אונטערשייד צווישן ווערסיעס פון "רוי:וועלוול טשערנין"

'''וועלוול טשערנין''' ({{שפראך-ru|Велвл Чернин}}{{ר}}; געב' 1958, [[מאָסקווע]]) איז אַ [[אידיש]]ער [[דיכטער]]. ער האָט פאַרענדיקט דעם היסטאָרישן פאַקולטעט פונעם [[מאָסקווער מלוכה־אוניווערסיטעט]] אויף לאָמאָנאָסאָווס נאָמען, דערנאָך די ייִדיש־גרופּע פון די העכערע ליטעראַרישע קורסן ביים ליטעראַטור־אינסטיטוט אויף גאָרקיס נאָמען אין מאָסקווע. אין די 80ער יאָרן געאַרבעט אין דער רעדאַקציע פון "[[סאָוועטיש היימלאַנד]]", אין 1986 אלס ביילאַגע צו דעם זשורנאַל איז דערשינען טשערנינס זאַמלונג אינטערוויוען "דיאַלאָגן וועגן דער ייִדישער קולטור אין [[פסס"ר|פ]]<nowiki/>ססר". געווען אַ ליטעראַטור־קאָנסולטאַנט אין פאַרשידענע ייִדישע טעאַטער־קאָלעקטיוון אין [[ראַטן־פאַרבאנד]]. אין יאַנואַר 1990 האט ער [[עליה|עולה]] געווען קיין [[ישׂראל]] און זיך באַזעצט אין [[שומרון]]. אין די לעצטע יאָרן וואוינט אינעם [[ייִשוב]] [[כפר אלדד]] אין [[מדבר־יהודה]], צום דרום־מזרח פון [[ירושלים]].

נאָך דער עליה האָט ער זיך געדרוקט דער עיקר אין ישׂראלדיקע זשורנאַלן און אַלמנאַנאַכן – "[[די גאָלדענע קייט]]", נייע וועגן", "[[ירושלימער אַלמאַנאַך]]", "טאָפּלפּונקט" און אַנדערע, ווי אויך אין אויסלענדישע פּעריאָדישע אויסגאַבעס -"[[פאָרווערטס]]", "די פּען", "די גילגולים" א"אַ.'' פאַר זיין דיכטונג האָט ער באַקומען דוד האָפשטיין פּרייז פאַרן יאָר תשנ"ו. עס זענען דערשינען פינף ייִדישע לידער-זאַמלונגע, ווי אויך אַ צוויי-שפּראַכיקע זאַמלונג (ייִדישע אָריגינאַלן מיט רוסישע איבערזעצונגען) און אַ [[העברעיִש]]ע לידער-זאַמלונג (אָריגינעל־העבריִשע און אויטאָרישע איבערזעצונגען פון אָריגינעל־ייִדישע ווערק). באַזונדערע וועלוול טשערנינס לידער זענען דערשינען אין איבערזעצונגען אויף אַנדערע שפּראַכן — [[אוקראַיִניש]], [[פראַנצויזיש]], [[דייטש]], [[ענגליש]].