אונטערשייד צווישן ווערסיעס פון "רוי:דער גרויסער דיקטאטאר"

'''דער גרויסער דיקטאטאר''' ([[ענגליש]]: ''The Great Dictator'') איז אן אמעריקאנישע [[פאליטישע סאטירע]], [[קאמעדיע]]-[[דראמא]] פילם פון 1940 וואס איז געשריבן, רעזשיסירט, פראדוצירט און קאמפאזירט געווארן דורכן בריטישן קאמיקער [[טשארלי טשאפלין]], וואס האט אויך געשפילט אינעם פילם. ווייל טשאפלין איז געווען דער איינציקער [[האליוואד]] פילם מאכער וואס האט נאך פראדוצירט שטומע פילמען שוין לאנג נאכן אנהייב פון דער עפאכע פון קלאנג-פילמען איז דאס געווען זיין ערשטער אמתער קלאנג פילם.

"דער גרויסער דיקטאטאר" איז געווען פאפולער צווישן די מאסן און איז געווארן טשאפלינ'ס מערסט געראטענער פילם אין הכנסות. מאדערנע קריטיקער האבן אויך געלויבט אים אלס א העכסטוויכטיגער פילם אין היסטאריע און א וויכטיגע שאפונג פון [[סאטירע]]. אין 1997 איז ער דערוויילט געווארן דורך דער קאנגרעס ביבליאטעק פאר קאנסערוואציע אינעם נאציאנאלן פילם רעגיסטער אלס א פילם מיט א "קולטורעלער, היסטארישער אדער עסטעטישער וויכטיגקייט". "דער גרויסער דיקטאטאר" איז נאמינירט געווען פאר פינף אקאדעמיע פריזן - בעסטע פראדוקציע, בעסטער אקטיאר, בעסטע שרייבונג (אריגינאלע סצענאר-שרייבונג), בעסטער צווייטיקער אקטיאר (פאר [[דזשעק אקי]]) און בעסטע אריגינעלע מוזיק.