אונטערשייד צווישן ווערסיעס פון "רוי:רבי ישראל איסרלין"

'''רבי ישראל איסרליין''' (ב"ר פתחיה אשכנזי; אויך באקאנט ווי '''מהרא"י''', ר' ישראל פון נוישטאט, ר' ישראל פון מארפורק{{הערה|שם=ווייל161}}, און דער "בעל '''תרומת הדשן'''"; בערך ה'ק"נ–ה'ר"כ) איז געווען איינער פון די גרעסטע רבנים און פוסקים פון אשכנזישן אידנטום אין פופצנטן יארהונדערט. ער ווערט באטראכט ווי איינער פון די לעצטע ראשונים אדער די ערשטע אחרונים, און זיינע פסקים ווערן טויזנטער מאל דערמאנט אין דער תורה־ליטעראטור נאך אים.

רבי ישראל איסרליין איז געבוירן בערך ה'ק"נ אדער עטוואס שפעטער. איסרליין איז די [[דימינוטיוו]] פארעם פון איסר, א כינוי פונעם נאמען ישראל. זיין געבורטס־ארט איז אדער [[רעגנסבורג]] אין בייערן, אדער [[מארבורג]], דוקאט פון שטייערמארק (היינט אין [[סלאוועניע]]){{הערה|זעט איידלבערג, 39.}}.

ער איז געקומען פון א באקאנטער למדנישער פאמיליע זיין פאטער איז געווען ר' פתחיה פון מארבורג, וועלכער איז געווען א זון פון רבי חיים, גערופן הענשל פון היינבורג, א זון פון [[רבי ישראל פון קרעמס]], דער מחבר פון "הגהות אשרי"{{הערה|ביאורי מהרא"י אויף [https://tashma.jewishoffice.co.il/books/learn/1086/ביאורי_מהרא%22י/בראשית/מח/יד בראשית מח, יד].}}. נאך זיין פאטער'ס פריצייטיגן פטירה אין רעגנסבורג, איז ער אריבער מיט זיין מוטער קיין [[וויענער ניישטאט|ווינער נוישטאדט]], וואו זיין פעטער [[רבי אהרן פון ניישטאט|רבי אהרן פּלומעל (בלומליין)]] הי"ד האט אים מחנך געווען אין זיין ישיבה{{הערה|שם=יודאיקע}}{{הערה|זעט {{אקדמיה|ישראל י. יובל|חכמים בדורם: המנהיגות הרוחנית של יהודי גרמניה בשלהי ימי הביניים|7968706}}, תשמ"ט, ז' 62.}}. ר' איסרלין האט אויך געלערנט ביי רבי נתן פון איגר {{העב|רבי נתן איגרא}}, וואס איז אויך באקאנט געווען אלס אַן אויסגעצייכנטער למדן{{הערה|Krauss, ''Die Wiener Geserah''; איידלבערג, 40. ר' נתן איז דערמאנט אין פסקים וכתבים, [https://www.sefaria.org.il/Terumat_HaDeshen%2C_Part_II.161 סי' קסא] און רנז. זעט יעקב פריימאנן, [https://hebrewbooks.org/pdfpager.aspx?req=49439&st=&pgnum=44 מבוא צו לקט יושר], עמ' XLVI.}}.

אין יאר ק"פ האבן זיך אנגעהויבן ברוטאלע פארפאלגונגען פון אידן אין עסטרייך, וואס האבן געפירט צו דער [[ווינער גזירה]] אין ט' ניסן קפ"א. די גזירה האט געקאסט דאס לעבן פון רבי ישראל איסרלן'ס מוטער און זיין פעטער און הויפּט לערער, ר' אהרן בלומליין. רבי איסרלין, פיללייכט אַן עדות צו א טייל פון די געשעענישן, האט אפט מאל דערציילט זיינע עלטערע תלמידים וועגן דער קאטאסטראפע, ספּעציעל אין תשעה באב{{הערה|לקט יושר [https://www.sefaria.org.il/Leket_Yosher%2C_Volume_I_(Orach_Chayim).112.3 א, 112].}}.

נאך דער גזירה, האט ר' איסרלן ווארשיינליך געפליכטעט פאר א צייט פון עסטרייך קיין איטאליע{{הערה|שם=קאווע|{{לינק|שרייבער=Dr. Tamar Ron Marvin|קעפל=Coffee with Terumat ha-Deshen|זייטל=Stories from Jewish History|דאטום=יוני 25, 2025|אדרעס=https://trmarvin.substack.com/p/coffee-with-terumat-ha-deshen}}|כיוון=שמאל}}. שפּעטער האט ער זיך באזעצט אין [[מארבורג]], שטייערמארק, וואו ער האט אנגעהויבן דינען אלס רב אינעם ארטיגן וויכטיגער קהילה{{הערה|בערלינער, 179; איידלבערג, 40.}}. מער ווי צוויי יארצענדלינג שפעטער, אין אדער פאר 1445, האט ער זיך אומגעקערט קיין [[וויענער ניישטאט|ווינער־נוישטאט]], נידעריגע עסטרייך, וואו ער איז געבליבן פאר דער רעשט פון זיין לעבן. מיט זיין פטירה אין ה'ר"כ, איז פארשלאסן געווארן א צייט פון רייכן אידישן גייסטיגן און רעליגיעזן לעבן אין עסטרייך. נאך זיין פטירה זענען די תורה-צענטערס אין עסטרייך אונטערגעגאנגען און זיך גערוקט מזרח'דיג – קיין בעהמען, אונגארן און פוילן{{הערה|איידלבערג, 9, 38.}}.

אין ווינער נוישטאַדט איז רבי ישראל איסרלין באשטימט געווארן אלס רב און אב בית דין פון דער שטאָט און אומגעגנט. אדאנק זיין אקטיוויטעט איז די שטאט געווארן א צענטער פון תורה אין עסטרייך, און ער האט געצויגן פילע הונדערטער דארשטיגע תלמידים פון א ברייטן ספעקטרום פון מקומות, אריינגערעכנט עסטרייך, [[באהעמיע]], [[מאראוויע]], [[אונגארן]], [[שלעזיע]], [[בייערן]] און [[ריינלאנד]]; פיל פון זיי זענען שפּעטער געווארן פראמינענטע רבנים אין פארשידענע קהילות. צווישן זיינע באקאנטע תלמידים זענען [[רבי יוסף ב"ר משה]] פון העכשטאדט (ר' יאסליין עסטרייכער, מחבר פון "לקט יושר"), און די בארימטע פּערזענליכקייטן [[רבי ישראל ברונא]] און [[רבי משה מינץ]], וועלכער האט באקומען סמיכה פון ר' איסרליין{{הערה|לקט יושר [https://www.sefaria.org.il/Leket_Yosher%2C_Volume_II_(Yoreh_De'ah).38.1 ב, 37].}}. ער האט געפירט א ישיבה סיי אין מארבורג און שפּעטער אין נוישטאדט{{הערה|שם=וויקי|ענגליש וויקיפעדיע.}}{{מקור}}.