אונטערשייד צווישן ווערסיעס פון "רבי יהושע בן חנניה"

== יוגנט ==

רבי יהושע איז געבוירן געווארן סוף ימי בית שני. דורכאויס אירע שוואנגער־טעג מיט אים פלעגט זיין מאמע ארומגיין אין אלע בתי מדרשות{{ביאור|פארהאן וואס זענען גורס אין רש"י "על '''כד''' (24) בתי מדרשות שבעיר"{{הערה|רבינו בחיי ו[https://shitufta.org.il/Magen_Avot/2?selectedunittext=8 רשב"ץ], און אזוי איז אין די ערשטע דרוקן פון רש"י}}.}} אין שטאט בעטן די חכמים מתפלל צו זיין אז איר קינד זאל זיין א חכם{{הערה|שם=אשרי יולדתו|רש"י און {{משנה|אבות|ב|ח|מפרש=ברטנורא}}}}, און נאך זיין געבורט האט זיין מוטער געפירט זיין בעטל צום בית המדרש אז זיינע אויערן זאלן זיך אנקלעבן מיט דברי תורה{{הערה|{{ירושלמי|יבמות|א|ו|ח|ב}}}}. ווען ער איז אויפגעוואקסן פלעגט מען זאגן אויף אים "וואויל איז דער וואס האט אים געבוירן", זייענדיג מרמז אויף אירע מעשים{{הערה|שם=אשרי יולדתו}}. אלס קינד האט ער אויסגעטייטשט די [[אלף בית]] אויפ'ן ארט פונעם בית הוועד{{הערה|{{מדרש רבה|בראשית|א|יא}}; {{ירושלמי|מגילה|א|ט}}.}}.

רבי יהושע איז געווען א [[שבט לוי|לוי]], און איז נאך געווען פון די [[שירת הלויים|משוררים]] אין בית המקדש{{הערה|{{בבלי|ערכין|יא|ב}}: ווען רבי יהושע האט אמאל געוואלט העלפן [[רבי יוחנן בן גודגדא]] מיטן פארמאכן די טויערן אין בית המקדש, האט אים רבי יוחנן געזאגט: "מיין זון, גיי צוריק, ווייל דו ביסט פון די משוררים און נישט פון די וואס עפענען די טויערן"; {{ספרי|1=קרח|4=קטז}}}}. [[רבן גמליאל פון יבנה|רבן גמליאל]] פלעגט אים געבן זיין [[מעשר ראשון]]{{הערה|{{בבלי|קידושין|כז|א}}, און רש"י דארט}}. רבי יהושע שילדערט אין אן ארט דער פולער סדר היום וועלכע ער האט בייגעוואוינט אין בית המקדש ביי [[שמחת בית השואבה]], ווי זיי זענען בכלל נישט געשלאפן{{הערה|{{בבלי|סוכה|נג|א}}}}.

==רבי'ס==

ווען רבן יוחנן האט אויסגערעכנט די שבחים פון זיינע גרעסטע תלמידים האט ער אויף רבי יהושע געזאגט "אשרי יולדתו"{{הערה|{{משנה|אבות|ב|ח}}}}, אז ער האט אזאנע מידות טובות, אז אלע זאגן "וואויל איז דער וואס האט אים געבוירן"{{הערה|רמב"ם, רע"ב}}. אויך האט ער גע'דרש'נט אויף אים דעם פסוק{{הערה|{{תנ"ך|קהלת|ד|יב}}}}: "{{מנוקד|הַחוּט הַמְשֻׁלָּשׁ לֹא בִמְהֵרָה יִנָּתֵק}}", אז ער באהאוונטקייט אין מקרא, משנה, און דרך ארץ, אדער אז ער איז דער דריטער דור פון תלמידי חכמים{{הערה|שם=אדרנ|{{מסכת קטנה|אבות דרבי נתן|יד|ג}}}}{{הערה|דארט=אדרנ|פירוש מגן אברהם פון רבי יום-טוב צהלון און בן אברהם אויף אבות דרבי נתן, דארט.}}.