אונטערשייד צווישן ווערסיעס פון "רבי חיים ראבינאוויטש"

'''רבי רפאל חיים יחיאל ראבינאוויטש''' (געבוירן [[י"ח אב]] [[ה'תרצ"ח]]) איז דער היינטיגער רבי און מנהיג פון קהל [[משכנות הרועים]], פון די פירנדיגע אדמו"רים אין די קהילות היישוב הישן און די [[עדה החרדית]].

רבי חיים איז געבוירן [[י"ח אב]] [[ה'תרצ"ח]] אין [[ירושלים]], אן עלטסטער זון פון [[רבי בנימין ראבינאוויטש]], דיין אין בית דין פון העדה החרדית און מייסד פון קהל משכנות הרועים, און רוחמה ליבא. אלס אינגל האט ער זיך מסתופף געווען ביי [[רבי שלמה גאלדמאן|רבי שלמ'קע זוועהילער]]. אלס בחור האט ער באקומען [[סמיכה]] פון [[רבי דוב בעריש וויידנפעלד]], דער [[טשעבין]]'ער רב, און פון [[רבי יהושע מנחם עהרנבערג]]. אין זיין יוגנט האט ער זיך געדרייט ביי עטליכע צדיקי הדור, צווישן זיי: [[רבי ישראל פרידמאן (לייפציג)|רבי ישראל פרידמאן]] פון [[באיאן (חסידות)|באיאן]]-[[לייפציג]]; [[רבי מרדכי שלמה פרידמאן]] פון באיאן; [[רבי אברהם יהושע העשיל טווערסקי]] פון מאכניווקא; [[רבי ישראל פרידמאן (הוסיאטין)|רבי ישראל פרידמאן]] פון [[הוסיאטין]]; [[רבי יצחק פרידמאן (באהוש) (ב)|רבי יצחק פרידמאן]] פון [[באהוש]] און [[רבי מרדכי שלום יוסף פרידמאן]] פון [[סאדיגורא]].

ער האט חתונה געהאט מיט די טאכטער פון רבי אפרים פישל גרובער, ראש ישיבת [[שומרי אמונים]], א תלמיד פון [[רבי מנחם בראדי]], דער קאלובער רב.

דער רבי איז באקאנט מיט זיין קעגנערשפאט צו גזירות הדת פון די מדינת ישראל רעגירונג, צווישן זיי די אריבערגאנג פון די לייכטע באן אויף בר-אילן גאס אין ירושלים<ref>[[העדה (צייטונג)|העדה צייטונג]] פרשת אחרי תשפ"ד</ref>, חיטוטי שכבי, חילולי שבת, און גזירת גיוס בנים ובנות{{מקור}}. בפרט נאכ'ן הסתלקות פון [[רבי יצחק טוביה ווייס]], דער ירושלימ'ער רב, ווערט דער רבי פארעכנט אלס איינע פון די פירנדיגע מנהיגים אינערהאלב די העדה החרדית{{מקור}}. ער איז אויך געווען פון די אוסרים צו גראבן אין די גולובנציץ שטח{{מקור}}

*{{אוצר החכמה|[[העדה (צייטונג)|העדה צייטונג]]|רועה נאמן|194023}}