אונטערשייד צווישן ווערסיעס פון "טרייענגל שירטוועיסט פאבריק פייער"

די '''טרייענגל שירטוועיסט פאבריק פייער''' איז געווען א טראגישע אינדוסטריעלע קאטאסטראפע וואס האט פּאסירט אין ניו יארק סיטי דעם 25טן מערץ 1911. אין דעם פייער זענען אומגעקומען 146 ארבעטער, רובם יונגע אידישע און איטאליענישע אימיגראנטן פרויען. דער פייער האט ארויסגעברענגט די שלעכטע ארבעטס-באדינגונגען און די פעלנדע זיכערהייט רעגולאציעס אין יענע צייטן. די טראגעדיע האט געפירט צו וויכטיגע רעפארמען אין ארבעט און זיכערהייט געזעצן.

די פאבריק פון דער טרייענגל וועסט קאמפאני איז געווען אויף די 8טן, 9טן און 10טע שטאק פון דעם אש געביידע (שפעטער באוואוסט אלס די בראון געביידע) אין גרינוויטש ווילעדזש, ניו יארק. די אייגנטימער פון דער פאבריק זענען געווען מאַקס בלאַנק און אייזיק האַריס. זיי האבן פראדוצירט פרויען בלוזעס, גערופן "שירטוועיסטס". אין דער פאבריק האבן געארבעט ארום 500 ארבעטער, מערסטנס יונגע אימיגראנטן פרויען.

די ארבעטער האבן געארבעט לאנגע שעות, צום ביישפיל ניין שעה א טאג אין די וואכעדיגע טעג און זיבן שעה שבת, פאר נידעריגע געהאלטן, צווישן 7 און 12 דאלאר א וואך. די אייגנטימער האבן פארגעצויגן צו איינשטעלן אימיגראנטן פרויען ווייל זיי האבן געארבעט פאר ווייניגער געלט און זענען געווען ווייניגער גרייט זיך צו ארגאניזירן אין א יוניאן. די פאבריק איז געווען באוואוסט פאר איר אנטי-יוניאן פאליסי. אין 1909 איז פארגעקומען א סטרייק (די אויפשטאנד פון די 20,000) פאר בעסערע באדינגונגען, אבער די טרייענגל שירטוועיסט האט זיך אנטקעגנגעשטעלט. די סאניטארישע באדינגונגען זענען געווען ארעם, מיט אנגעזאפטע אויל שמאטעס. כאטש ס'איז געווען פארבאטן צו רויכערן אין דער פאבריק, איז דאס אבער פארגעקומען. אין דער קליידער אינדוסטריע זענען געווען חשדות פון ארסאן פאר פארזיכערונג צוועקן, און בלאנק און האריס האבן געהאט פריערדיגע פייערן אין זייערע געשעפטן.