רוי:גרוזיע

גרוזיע საქართველო סאַקאַרטוועלאָ
פאָן הערב
נאַציאָנאַלע זינגליד: თავისუფლება טאוויסופלעבא
קאָנטינענט	אזיע, אייראפע
אָפיציעלע שפּראַך	גרוזיניש
הויפּטשטאָט	טביליסי 41°43′N 44°47′E
רעגירונג
פּרעזידענט פּרעמיער מיניסטער	סאלאמע סוראבישווילי מאמוקא באחטאדזע
גרינדונג דאַטום	9טן אפריל 1991 פון סאוועטן פארבאנד
פלאַך מאָס וועלט גראַדונג פלאַך פּראָצענט וואַסער	69,700 קוואַדראַט ק"מ 118 0
באַפעלקערונג - צאָל - וועלט גראַדונג - ענגקייט	4,693,892 113 67 מענטשן פאַר אַ ק"מ
פּראָדוקט ווערדע	$21.424 ביליאן (109ט)
וואַלוטע	לאַרי
צייט זאָנע	UTC+3
אינטערנעט דאָמען	ge.
טעלעפאָן קאָד	995+

גרוזיע (גרוזיניש: საქართველო, סאַקאַרטוועלאָ) איז אַ לאַנד אין מערבֿ־אַזיע, אין דעם קאווקאז אויפן מזרח ברעג פונעם שווארצן ים. זײַן הױפּטשטאָט איז טביליסי. ס'װױנן דאָ 4.6 מיליאָן מענטשן. גרוזיע האָט גרענעצן מיט אַזערבײַדזשאַן, רוסלאַנד, און ארמעניע. אָט װױנען בערך 10,000 יידן, סײַ אשכנזים, סײַ גרוזיאַנער, װאָס האָבן אין גרוזיע באזעצט מיט 2,000 יאָר צוריק.

געאגראפיע

מאפע

גרוזיע שפאנט אן צוויי קאנטינענטן, וויבאלד דער מערב טייל פון לאנד געפינט זיך אין אייראפע און דער מזרח טייל אין אזיע. איר שטח איז בערך 70,000 קוואדראט ק"מ. איר צפון גרענעץ איז לאנג 723 ק"מ מיט רוסלאנד. אין דרום מזרח האט זי א גרענעץ לאנג 322 ק"מ מיט אזערביידזשאן, און א גרענעץ 164 ק"מ מיט ארמעניע. דער דרום גרענעץ איז לאנג 252 ק"מ מיט טערקיי. דער מערב גרענעץ איז דער שווארצער ים.

די גרויסע קאווקאז בערג אין צפון זענען באהאפטן דורך דער ליכי קייט צו די קליינע קאווקאז בערג אין דרום. די ליכי קייט צעטיילט גרוזיע אויף מזרח גרוזיע און מערב גרוזיע, וואס זענען באהאפטן דורך א באן טונעל.

דער העכסטער בארג אין גרוזיע איז בארג שכארע ביי 5,201 מעטער איבערן ים פלאך.

קולטור

די באפעלקערונגפון גרוזיע איז אומגעפער 4.5 מיליאן. פון זיי וואוינען בערך 1.3 מיליאן אין טביליסי. מענטשן פון גרוזיע הייסן גרוזינער. רוב פון זיי רעדן גרוזיניש אלס מוטערשפראך, אבער טייל מענטשן רעדן אויך ארמעניש, רוסיש אדער אנדערע שפראכן.

די מערהייט פון גרוזינער זענען קריסטן, אבער ס'איז דא אויך יידן און מוסלמענער.

די וואלוטע פון גרוזיע איז די לאַרי.

היסטאריע

די גרוזינער זענען אן אוראלט פאלק. זייער הויפטשטאט טביליסי איז געגרינדעט בערך אין יאר 400 (ד'ר"ם), נאך דער ענדע פון דער רוימישער אימפעריע. ביז דעמאלט איז מערב גרוזיע געווען א טייל פון דער רוימישער אימפעריע.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!