, זון פון רבי יודא ניישלאס, אב"ד סערדעהאלי און דומ"צ סקווירא בני-ברק, זון פון רבי משה.
• רבי חיים מרדכי, האט געהייראט מרת חיה מלכה, טאכטער פון רבי יעקב מנחם ראבינאוויטש, דער ביאלער רבי פון בני ברק.
• רבי יוסף דוד, האט געהייראט מרת רבקה זלאטא, טאכטער פון רבי חיים שאול טויב, פון מאדזשיץ
• מרת חיה רחל, ווייב פון רבי יהודה, זון פון רבי דוד הורוויץ פון ראצפערט בראזיל.
• מרת חנה, ווייב פון רבי יחיאל מיכל, זון פון רבי נפתלי צבי ראטנבערג, רב פון תולדות אהרן אין בית שמש און איידעם פון רבי אברהם יצחק קאהן, דער פריערדיגער תולדות אהרן רבי.
• מרת זיסל בתיה, ווייב פון רבי ישראל, זון פון רבי אהרן בידערמאן, דער לעלאווער רבי פון בית שמש.
• מרת מרים, ווייב פון רבי נתן דוד, זון פון רבי ניסן משה גראס, רב ד'קהל חסידים אין קרית ספר, זון פון רבי שלום יודא, דער האלמינער רבי.
• מרת פייגא, ווייב פון רבי חיים, זון פון רבי יצחק אייזיק לאבין, זידיטשואיווער רבי פון בני ברק.
• הרב ישראל, איידעם ביי רבי איתמר ראזנבוים, זון פון קרעטשענעווער רבי פון רחובות, און איידעם פון רבי נפתלי קארנרייך, דער קאסאוו-וויזשניצער רבי.

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "רבי אליעזר זאב ראזנבוים".