אונטערשייד צווישן ווערסיעס פון "רוי:פורים פראנקפורט"

אין יאר [[ה'שע"ב]] האט זיך פארמירט א נייע מלוכה אין דייטשלאנד. איידער זיי האבן איינגעשטעלט דעם נייעם קעניגרייך, האבן זיי פלאנירט א גרויסן באל, וואס האט געזאלט פארקומען אינעם דאן-הויפטשטאט פראנקפורט, וואו מען וועט אין א טראדיציאנעלן צערעמאניע קרוינען דעם נייעם קייזער אטיאס צו זיין טראן.

אין צוגרייטונג צום גרויסארטיגן באל האט די קעניגליכע קאמיסיע באשטעלט א ריזיגן קוואנטום ברויט און קיכן ביי די ארטיגע אידישע בעקערייען, וואס זיי האבן געזאלט באקן אין פארברייטונג צום באל.

דער אידן-פיינט ווינס האנץ האט יעצט געטראפן א געלעגנהייט צו באקריוודען דאס גאנצע אידישע קהילה. זייענדיג דער אפיציעלער אויפזעער פון אלע בעקערייען אין שטאט, האט ער א טאג פאר דעם געפלאנטן באל ארויס געגעבן אין געהיים א באפעל צו פארשליסן אלע בעקערייען אין די געגנט ביז נאך דער באל, צווינגענדיג צו פארשליסן די אידישע בעקערייען וואס האבן געזאלט באקן פאר דעם באל, אזוי אז עס איז אין יענעם טאג נישט ארויס געגעבן געווארן קיין שום געבאקענע פראדוקטן פאר דעם געפלאנטן ארטיגן באל.

גראד זענען די גוים אויפגעשפרונגען, באשולדיגנדיג אלע אידן אין פארראט צום קעניגרייך, און דערמיט אויפגעהעצט די אלגעמיינע באפעלקערונג אז די אידישע געשעפטן האבן זיך אנגעבליך אפגעזאגט פון צושטעלן די דערמאנטע געבעקס פאר'ן ארטיגן באל, פארשעמענדיג די קעניגליכע טראדיציע. זיי האבן באשלאסן צו פארטרייבן אלע אידישע איינוואוינער פון די געגנט, בויקאטירן זייער געלט און זיך צוטיילן מיט די פארבליבענע אידישע פארמעגנס. (אינעם ספר "כח יהודה" פון [[רבי יהודה יוסף בינגא]] דרוקט ער אויס וואונדער איבער דעם געוואלדיגן נס, אז אנשטאט חלילה פארטיליגן און אומברענגען דעם גאנצן קהילה וואס וואלט געווען גאר טראגיש, האבן זיי באשלאסן ענדערש צו פארטרייבן דאס גאנצע קהילה און בויקאטירן די פארמעגנס).