שמועס:ברוך שאמר
דער רי״ף נאכדעם וואס ער ברענגט
איך מיין מדארף שרייבן: נאכדעם וואס דער רי״ף ברענגט איינס (שמועס) 02:32, 1 יולי 2023 (IDT)
- ריכטיג, און עס ווארט ממש אויף אייך... די בלעטער שטייען דערפאר, אז מען זאל זיי פארבעסערן און צולייגן (שוין אפגערעדט די בלעטער אין "דרעפט" געביט). איבער מער יסודות'דיגע שאלות, אדער זאכן וואס קענען ענדערש זיין קאנטראווערסיאל, איז טאקע כדאי צו עפענען א שמועס ווי איר האט געטון, אבער אין אלגעמיין האט נישט מורא צו זיין געוואגט און טוישן כטוב בעיניך. מיר וועלן אלע הנאה האבן דערפון!
נאך בעסער ווי 'דער רי"ף נאכדעם' און 'נאכדעם וואס דער רי"ף', וואלט געווען אנצוהייבן דעם שטיקל פון די מקורות בעפאר דעם רי"ף. זע דעם ארטיקל אויף העברי פאר ביישפיל. — צמא לדעת • שמועס • י"ג תמוז ה'תשפ"ג 11:43, 2 יולי 2023 (IDT)
פשט פון אור זרוע
י'הושע, תנא קמא, אויך אויף ויקיפדיה פרעגט דער שרייבער אז דער או"ז איז זיך סותר מיניה וביה, ווען ער שרייבט אז די אנשי כנסת הגדולה האבן עס מתקן געווען און זאפארט דערנאך אז נישט די אכה"ג האבן עס מתקן געווען נאר עס איז פון א פתקא מן שמיא. לענ"ד זע איך אבער אינגאנצן נישט וואס איז שווער; די רעדע איז פון צוויי אנדערע זאכן (הגם דער או"ז נוצט "תקנוהו" פאר ביידע): ווער האט פארפאסט דעם נוסח, און ווער האט איינגעפירט אז מען זאל זאגן אט דעם פארפאסטן נוסח.
רוב ברכות האבן די אנשי כנסת הגדולה סיי געמאכט דעם נוסח, און סיי מתקן געווען אז דעם נוסח וואס זיי האבן יעצט מחבר געווען זאל געזאגט ווערן - ברוך שאמר איז אנדערש. דער נוסח שטאמט נישט פון די אכה"ג, אנשי כנסת הגדולה לא תקנוהו, נאר עס איז געקומען געשריבן אויף א פתקא מן שמיא. גוט, אבער ווער האט מתקן געווען אז מיר זאלן זאגן אט דעם נוסח וואס איז געווען געשריבן אויף די פתקא? (די עשרת הדברות קומען דאך לכל הדעות מן שמיא, און נישט אויף א פתקא נאר געגעבן בקולות וברקים, און פארט זאגן מיר עס נישט טעגליך...), אויף דעם איז דער ענטפער, אנשי כנסת הגדולה תקנוהו.
וואס ער שרייבט ממש ביים סוף אז די קבלה איז נתקבל געווארן איש מפי איש עד מרע"ה מפי הגבורה איז שוין טאקע שווער, וכנראה צריך לדחוק (כעין ווי אסאך ראשונים שרייבן שוין לגבי אנדערע זאכן וואס די גמרא רופט אן הלכה למשה מסיני) אז עס איז אשיגרת לשון, און ער מיינט צו באטאנען אז עס איז א מסורת קבועה בישראל וואס קומט פון אויבן און קען נישט געטוישט ווערן. — צמא לדעת • שמועס • ז' אב ה'תשפ"ג 12:41, 25 יולי 2023 (IDT)