רוי:רבי חיים מאיר האגער

רבי חיים מאיר האגער

געבורט	ט"ו כסלו תרמ"ח וויזשניץ
פטירה	ט' ניסן תשל"ב
כינוי	אמרי חיים
מקום קבורה	בני ברק
טעטיגקייט אָרט	בני ברק
דינאסטיע	וויזשניץ
קינדער	רבי משה יהושע האגער רבי מרדכי האגער חנה מרים סימא ווייס הינדא אדלער שבע ברכה ערנסטער צפורה פרידמאן
4'טער וויזשניץ'ער רבי → רבי ישראל האגער רבי משה יהושע האגער רבי מרדכי האגער ←

רבי חיים מאיר האגער זצ"ל (ט"ו כסלו ה'תרמ"ח - ט' ניסן ה'תשל"ב), דער פערטער וויזשניצער רבי, איז באקאנט מיט דעם נאמען "דער אמרי חיים".

אפשטאם

רבי חיים מאיר איז געבוירן אין וויזשניץ ט"ו כסלו ה'תרמ"ח, צו זיין פאטער רבי ישראל האגער, פון וויזשניץ, "דער אהבת ישראל", א זון פון רבי ברוך האגער, פון וויזשניץ, "דער אמרי ברוך", א זון פון רבי מנחם מענדיל האגער פון וויזשניץ, באקאנט אלס "דער צמח צדיק", א זון פון רבי חיים האגער פון קאסוב, "דער תורת חיים", א זון פון רבי מנחם מענדיל האגער, פון קאסוב, "דער אהבת שלום". און צו זיין מוטער מרת הינדא א טאכטער פון רבי מאיר הורוויץ, פון דזשיקוב, "דער אמרי נועם", א זון פון רבי אליעזר הורוויץ, רב אין דזשיקוב, באקאנט אלס "רבי אליעזר'ל דזשיקאווער", א זון פון רבי נפתלי צבי הורוויץ, דער ראפשיצער רב

רבנות

זיין פאטער האט אויף אים געזאגט ער איז א "בעל שם טוב ייד", און ער ווייסט נישט פון וואנען ער האט זוכה געווען צו אזא זון.

פון יאר ה'תר"ע איז רבי חיים מאיר געווען רב אין ווילחאוויץ, מאראמאראש, ביז אין יאר ה'תרצ"ו איז ער געווארן ממלא מקום פון זיין פאטער אין גרויסווארדיין.

ביי דעם חורבן אייראפע האט מען אים ארויס געשווערצט פון געטא אין גרויסווארדיין אריין אין די וועלדער, פון דארט האט מען אים אריבער געשווערט קיין בוקארעסט וואו ער איז געבליבן ביז צום באפרייאונג.

נאך דעם חורבן אייראפע אין יאר ה'תש"ו איז רבי חיים מאיר צוריק געפארן קיין גרויסווארדיין, פון דארט האט ער זיך אריבערגעצויגן אין יאר ה'תש"ז קיין אנטווערפן, אין ענדע פון יאר איז ער ארויף קיין ארץ ישראל, און זיך באזעצט אין תל אביב.

רבי חיים מאיר איז געווען דער ערשטער רבי אויף צושטעלן אן אייגן שטעטל, און מיט גרויסע שוועריגקייטן האט ער אויפגעשטעלט דעם שיכון וויזשניץ אין בני ברק.

פון יאר ה'תש"י האט רבי חיים מאיר שוין געוואוינט אין שיכון וויזשניץ און אנגעפירט פון דארט מיט זיין פארצווייגטער ארבעט, ער האט דארט אויפגעשטעלט א געוואלדיגן חסידישן מיליטער, אין וועמען ער האט אריינגעשיינט תורה מיט אידישקייט.

רבי חיים מאיר איז געווען איינער פון די פירערס פונעם ארטאדאקסישן אידנטום אין ארץ ישראל, און איז געווען פון די אנגעזענע פירערס פון אגודת ישראל און א מיטגליד אין דער מועצת גדולי התורה.

זיינע גבאים זענען געווען ר' יצחק דוד רעזמאוויטש און ר' מנחם אליעזר מאזעס.

הסתלקות

רבי חיים מאיר איז נפטר געווארן ערב שבת קודש ט' ניסן ה'תשל"ב, און ער ליגט אין זכרון מאיר בני ברק, אין אהל פון זיין פאטער צוזאמען מיט זיינע ברידער.

פאמיליע

אין יאר ה'תרס"ה האט רבי חיים מאיר געהייראט מרת מרגליא א טאכטער פון רבי זאב (וועלוועל) טווערסקי, פון רחמיסטריווקא, א זון פון הרב יוחנן טווערסקי פון רחמיסטריווקא. זייערע קינדער:

• רבי משה יהושע האגער (געב' י"ג סיון ה'תרע"ו), וויזשניצער רבי אין בני ברק.

• רבי מרדכי האגער, וויזשניצער רבי - מאנסי

• מרת חנה מרים סימא (מאניא) , בזיווג ראשון די ווייב פון רבי יהודה'לע הורוויץ פון דזשיקוב. בזיווג שני די ווייב פון רבי יהושע גרינוואלד פון חוסט. בזיווג שלישי די ווייב פון רבי יצחק יעקב ווייס, גאב"ד ירושלים.

• מרת הינדא, די ווייב פון הרב נפתלי חיים אדלער.
  • רבי ישראל אליעזר אדלער—רב פון די וויזשניצער חסידים אין רחובות און וויזשניץ-דזשיקוב רבי
  • מרת שיינא רחל (נפטר געווארן כ"ב טבת ה'תשס"ו), ווייב פון רבי שמואל בראזאווסקי, סלאנימער רבי
  • מרת מרים, בזיווג ראשון די ווייב פון הרב משה ווערנער, און בזיווג שני ווייב פון רבי מרדכי חעשין פון קאשוי.
  • רבי מרדכי אדלער, אב"ד "מנחה חדשה" אין בארא פארק (נפטר געווארן ט"ו אב ה'תשמ"ט).
• מרת שבע ברכה (נפ' כ"ו אייר תשס"ט), די ווייב פון רבי משה ערנסטער (כ"ד תשרי תרפ"ה - כ"ו טבת תשע"ג).
  • הרב וועלוול ערנסטער—רב פון קרית מאור חיים, ירושלים
  • הרב רבי מנחם ערנסטער, איידעם ביי זיין פעטער רבי משה יהושע האגער—וויזשניצער ראש ישיבה
  • הרב ישראל ערנסטער, איידעם ביי רבי יוסף קאליש, אמשינאווער רבי אין אמעריקע
  • מרת ריקל גיטל, די ווייב פון רבי ישראל אליעזר אדלער, דזשיקאווער רבי
  • הרב אליעזר ערנסטער, איידעם ביי הרב רבי אברהם דוד הורוויץ אב"ד שטראסבורג—רב פון קרית מאור חיים, צפת
• מרת צפורה, די ווייב פון הרב ישראל שלום יוסף פרידמאן (בן שלום) (נפ' ה' אייר תשע"ז), אן אייניקל פון הרב רבי משה יהודה לייב פרידמאן פון פאשקאן.

רעפערענצן

פריערדיגער: רבי ישראל האגער "אהבת ישראל"

וויזשניצער רבי תרצ"ז - תשל"ב "אמרי חיים"

נאָכפאלגער: רבי משה יהושע האגער (בני ברק) רבי מרדכי האגער (מאנסי)

דער ארטיקל בנוגע רבנים איז א שטומף. איר זענט געלאדנט עס צו פארברייטערן.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!