אונטערשייד צווישן ווערסיעס פון "רוי:ירוחם בלינדמאן"

ער איז געווען באוואוסט פאר זיין זיסן לירישן טענאר שטימע און זיין אייגנארטיגן שניט פון חזנות, וואס האט אריינגענומען עלעמענטן פון סיי דער מזרח-אייראפעאישער און סיי דער מערב-אייראפעאישער סטיל. ער איז באזונדער באוואוסט געווען מיט זיין "זאגן" - דער פרייער, שטימונגספולער סטיל פון חזנות. זיין פרומער אויסזען מיט דעם לאנגן ווייסן בארד, און זיין גרויסע קינסטליכקייט אין אימפראוויזאציע, האט פאסצינירט דעם עולם.

ר' ירוחם איז אויפגענומען געווארן אלס חזן אין א רייע שטעט, אריינגערעכנט פאלטאווע, טארנאפאל, קעשענעוו. אין יאר תרכ"א איז ער אריבער קיין [[בארדיטשוב]], וואו ער האט געדינט אלס חזן אין דער גרויסער שטאטישער שול ביז צו זיין פטירה, לויט א ספּעציעלן קאנטראקט וואס האט אים פארזיכערט די פאזיציע אלס חזן "פאר אלע זיינע לעבנס-טעג". ער האט אליין דיריגירט זיין כאָר און אפילו קריסטן פלעגן באוואונדערן זיין דאווענען און זינגען{{הערה|{{אוצר החכמה|2=חזנות|3=642110|page=46|מקום הוצאה=ניו יארק|שנת הוצאה=1937|מו"ל=אגודת החזנים דארצות הברית וקנדה|עמ=46}}}}. ער האט אויפגעטראטן מיט זיין כאָר איבער גאנץ רוסלאנד און עסטרייך. ער איז געשטארבן אין בארדיטשוב אין הויכן עלטער פון 93 יאר.

ער איז געווען דער "רבי" פאר אסאך בארימטע חזנים פון קומענדיגן דור, אריינגערעכנט [[ברוך שור]] און [[יעקב באכמאן]]. אויך [[ניסן ספיוואק|ניסקע בעלזער]], זיין בארימטער קאנקורענט (וועלכער איז אויך געווארן זיין צוגעקומענער פלימעניק), האט זיך געלערנט ביי ר' ירוחם אין בארדיטשוב.

כאטש ער האט בלויז געהאט עלעמענטארע מוזיקאלישע בילדונג, האבן אבער זיינע אייגענע מעלאדיעס, קאמפּאזירט אויף שטיקלעך דאווענען, אים געברענגט א רעפּוטאציע אלס א קאמפּאזיטאר פון שול נגינה, און פילע פון זיי זענען געבליבן באליבט ביי אידן פאר דורות, אריינגערעכנט "לכו נרננה", "המצא לנו", "ומפני חטאינו", "אהבה רבה", "וביום שמחתכם", "לדור ודור", "ובכן יתקדש", "ברכת ספירה", "רבש"ע", "פנה לעלבון" און "קולי שמע".