אונטערשייד צווישן ווערסיעס פון "רוי:דזשעי.די. ווענס"

'''דזשעימס דעיוויד ווענס''' (געבוירן אלס James Donald Bowman דעם 2טן אויגוסט, 1984) איז אן אמעריקאנער פאליטיקער וועלכער דינט יעצט אלס דער 50סטער [[וויצע פרעזידענט]] פון די פאראייניגטע שטאטן. ער איז א מיטגליד פון דער [[רעפובליקאנער פארטיי]]. פריער האט ער געדינט אלס א [[פאראייניגטע שטאטן סענאט|סענאטאר]] פון [[אהייא]] פון 2023 ביז 2025. ווענס איז געווארן ברייט באקאנט אלס דער מחבר פונעם בעסטסעלער מעמואר Hillbilly Elegy{{ר}} (2016), וואס באשרייבט זיין אויפציאונג אין א ארבעטער פאמיליע אין די "ראסט בעלט" און אפאלעטשיען געגנטן פון אהייא און [[קענטאקי]]. ער איז א געוועזענער [[יו.עס. מארין קארפס|מארין]], אן אדוואקאט און א אינוועסטירער. אין יולי 2024, האט פרעזידענט [[דאנאלד טראמפ]] אים אויסגעקליבן אלס זיין מיט-לויפער פאר די 2024 וואלן, וועלכע זיי האבן געוואונען.

ווענס איז געבוירן געווארן James Donald Bowman אין מידלטאון, אהייא. זיינע עלטערן זענען דאנאלד באומען און בעווערלי ווענס, מיט [[סקאטלאנד|סקאטיש]]-[[צפון אירלאנד|אירלאנד]]ישע ווארצלען. זיינע עלטערן האבן זיך גע'גט ווען ער איז געווען א קליין קינד. זיין מוטער האט זיך געראנגלט מיט דראגס און [[אלקאהאליזם|אלקאהאל]] לאנגע יארן. דזשעי. די. איז בעיקר אויפגעצויגן געווארן דורך זיינע מאמע'ס עלטערן, וועלכע האבן זיך אריבערגעצויגן קיין מידלטאון פון די [[אפאלעטשיען בערג|אפּאלעטשיען]] ראיאן אין מזרח קענטאקי. זיין מוטער האט שפעטער געטוישט זיין מיטל נאמען צו דעיוויד. ער האט עווענטועל אדאפטירט זיין מוטער'ס מיידל נאמען, ווענס, אלס זיין פאמיליע נאמען לכבוד זיינע זיידע און באבע. זיין פאמיליע איז געווען איינע פון פילע אין מידלטאון מיט אפאלעטשיען ווארצלען. זיינע זיידע און באבע זענען געווען [[דעמאקראטישע פארטיי|דעמאקראטן]], אויסער ווען זיין זיידע האט געשטימט פאר [[ראנאלד רעיגען]] אין 1984. ער האט גראדואירט פון מידלטאון היי סקול אין 2003.

גלייך נאכן גראדואירן פון היי סקול, האט ווענס זיך איינגעשריבן אין די אמעריקאנער מארינס קארפס. ער האט געדינט פון 2003 ביז 2007. ער האט געדינט אלס א קאמבאט קארעספּאנדענט אין דער [[איראקער קריג|איראק מלחמה]], אריינגערעכנט א זעקס-מאנאטן דעפּלאירונג אין דער פּובליק אנגעלעגנהייטן אפטיילונג אין איראק אין 2005, שרייבנדיג ארטיקלען און נעמענדיג בילדער אָן א אפיציעלער מיליטערישער ראלע. ער האט דערגרייכט געוויסע רייען און באקומען מעדאלן. ער גיט קרעדיט פאר די מארינס אז זיי האבן אים געלערנט דיסציפלין און פירערשאפט, און געהאלפן אויספארעמען זיין לעבן נאכן זיין דארט אין דינסט.

נאכן מיליטער האט ווענס באטייליגט די אהייא סטעיט אוניווערזיטעט, וואו ער האט באקומען א באטשעלאר דעגרי אין פּאליטישע וויסנשאפט און [[פילאזאפיע]] אין 2009. ער האט דערנאך שטודירט אין [[יעיל]] לאו סקול און באקומען זיין יוריס דאקטאר דעגרי אין 2013. אין יעיל איז ער געווען א רעדאקטאר פאר The Yale Law Journal און א פראפעסאר דארט, עימי טשואה, האט אים געגעבן די געדאנק צו שרייבן זיין מעמואר. נאכן גראדואירן האט ער געארבעט אין דער מולטינאציאנאלער געזעץ פירמע Sidley Austin LLP און געהאלטן פאזיציעס אין פארשידענע אינוועסטמענט פירמעס. ער האט זיך אריבערגעצויגן קיין סאן פראנסיסקא צו ארבעטן אין דער טעכנאלאגיע אינדוסטריע, וואו ער האט געדינט אלס א פארוואלטער אין דער ווענטשור קאפיטאל פירמע Mithril Capital, וועלכע געהערט צו פּיטער טיעל.

אין 2016 האט ווענס ארויסגעגעבן דעם מעמואר Hillbilly Elegy: A Memoir of a Family and Culture in Crisis. אין דעם בוך האט ער דעטאלירט זיינע איבערלעבענישן וואקסנדיג אין מידלטאון און זיינע זומערן באזוכנדיג פאמיליע אין קענטאקי. ער באשרייבט א טרויעריגע רעאליטעט פון ארעמקייט, דראגס, און געוואלד אין זיין געמיינדע, מיט ווייניג האפענונג פאר עקאנאמישער פארבעסערונג. ער געדענקט מיט ליבשאפט זיין באבע, "מאמאוו", וועלכע האט אים געגעבן סטאביליטעט און אים אויפגעמונטערט צו איבערקומען זיינע שווערע אומשטענדן. דאס בוך איז געווארן א בעסטסעלער (איבער 3 מיליאן קאפיעס פארקויפט) און האט אנגעצויגן באדייטנדע מעדיע אויפמערקזאמקייט ביי די 2016 פרעזידענטליכע וואלן. פילע קריטיקער האבן געלויבט ווענס אז ער האט געגעבן אן איינבליק אין דאס לעבן פון די ארבעטער-קלאס ווייסע אמעריקאנער. א [[פילם]] אדאפטאציע פון בוך, [[רעזשיסאר|רעזשיסירט]] דורך ראן האווארד, איז ארויסגעגעבן געווארן אויף [[נעטפליקס]] אין 2020. דאס בוך האט געוואונען די Audie Award for Nonfiction אין 2017.

ביי זיין צייט אין סענאט, האט ווענס אפגעשפיגלט מאגא טאלקינג פונקטן. ער האט אויך מיטגעשטיצט ביי-פּארטייאישע געזעצן. ער האט זיך געקריגט מיט רעפּובליקאנער ווי [[מיט ראמני]] און [[מיטש מעקאנעל]] איבער אנגעלעגנהייטן ווי אמעריקאנער הילף פאר [[אוקראינע]], צו וועלכער ער איז דערקעגן. אלס סענאטאר איז ער געווארן א שטארקער פארטיידיגער פון טראמפ און א וויכטיגע פיגור אין דער "נייער רעכטס", וועלכער שטיפּט פאר א מער איזאָלאַציאניסטישער און קולטורעל קאנסערוואטיווער רעפובליקאנער פארטיי.

'''אלגעמיינע אויסערן פאליסי:''' ער שטיצט אן איזאלאציאניסטישע צוגאנג צו אויסערן פאליסי{{הערה|https://jdvance.com/issues/}}. ער איז שטארק אנטקעגן דער מלחמה אין איראק און פרעמדע מיליטערישע אינוואלוומענט אין אלגעמיין. ער האט געזאגט אז אין 2003 האט ער געמאכט א טעות ווען ער האט געשטיצט די איראק מלחמה. ער וויל אז די ישראלים און סונישע מדינות זאלן פּאליצייען זייער אייגענע ראיאן, די אייראפעער זייערע, און אמעריקע זאל זיך מער פאקוסירן אויף מזרח אזיע{{הערה|שם=HILL}}.

קעגנערס טענה'ן אז ווענס פארשפרייט אנטיסעמיטיזם און ראסיזם, ציענדיג אויף דער "גרויסער אויסטויש טעאריע" (great replacement theory). ער האט געווארנט פון א "אימיגראנטן אינוואזיע" און באשולדיגט דעמאקראטן אין פרובירן צו "פארוואנדלען די וויילערשאפט"{{הערה|{{לינק|אדרעס=https://www.pbs.org/newshour/politics/republican-senate-candidates-promote-replacement-theory|קעפל=Republican Senate candidates promote ‘replacement’ theory|זייטל=PBS|דאטום=May 17, 2022}}}}. ער לויבט פיגורן ווי [[וויקטאר ארבאן]]{{לינק|שרייבער=Kaia Hubbard|קעפל=Hungary's far-right PM Viktor Orbán has made "some smart decisions," Sen. JD Vance says|זייטל=CBS News|דאטום=מאי 19, 2024|אדרעס=https://www.cbsnews.com/news/jd-vance-viktor-orban-smart-decisions-face-the-nation/}}. ער גלויבט אז עס איז "ריזענעבל" צו רופן אמעריקאנער אידישע ביידען-וויילער "אומגעטריי"{{הערה|{{לינק|שרייבער=Lauren Sforza|קעפל=The Hill|זייטל=The Hill|דאטום=מאי 12, 2024|אדרעס=https://thehill.com/homenews/campaign/4658944-jd-vance-defends-trump-from-question-about-antisemitism/}}}}. ער האט זיך אנטזאגט צו פארדאמען טאקער קארלסאן פאר'ן לויבן א האלאקאוסט רעוויזיאניסט{{הערה|{{לינק|שרייבער=Jonathan Weisman|קעפל=JD Vance Declines to Denounce Tucker Carlson After Interview With Holocaust Revisionist|זייטל=The New York Times|דאטום=סעפטעמבער 6, 2024|אדרעס=https://www.nytimes.com/2024/09/06/us/politics/jd-vance-tucker-carlson-darryl-cooper.html}}}}. ער האט געזאגט אז רעפּ. מארדזשארי טעילאר גרין האט "נישט געטון גארנישט שלעכט" אין באווייזן זיך ביי א ווייסע נאציאנאליסטישע קאנפערענץ{{הערה|{{לינק|שרייבער=Brigid Kennedy|קעפל=JD Vance says Marjorie Taylor Greene did 'nothing wrong' in appearing at white nationalist conference|זייטל=The Week|דאטום=מערץ 29, 2022|אדרעס=https://theweek.com/marjorie-taylor-greene/1011893/jd-vance-says-marjorie-taylor-greene-did-nothing-wrong-in-appearing}}}}.

===סאציאלע ענינים===

ווענס'ס סאציאלע בליקן זענען קאנסערוואטיוו. ער איז אנטקעגן אבורט, און האט גערופן "ענדיגן אבורט". ווען מען האט אים געפרעגט צי ער שטיצט אבורט ביי פאלן פון רעיפּ אדער אינצעסט, האט ער געזאגט אין 2021: "צוויי אומרעכטן מאכן נישט א רעכט". ער שטיצט אז די שטאַטן זאלן קענען געזעצן געבן איבער דעם ענין.

ער איז אנטקעגן געווען דעם "רעספּעקט פאַר מערידזש אַקט," ווייל עס האט פארלאנגט די פעדעראלע רעגירונג און אלע שטאַטן אנצוקענען די גילטיגקייט פון איינגעשלעכטליכע הייראטן. שפעטער האט ער קלארגעשטעלט זיין מיינונג אז ער גלויבט אז הייראט איז צווישן א מאן און א פרוי, אבער אז "געי הייראטן זענען נישט קיין רעלעוואנטע טעמע יעצט. איך בין נישט איינער פון די וואס זוכן צו נעמען מענטשן'ס פאמיליעס און זיי צורייסן". ער איז שטארק אנטקעגן געשלעכט איבערבייט באהאנדלונג פאר קטינים. ער האט איינגעפירט א געזעץ וואס וואלט געמאכט אזעלכע באהאנדלונג א פעדעראלער פארברעכן און בלאקירן דאס באנוץ פון שטייערצאהלער געלטער דערפאר. ער האט דערקלערט אז "אונטער קיינע אומשטענדן טאר מען נישט דערלויבן דאקטוירים דורכצופירן די שרעקליכע און אומאומקערליכע אפעראציעס אויף קליינע קינדער". ביי א נאציאנאלן קאנסערוואטיזם קאנפערענץ אין 2021, האט ווענס געהאלטן אז פּאָרנאָגראַפיע רעדוצירט די צאל פון הייראטן און געבורטן אין די פאראייניגטע שטאטן. אין אן אינטערוויו אין אויגוסט 2021, האט ער געזאגט אז ער שטיצט צו פארבאטן פּאָרנאָגראַפיע.

אין א רעדע אין 2021, האט ווענס באשולדיגט די "קינדערלאָזע לינקע" פאר די פראבלעמען פון די פאראייניגטע שטאטן אין דעם געבורטס-ראטע געביט. ער האט געלויבט דעם פרעמיער מיניסטער פון אונגארן, וויקטאר אָרבאן, פאר'ן מוטיגן פארכייראטע פארלעך צו האבן אסאך קינדער. ער האט געטענה'ט אז עלטערן זאלן האבן א גרעסערע איינפלוס אין דעם דעמאקראטישן פראצעס ווי מענטשן וואס זענען נישט קיין עלטערן. ער האט געטענה'ט אז די ראטעס פון היימישע געוואלד האבן "ארויפגעשאסן" אין די לעצטע יארן צוליב וואס ער האט אנגערופן "די מלחמה פון מאדערנער געזעלשאפט אויף פאמיליעס," כאטש סטאטיסטיק ווייזן אז די ראטעס זענען געפאלן. אין א קאנטראווערסיאלער סטעיטמענט, האט ער דערקלערט אז "אויב עלטערן האבן ליב זייערע קינדער, וועלן זיי בלייבן פארכייראט, אפילו ווען עס איז א געוואלדטאטיגער ציוויליזאציע". שפעטער האט ער געזאגט אז זיינע ווערטער זענען ארויסגענומען געווארן פון קאנטעקסט. ער האט אויך באקומען קריטיק פאר זיינע באמערקונגען קעגן איינצעלנע פרויען אן קינדער.

ווענס שטיצט וואל-אונטערדריקונג געזעצן (בליק פון קריטיקירער), אריינגערעכנט "וויילער אי.די., סיגנאטור וועריפיקאציע אויף אבסענטי בעלאטן, און א סוף צו מאַסן-פּאָסט-אין וואלן". וועגן דעם 6טן יאנואר 2021, האט ווענס געזאגט אז אויב ער וואלט געווען וויצע פרעזידענט, וואלט ער געזאגט צו די שטאַטן מיט פראבלעמען ווי פענסילוועניע און דזשארדזשיע אז מען דארף האבן עטליכע ליסטעס פון עלעקטארס, און אז קאנגרעס זאל דערויף קעמפן. ער האט דאס גערופן די "לעגיטימע וועג צו האנדלען מיט א וואלן וואס א סך מענטשן, אריינגערעכנט מיך, האלטן אז עס האט געהאט א סך פראבלעמען אין 2020". ער האט פארקלענערט די געוואלד ביי 6טן יאנואר, זאגנדיג אז "א סך מענטשן אין דער דעמאקראטישער פארטיי פירן זיך אויף ווי אויב 6טן יאנואר איז געווען די שרעקליכסטע מאמענט פון זייער לעבן… קוק, יאנואר 6 איז געווען א שלעכטער טאג. עס איז געווען א רייאט. אבער דער געדאנק אז דאנאלד טראמפ האט געפערליך געמאכט א יעדנס לעבן ווען ער האט זיי געהייסן פראטעסטירן פרידליך, איז פשוט אומזיניג".

ווענס איז געהייראט זינט 2014 צו אושא טשילוקורי-ווענס, א טאכטער פון פראפעסארן געבוירן אין אינדיע. זי האט געארבעט פאר טשיף דזשאסטיס יוחנן ראבערטס און פאר ריכטער ברעט קעווענא אין וואשינגטאן, כאטש אירע קאלעגען האבן זי באצייכנט אלס א ליבעראלע אדער מאדעראטע. זיי האבן דריי קינדער: זין עווּען (געב' 2017) און וויוועק (געב' 2020), און טאכטער מאריבעל (געב' 2021). ווענס איז אויפגעוואקסן אין די עוואַנגעלישע פּראָטעסטאַנטישע צווייג פון קריסטנטום. אין סעפטעמבער 2016 האט ער געזאגט אז ער "טראכט ערנסט וועגן קאנווערטירן צו קאטאליציזם". אין אויגוסט 2019 איז ער געווארן באפטריזירט אלס א קאטאליק אין א צערעמאניע אין א קירכע אין סינסינעטי, אוהייאו.