אונטערשייד צווישן ווערסיעס פון "רבי משה חיים אפרים פון סדילקאוו"
ק (←ביאגראפיע: טעות סופר) |
(←ביאגראפיע: פארברייטערט) |
||
| שורה 17: | שורה 17: | ||
== ביאגראפיע == | == ביאגראפיע == | ||
געבוירן צו [[רבי יחיאל אשכנזי|רבי יחיאל מיכל אשכנזי]] און [[אדל]], די טאכטער פונעם [[בעל שם טוב]], אין שטאט [[מעזשביזש]] וואו זיין זיידע האט געוואוינט. עטליכע מיינונגען זענען פארהאן איבער דאס יאָר פון זיין געבורט{{ביאור|אין "ספר החסידות" פון אברהם כהנא ווערט געברענגט אז ער איז געבוירן אין יאר [[ה'תק"ב]], און אין ספר "החסידות והחסידים" פון שמואל אבא האראדעצקי ווערט געברענגט אז ער איז געבוירן אין יאר [[ה'תק"ח]], ווידער אנדערע נעמען אן אז ער איז שוין געווען געבוירן אזוי פרי ווי [[ה'ת"ק]]{{הערה|שם=אורות|"דער הייליגער דגל", '''[[אורות]]''', אייר תשע"ח}}.}}. יונגערהייט האט אים זיין זיידע שוין אנגערופן: "עילוי גדול בתכלית הלימוד"{{ביאור|אין א בריוו צו זיין שוואגער [[רבי אברהם גרשון פון קיטוב]]. דער בריוו איז בערך פון יאר [[ה'תקי"ב]].}}. | געבוירן צו [[רבי יחיאל אשכנזי|רבי יחיאל מיכל אשכנזי]] און [[אדל]], די טאכטער פונעם [[בעל שם טוב]], אין שטאט [[מעזשביזש]] וואו זיין זיידע האט געוואוינט. עטליכע מיינונגען זענען פארהאן איבער דאס יאָר פון זיין געבורט{{ביאור|אין "ספר החסידות" פון אברהם כהנא ווערט געברענגט אז ער איז געבוירן אין יאר [[ה'תק"ב]], און אין ספר "החסידות והחסידים" פון שמואל אבא האראדעצקי ווערט געברענגט אז ער איז געבוירן אין יאר [[ה'תק"ח]], ווידער אנדערע נעמען אן אז ער איז שוין געווען געבוירן אזוי פרי ווי [[ה'ת"ק]]{{הערה|שם=אורות|"דער הייליגער דגל", '''[[אורות]]''', אייר תשע"ח}}.}}. יונגערהייט האט אים זיין זיידע שוין אנגערופן: "עילוי גדול בתכלית הלימוד"{{ביאור|אין א בריוו צו זיין שוואגער [[רבי אברהם גרשון פון קיטוב]]. דער בריוו איז בערך פון יאר [[ה'תקי"ב]].}}. ס'האט זיך גערעדט זייער ערנסט [[חתונה]] צו האבן מיט די טאכטער פון זיין פעטער [[רבי אברהם גרשון פון קיטוב]], אבער צוליב דאס וואס ער איז ארויף קיין [[ארץ ישראל]] איז דאס נישט צוגרינד געקומען{{הערה|מכתבים מהבעש"ט ותלמידיו, לבוב, תרפ"ג, זייט 33.}}. האט חתונה געהאט צו פעסיל{{הערה|דגמ"א, הוצאת "פאר מקדושים", בראש המחנה-פרקי תולדות, זעה דארט די אריכות איבער דעם.}}. | ||
נאכן פטירה פון זיין זיידן האט ער געלערנט ביי זיינע [[תלמיד]]ים: [[רבי דוב בער פון מעזריטש]], [[רבי וואלף קיצעס]], און בעיקר ביי [[רבי יעקב יוסף פון פולנאה]] דער מחבר פון [[תולדות יעקב יוסף]]. רבי אפרים ווערט אבער נאך פאררעכנט ווי א מיטגליד פונעם צווייטן דור פון [[חסידות]], ווייל ער האט אליין מקבל געווען [[תורה]] פון זיין זיידן און ער ציטירט דירעקט זיינע ווערטער אין זיין ספר. | נאכן פטירה פון זיין זיידן האט ער געלערנט ביי זיינע [[תלמיד]]ים: [[רבי דוב בער פון מעזריטש]], [[רבי וואלף קיצעס]], און בעיקר ביי [[רבי יעקב יוסף פון פולנאה]] דער מחבר פון [[תולדות יעקב יוסף]]. רבי אפרים ווערט אבער נאך פאררעכנט ווי א מיטגליד פונעם צווייטן דור פון [[חסידות]], ווייל ער האט אליין מקבל געווען [[תורה]] פון זיין זיידן און ער ציטירט דירעקט זיינע ווערטער אין זיין ספר. | ||
רעוויזיע פון 13:39, 7 מאי 2023
 | |
| די ציון פון דער דגל מחנה אפרים | |
| געבורט | מעזשביזש |
|---|---|
| פטירה |
מעזשביזש |
| מקום קבורה | מעזשביזש |
| רבי'ס | בעש"ט, רבי דוב בער פון מעזריטש, רבי וואלף קיצעס, רבי יעקב יוסף פון פולנאה |
| ספרים | דגל מחנה אפרים |
רבי משה חיים אפרים (דער "דגל") פון סדילקאוו, (בערך ה'תק"ב - י"ז אייר ה'תק"ס), איז געווען אן אייניקל פון דעם בעל שם טוב, פון זיינע נאכפאלגערס, און פון די ערשטע צו שרייבן חסיד'ישע ספרים.
ביאגראפיע
געבוירן צו רבי יחיאל מיכל אשכנזי און אדל, די טאכטער פונעם בעל שם טוב, אין שטאט מעזשביזש וואו זיין זיידע האט געוואוינט. עטליכע מיינונגען זענען פארהאן איבער דאס יאָר פון זיין געבורט[א]. יונגערהייט האט אים זיין זיידע שוין אנגערופן: "עילוי גדול בתכלית הלימוד"[ב]. ס'האט זיך גערעדט זייער ערנסט חתונה צו האבן מיט די טאכטער פון זיין פעטער רבי אברהם גרשון פון קיטוב, אבער צוליב דאס וואס ער איז ארויף קיין ארץ ישראל איז דאס נישט צוגרינד געקומען[2]. האט חתונה געהאט צו פעסיל[3].
נאכן פטירה פון זיין זיידן האט ער געלערנט ביי זיינע תלמידים: רבי דוב בער פון מעזריטש, רבי וואלף קיצעס, און בעיקר ביי רבי יעקב יוסף פון פולנאה דער מחבר פון תולדות יעקב יוסף. רבי אפרים ווערט אבער נאך פאררעכנט ווי א מיטגליד פונעם צווייטן דור פון חסידות, ווייל ער האט אליין מקבל געווען תורה פון זיין זיידן און ער ציטירט דירעקט זיינע ווערטער אין זיין ספר.
דער דגל האט געדינט אלס רב און מגיד מישרים אין סדילקאוו וואס איז נעבן שפיטיווקא און נישט ווייט פון מעזשביזש זיין געבורטס ארט. ער האט דארט שטארק געליטן פון רדיפות צוליב די התנגדות צו חסידות צוזאמען מיט ארעמקייט, צוליב וואס די קהילה האט אים נישט באזארגט זיין פרנסה[1]. אין יאר ה'תקמ"ח בערך איז ער צוריק צו זיין געבורטס ארט, וואו זיין ברודער רבי ברוך פון מעזשביזש האט געדינט אלס רבי; דער דגל האט זיך דערפאר געפירט צו דאווענען אין בית המדרש פון זיין זיידן.
די ברידער זענען געווען זייער נאנט און עס האט געהערשט גרויס פריינדשאפט צווישן זיי, כאטש זיי האבן ביידע געפירט רעביסטווע אין זעלבן שטאט. רבי אפרים איז נישט ארויסגעשטאנען ביים לעבן אלס מנהיג פון א גרויסע קהילה, כאטש ער איז געווען באקאנט אלס דרשן; ווי זיין רבי דער תולדות יעקב יוסף איז זיין כח געווען גרעסער אין שרייבן ווי אין פירן א קהילה. זיין ברודער, פון דער אנדערער זייט, האט געפירט א גרויסע קהילה, ער איז אסאך ארומגעפארן צו די פארשידענע שטעטלעך אין אוקראינע וואו זיינע חסידים האבן געוואוינט, און אסאך פון די מנהיגים פון קומענדיגן דור אין חסידות האבן זיך געציילט צווישן זיינע תלמידים.
אום י"ז אייר, ערב ל"ג בעומר פון יאר ה'תק"ס (לויט אנדערע, ה'תקנ"ח[1]), איז רבי משה חיים אפרים אוועק. ער איז באהאלטן געווארן אין אוהל פון זיין זיידן אין מעזשביזש.
נאך זיין פטירה האבן זיינע זין נישט איבערגענומען זיין פירערשאפט אין מעזשביזש. נאך ביים לעבן האט זיין איידעם, רבי דוד הלוי איש הורוויץ, איבערגענומען זיין שטעלע אלס מגיד מישרים און אדמו"ר אין סדילקאָוו.
זיין ספר
אין יאר ה'תק"ע, צען יאר נאך זיין פטירה, האט זיין זון רבי יעקב יחיאל פון קאריץ געדרוקט די שריפטן וואס ער האט איבערגעלאזט, געבנדיג א נאמען פאר דעם ספר "דגל מחנה אפרים". דאָס ספר ווערט פאררעכנט אלס אַ ספר יסוד אין חסידות.
פאמיליע
- זיין טאכטער עטל, פרוי פון רבי דוד הלוי איש הורביץ פון סדילקאוו.
- זיין זון רבי יצחק פון קאליס.
- זיין איידעם רבי יעקב יוסף, זון פון רבי חיים פון טשערנאוויץ דער "באר מים חיים".
- זיין איידעם רבי יוסף פון שפיטיווקא, אייניקל פון רבי פנחס קאריצער און רבי יעקב שמשון שעפעטיווקער.
- זיין זון רבי יוסף יחיאל פון מעזשביזש, איידעם פון רבי חנינא ליפא פון כמעלניק. ער איז געווען געשעצט ביי רבי ישראל פון רוזשין.
- זיין זון רבי יעקב יחיאל פון קאריץ.
- זיין איידעם רבי לייבוש פון כמעלניצקי.
- זיין איידעם רבי יוסף פון וואלאטשיסק, א זון פון רבי מרדכי פון קרעמניץ וועלכער איז געווען דער יונגסטער זון פון רבי יחיאל מיכל פון זלאטשוב.
היינט דינען צוויי פון זיינע אייניקלעך אלס רבי'ס פון סדילקאוו: רבי אריה לייב גלאנץ אין מאנסי, ניו יארק; און רבי אריה וואהל פון סדילקאוו אין בית שמש.
צו ליינען מער
- "דער הייליגער דגל", אורות, אייר תשע"ח
דרויסנדע לינקס
פאראמעטער פעלערן אין מוסטער:אייוועלט
סוג לא תואם [ 1 ] "משה חיים אפרים מסאדילקוב 'הדגל' י"ז אייר תק"ס 7647", אשכול אויף אייוועלט- אברהם כהנא, רבי משה חיים אפרים ב"ר יחיאל בעל "דגל מחנה אפרים", אין "ספר החסידות" (ווארשע ה'תרפ"ב), אויף "דעת"
- רבי משה חיים אפרים פון סדילקוב אויף אהלי צדיקים זייטל
- א באשרייבונג איבער זיין טאטע
נאטיצן
- ↑ אין "ספר החסידות" פון אברהם כהנא ווערט געברענגט אז ער איז געבוירן אין יאר ה'תק"ב, און אין ספר "החסידות והחסידים" פון שמואל אבא האראדעצקי ווערט געברענגט אז ער איז געבוירן אין יאר ה'תק"ח, ווידער אנדערע נעמען אן אז ער איז שוין געווען געבוירן אזוי פרי ווי ה'ת"ק[1].
- ↑ אין א בריוו צו זיין שוואגער רבי אברהם גרשון פון קיטוב. דער בריוו איז בערך פון יאר ה'תקי"ב.
- ↑ איידעם פון דער מאור עינים פון טשערנאביל.