אונטערשייד צווישן ווערסיעס פון "רוי:מיהאלאוויץ"

'''מיכאַלאָווצע'''{{הערה|מיכאַלאָװיטש, מיהאַלאָװיץ, מיהאַליװיץ, מיהאַלװיץ, מיהאַלעװיץ, מיהאלעוויטץ, מיהאַלעװיטש, מהאַליװיץ, מיהאַלאָװצע. בערל כהן, ספר הפרענומעראנטן, ז' 168}} (אונגאריש: Nagymihály, נאָדימיהאַלי; דייטש: Grossmichel) איז א שטאָט אין צפון־מזרח סלאוואקיי. פריער איז זי געווען אין דער קעניגרייך פון אונגארן, און שפּעטער א טייל פון טשעכאסלאוואקיי, די אויטאנאָמע סלאוואקישע רעפובליק, און ווידער טשעכאסלאוואקיי איידער זי איז געווארן א טייל פון דער היינטיקער סלאוואקיי. מיכאלאווצע איז דער הויפּטשטאט פונעם מיכאלאווצע דיסטריקט. די אידישע קהילה אין מיכאלאווצע האָט געהאט א רייכע געשיכטע ביז איר צעשטערונג דורך די נאציס און זייערע מיטארבעטער בשעת דעם חורבן. די שטאָט איז באוואוסט אין דער אידישער געשיכטע פאר דעם קאנווענץ פון ארטאדאקסישע רבנים פון גרעסערן אונגארן אין תרכ"ה.

אויף 25סטן מאַרץ 1942 זענען 120 אידישע מיהאלאוויצע מיידלעך דעפּארטירט געווארן קיין אוישוויץ דורך פּאָפּראַד. אין אנהייב אפריל, זענען 100 יונגע מענער געשיקט געווארן צום מאידאנעק קאנצענטראציע לאגער דורך זשילינא. אין אנהייב מאי 1942, זענען בערך 3,100 אידן דעפּארטירט געווארן אין לובלין דיסטריקט פון פּוילן. אריינגערעכנט זענען כמעט צוויי-דריטל געשיקט געווארן צום לוקאָוו געטא וואו מערסטנס זענען אומגעקומען{{הערה|שם=קהילה}}. (א ליסטע פון אידן פון מיכאַלאָווצע און איר סביבה וואָס זענען דעפּארטירט געווארן קיין לובלין געגנט דעם 5טן יוני 1942, איז פארהאן ביי יד ושם{{הערה|1=[https://collections.yadvashem.org/en/documents/8984417 List of Jews from Michalovce and settlements in the Michalovce vicinity deported to the Lublin region, 06/05/1942]}}).

נאכן חורבן זענען געבליבן בלויז עטליכע הונדערט נפשות לעבן "ווי דורך א נס".