רוי:רבי ישכר דוב רוקח (מאכניווקא)

הרב ישכר דוב רוקח (געב' כ"ג חשוון תשל"ג) איז אן עסקן און דער עלטסטער זון פון רבי יהושע רוקח, דער מאכניווקא-בעלזא רבי פון בני ברק.

לעבענסגעשיכטע

רבי ישכר דוב איז געבוירן געווארן אין כ"ג חשוון תשל"ג צו זיינע עלטערן יהושע רוקח, דער היינטיגער מאכניווקע־בעלזער רבי פון בני ברק, און מרת חיה גיטל, טאכטער פון רבי שלום מיכאלאוויטש פון בראדוויל. ער הייסט נאך זיין עלטער-עלטער-זיידע ישכר דוב רוקח, וועלכער איז געווען מער באקאנט צווישן די בעלזער חסידים מיט'ן נאמען "דער פריערדיגער רב". אין זיין קינדהייט האט ער געלערנט אין דעם בעלזער חדר אין בני ברק, און אלס בחור האט ער געלערנט אין דער בעלזער ישיבה קטנה וואס געפינט זיך אין לאנדאן, און נאכהער אין דער ישיבה פון הרב אטיק אין ירושלים.

י"ח מנחם-אב ה'תשנ"א, האט ער געהייראט זיין ווייב מרת שרה לאה, טאכטער פון רבי אברהם לעמבערגער, דער פריערדיגער מאקאווער רב אין בני ברק. דאס פארפאלק האט צוזאמען פערצן קינדער. צו דער חתונה וואס איז געפייערט געווארן אויף א ברייטן פארנעם, און וואס איז פארגעקומען אין דעם "מודיעין" חתונה זאל אין רמת גן, איז דער בעלזער רב, ישכר דוב רוקח געקומען צו פארן, ווי אויך צו א שבע ברכות וואס איז אפגעראכטן געווארן אין דער מאכניווקע־בעלזער ישיבה אויף השל"ה גאס, אין בני ברק.

רבי ישכר דוב קאמבינירט צוזאמען אין זיין פערזענליכקייט תורה און וואוילטעטיגקייטן. ער איז באקאנט אלס א מרביץ תורה שוין יארן לאנג און לערנט פאר שיעורים. צווישן די אנדערע לערנט ער פאר שיעורים אין מאקאווער בית מדרש אין בני ברק. איין אויפפאלענדע אקטיוויטעט פון אומצאליגע, איז געוועזען די גרינדונג און גרונטליכע אויפשטעלונג פונעם חסד באטריב "עזרת נישואין" וואס געהערט צום מאכניווקע־בעלזא חסידות. עס קלאפן אן כסדר אויף זיין שטוב'ס טיר צעבראכענע מיטגעמאכט מענטשען מיט פארשידענע שוועריגקייטן, סיי רוחניות'דיגע און סיי מאטעריאלישע, צו וועלכע ער העלפט מיט אן אויסטערלישער מסירות נפש און געטריישאפט. די טיר איז אייביג אפן, און אום שבת קודש ס'קומען צו אים פילע געסט, וועלכע ער דערנערט און פויעט. ער געבט אויך באהאלטענערהייט גרויסע געלטער פאר נויטבאדערפטיגע.

אין מאכניווקא בעלזא ווערט ער אויסגערעכנט אלס "דער קראפט וואס רודערט אויף דאס מאכניווקא בעלזא חסידות אין די לעצטע יארן. געלעגנטליך, פירט ער דורך אויך פארשידענע מגביות און צדקה פאראנשטאלטונגען אין נוץ פון דער מוסדות מיט אן אויסערגעווענליכער איבערגעגעבנקייט. דערצו, דינט ער אויך אלס ראש "כולל ערב" פון מאכניווקא בעלזא וואס איז פלאצירט אינעם גרויסן מאכניווקער בעלזא בית מדרש אויף דער רש"י גאס.

קינדער

• הרב משה, האט געהייראט מרת רעכיל, טאכטער פון זיין פעטער הרב יוסף מאיר מאסקאוויטש.
• מרת חוה רחל, ווייב פון הרב יהודה זאב טווערסקי, זון פון הרב נחמן יוסף זון פון הרב נחומטשע זון פון הרב יוחנן פון ראחמיסטריווקע.
• מרת נחמה פעסיל, ווייב פון הרב חנניה יום טוב ליפא רוקח, זון פון איר פעטער הרב יוסף מאיר.
• מרת רבקה מרים, ווייב פון הרב אהרן יוסף האלבערשטאם, אייניקל פון הרב אלישע, דער גארליצער רבי פון בני ברק.
• הרב יעקב אברהם יחיאל, האט געהייראט מרת רייצא רחל, טאכטער פון רבי יעקב האראנטשיק פון לעלוב, און איידעם פון סטאניסלאווער רבי.
• הרב דוד, האט גהעייראט מרת הינדא שינדל, טאכטער פון המקובל רבי אברהם אביש ווייס אב"ד דעת קדושים, זון פון רבי ישראל חיים ווייס ספינקער רבי פון בני ברק און איידעם פון קרעטשעניפער רבי.
• שלום
• מלכה
• פייגא שפרה
• אהרן
• איידל
• יוכבד זלאטא
• לוי יצחק
• ליבא חנה

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!