אונטערשייד צווישן ווערסיעס פון "רוי:חומש"

(אַרויסגערעדט: כוּמעש) מיט נאָמען '''חומש''' (פון וואָרט "חוֹמֶש“, א פינפטל) רופן מיר אָן די 5 [[ספר|ספרים]] פון דער [[תורה|תּוֹרה]]: [[בראשית|בּרֵאשׁית]], [[שמות|שׁמוֹת]], [[ויקרא|ויִקרָא]], [[במדבר|בּמדבּר]], [[דברים|דבָֿרים]], וועלכע זענען געשריבן געוואָרן דורך [[משה רבנו]].   

אין די [[ספרי הנביאים|ספרי הנביאים]] און [[כתובים|כּתובים]] געפינען מיר דעם אויסדרוק "תּוֹרה משה“ און "ספר משה“ ([[ספר יהושע|יהושע]] ח’ און [[דברי הימים|דברי הימים]] ב’ כ"ה); אין דער [[גמרא]] [[מסכת מגילה]] ט"ו און אַנדערע ערטער ווערן זיי אָנגערופן "חמשה חומשי תורה“; אין [[גיטין]] ס’ הייסן זיי "חומשים“.  עס ווערט געמאַכט אַן אונטערשייד אין דעם נאָמען: אויב זיי זענען געשריבן אויף פאַרמעט אַלץ ספר תורה הייסן זיי תורה, און אויב איינפאַך, נישט לויט די [[דינים]] פון שרייבן אַ ספר תורה, הייסן זיי חומשים.  אין גטין ס’ קלערט די גמרא "מהו לקרות בחומשים בבית הכנסת“ (צי מען טעג לייענען אין [[שול]] פון חומשים אַרויס);  אין [[ירושלמי]] מגילה [[פרק]] ג’ געפינען מיר דייטלעך די צוויי ווערטער צוזאַמען "תורה וחומשים“; וועגן יעדן חומש געבן מיר ביים זוכוואָרט פון זיין נאָמען ("[[בראשית]]“, "[[שמות]]“ און אַזוי ווייטער);  וועגן די מיינונגען פון די ביבל–קריטיקער געבן מיר אין [[תנ"ך-קריטיק]], וואוּ מיר געבן אויך די מיינונגען פון די געלערנטע, וועלכע טרעטן אַרויס קעגן דער תנ"ך–קריטיק.  אין דער גמרא ווערט אויך דער [[תהלים]] איינגעטיילט אין "חומשים“ ([[קידושין]] ל"ג "שני חומשין שניתי לו בספר תהלים“).