רוי:300 (נומער)

300 (גאנצע צאל)

דעצימאל	300
אין ווערטער	דריי הונדערט
סדר'דיגע צאל	דריי הונדערטסט/ע/ר
גימטריא	ש
פאַקטאָריזאַציע	$\ 2^{2}\cdot 5^{2}\cdot 3^{1}$
רוימישע צאל	$\ CCC$
בינארישע צאל	100101100
העקס	12C

300 (אין ווערטער: דריי הונדערט) איז די נאטירליכע צאל וואס קומט נאך 299 און בעפאר 301.

אין מאטעמאטיק

• 300 איז א הארשאד נומער, וואס צעטיילט זיך מיט'ן סך-הכל פון זיינע ציפערן: $300\div (3+0+0)=100$.
• 300 איז א דריי-עקיגע צאל, וואס מיינט אז מען קען עס אויסשטעלן אלס א דריי-עקיגע צורה פון פינטלעך.
• 300 קען מען באקומען דורך צוזאמרעכענען די צוויי צווילינג פרימצאלן 149 און 151.
• 300 איז די סומע פון צען נאכאנאנדיגע פרימצאלן: 13 + 17 + 19 + 23 + 29 + 31 + 37 + 41 + 43 + 47.

אין אידישקייט

• די תיבה איז געווען 300 אמה לאנג.
• שמשון הגיבור האט געכאפט 300 פוקסן און זיי געבונדן איינע צו די אנדערע מיט פאקלען אין דער מיט, און זיי געלאזט לויפן איבער די תבואה פעלדער פון די פלשתים.
• גדעון האט געפירט א מחנה פון 300 אויסדערוועלטע קעמפער קעגן די מדינים.
• דער נומער 300 ווערט אפטמאל גענוצט אין חז"ל אלס גוזמא.

פארשידנס

• דער פארלאמענט פון גריכנלאנד האט 300 זיצן.
• אין דעם באולינג שפיל איז 300 די העכסטע מעגליכע צאל פונקטן וואס מען קען דערגרייכן אין איין שפיל - א "פערפעקטער שפיל".